အောက်တိုဘာ-၂၅၊ ၂၀၂၅။မိုမို/People’s Spring
ရန်ကုန်မြို့၊ကျောက်တံတားမြို့နယ်မှာ အောက်ဆိုဒ်ပြေးဆွဲတဲ့ကားတစ်စီး တိမ်မှောက်ရာ ခရီးသည်တစ်ဦးသေပြီး ခုနစ်ဦး ဒဏ်ရာရတယ်လို့ လူမှုကူညီရေးအသင်းအဖွဲ့ တာဝန်ရှိသူတွေက ပြောပါတယ်။
ဒီကနေ့(အောက်တိုဘာ ၂၅ ရက်)မနက် ၈နာရီဝန်းကျင်က မဟာဗန္ဓုလလမ်းနဲ့ ဗိုလ်အောင်ကျော်လမ်းထောင့်မှာ အောက်ဆိုဒ်ပြေးဆွဲတဲ့ Light Truck ကား တိမ်မှောက်ခဲ့တာလို့ ဆိုပါတယ်။
“မီးနီးဖြတ်ရင်း ဖြစ်တာ။တဖက်လမ်းက တက္ကစီပေါ်လာတော့ ရှောင်ရင်းမှောက်သွားတာ”လို့ ဖြစ်စဥ်ကို ကူညီခဲ့သူက ပြောပါတယ်။
Public Service Announcement
အောက်ဆိုဒ်ကားပေါ်မှာ အမျိုးသားလေးဦး၊အမျိုး သမီးသုံးဦး စုစုပေါင်းခရီးသည် ခုနစ်ဦးပါပြီး အမျိုးသားတစ်ဦးက စိုးရိမ်ရတယ်လို့ အသိပေးပါတယ်။
“ဖြစ်စဥ်နေရာမှာ သေသွားတာက ယာဥ်မောင်းပါ။ခေါင်းခန်းမှာပါတဲ့ နောက်အမျိုးသားတစ်ယောက်က အခု ICUထဲ ဝင်နေရတယ်”လို့ လင်းလက် လူမှုကူညီရေးအဖွဲ့ဝင်တစ်ဦးက ပြောပါတယ်။
ရန်ကုန်မြို့တွင်း ပြေးဆွဲနေတဲ့ YBS ယာဥ်တွေဟာ ယာဉ်ထွက်ရှိတဲ့ အချိန်ကြာမြင့်တာ ၊ ဘတ်စ်ကားအသုံးပြုသူ များလာတာတွေနဲ့အတူ အောက်ဆိုဒ်ကားတွေ ပြန်ခေတ်စားလာတယ်လို့ ဒေသခံအချို့က ဆိုပါတယ်။
“လိုက်ထရပ် နဲ့ ဘုရားဖူးသွားတာ အဖမ်းခံရတယ်။လိုက်ထရပ်ကားဆိုတာ လူမတင်ရဘူးကုန်တင်ဖို့တဲ့ ကျပ်၃၀၀၀၀ ပေးခဲ့ရတယ်။ရန်ကုန်မှာ အောက်ဆိုက်ဆွဲလို့ရတယ်တရက် ၃၀၀၀၀ ပေါ့။ဗန္ဓုလ တံတားဆိုရင် လမ်းပြောင်ပြန် မောင်းခွင့်တောင် ပေးထားသေးတယ်”လို့ ရန်ကုန်မြို့ခံတစ်ဦးကပြောပါတယ်။
