စစ်ကောင်စီ ကျင်းပတဲ့ ပြည်နယ်နေ့အခမ်းအနားကို ကရင်လက်နက်ကိုင်အဖွဲ့ သုံးဖွဲ့တက်ရောက်

နိုဝင်ဘာ – ၇ ၊၂၀၂၅ ၊နိုင်ပကောင်း/People’s Spring

ဘားအံမြို့မှာ စစ်ကောင်စီက ကျင်းပတဲ့ နှစ်(၇၀)ပြည့် ကရင်ပြည်နယ်နေ့အခမ်းအနားကို ကရင်လက်နက်ကိုင်အဖွဲ့သုံး ဖွဲ့က ထိပ်ပိုင်းခေါင်းဆောင်တွေ တက်ရောက်ခဲ့ကြတယ်လို့သိရပါတယ်။

ဒီနေ့​ (နိုဝင်ဘာလ ၇ ရက်) မှာ ကျရောက်တဲ့ နှစ် (၇၀ ) ပြည့် အခမ်းအနားကို ကရင်ပြည်နယ်မြို့တော် ဘားအံမြို့ ၊ အမှတ် (၄) ရပ်ကွက် ၊ သီရိကွင်းမှာ စစ်ကောင်စီက ကျင်းပတာပါ။

အဲဒီပွဲကို စစ်ကောင်စီရဲ့ရွေးကောက်ပွဲကို ထောက်ခံတယ်လို့ တရားဝင်ထုတ်ပြောထားတဲ့ ကရင့်လက်နက်ကိုင် သုံးဖွဲ့ဖြစ်တဲ့ ကရင်နယ်ခြားစောင့်တပ်(BGF)၊ ကရင်ငြိမ်းချမ်းရေးကောင်စီ(KNU/KNLA PC)၊ ဒီမိုကရေစီအကျိုးပြုကရင်တပ်မတော်(DKBA)တို့က ခေါင်းဆောင်ပိုင်းတွေ တက်ရောက်ခဲ့ကြတာပါ။BGF က စစ်တပ်လက်​အောက်ခံ နယ်ခြား​စောင့်တပ်ဖြစ်သလို ၊ DKBA နဲ့ KNLA-PC တို့ဟာလည်း စစ်တပ်နဲ့အပစ်ရပ်လက်

Public Service Announcement

မှတ် ​ရေးထိုးထားသလို စစ်တပ်ကိုပြန်မတိုက်ပဲ ကူညီ​နေတဲ့ အဖွဲ့​တွေဖြစ်ပါတယ် ။

BGF က အထွေထွေအတွင်းရေးမှူး စောချစ်သူနဲ့ စစ်ဒေသမှူးတွေ၊ KNU/KNLA PC က ဒုဥက္ကဌ ဒေါက်တာနော်ကပေါ်ထူးနဲ့အဖွဲ့ဝင်တွေ၊ DKBA က ဒုစစ်ဦးစီးချုပ် စောရွှေဝ ဦးဆောင်တဲ့အဖွဲ့ဝင်တွေ ပါဝင်တက်ရောက်တာတွေ့ရပါတယ်။

KNU ဒူးပလာယာခရိုင် ဥက္ကဌဟောင်းဖြစ်တဲ့ ပဒိုစောရွှေမောင်းလည်း ပါဝင်တက်ရောက်ခဲ့တယ်လို့ သိရပါတယ်။

ကရင်ပြည်နယ်နေ့ ပွဲတော်ကို နိုဝင်ဘာလ ၅ ရက်ကနေ ၁၀ ရက်အထိကျင်းပမှာဖြစ်ပြီး ပွဲတော်ရက်တွေ အတွင်း ဘားအံမှာ စစ်ကောင်စီတပ်က လုံခြုံရေး တင်းကျပ်ထားပါတယ်။