ဖားကန့်မှာ စစ်တပ်​ရွေး​ကောက်ပွဲကို ဆန္ဒပြ

နိုဝင်ဘာ-၂၀၊၂၀၂၅။People’s Spring

ကချင်ပြည်နယ်၊ဖားကန့်မြို့မှာ ယ​နေ့ မနက်ပိုင်း က တရုတ်အစိုးရ အားပေး ကူညီ မှုနဲ့စစ်တပ်က လုပ်မယ့်ရွေးကောက်ပွဲကို ဆန့်ကျင့် ကန့်ကွက်​ကြောင်း ဆန္ဒပြကြပါတယ် ။

ဖားကန့်မြို့နယ်မှော်လှည့်သပိတ်စစ်​ကြောင်းနဲ့ ​ဒေသခံပြည်သူ​တွေစုစု​ပေါင်း အင်အား ၅၀ ​ကျော်က “သင့်မဲဖြင့် တရားဝင် လူသတ်ခွင့်မပေးပါနဲ့ ဖက်ဆစ်ရွေးကောက် ခွေးထွက်ပေါက် မဲမပေးနှင့် သပိတ်မှောက်”၊ “အာဏာရှင် လုပ်တဲ့ ဒီမိုကရေစီ အပြောင်းအလဲဆိုတာ ဖာခေါင်းကလုပ်တဲ့ ပြည်တာဆာ ပပျောက်ရေးလိုပဲ ဖြစ်လိမ့်မယ်” စတဲ့

စာတန်း​တွေ ကိုင်ဆောင်ပြီး စစ်တပ်​ရွေး​ကောက်ပွဲကိုဆန့်ကျင် ​ကြောင်းလမ်း​လျှောက်ဆန္ဒပြခဲ့ကြတာပါ။

Public Service Announcement

ဒါအပြင် “ ဘယ်အာဏာရှင် စနစ်မှအလိုမရှိ” ၊ “ ညစ်ပတ်တဲ့ စစ်တပ်အမြစ်ဖြတ်” ၊ “ တရားမဝင်အတုအ​ယောင်​ရွေး​ကောက်ပွဲ ရတဲ့နည်းနဲ့ ဆန့်ကျင်ကြ” ၊ “ ပြည်သူ့ဘက်ကို မျက်နှာမူပါ ပြည်သူ့​​မေတ္တာစူးပါ​စေသား ” စတဲ့ ​ကြွေး​ကြော်သံ​တွေလည်း ​ကြွေး​ကြော်ခဲ့ပါတယ် ။ ဖားကန့်မှာ စစ်တပ်စစ်​ကြောင်း​တွေဝင်လာပြီး တိုက်ပွဲ​တွေမကြာခဏဖြစ်​နေတဲ့ ကြားက နိုဝင်ဘာ ၂၀ ရက်မှာ ဆန္ဒပြခဲ့ကြတာဖြစ်ပါတယ် ။

ဆန္ဒပြပွဲမှာ စစ်တပ်ရဲ့ ရွေးကောက်ပွဲကို ဆန့်ကျင်ကြဖို့ ၊အာဆီယံ ၊ကုလသမဂ္ဂ ၊အ​မေရီကန် ၊ဂျပန်နဲ့ နိုင်ငံတကာ အသိုင်းအဝိုင်း ကလည်း စစ်တပ်ရွေးကောက်ပွဲ ကိုအသိအမှတ်မပြုကြဖို့တောင်းဆိုခဲ့ကြပါတယ်။ဒါ့အပြင်ပြည်သူ​တွေကို မီးရှို့ သတ်

ဖြတ် ဗုံးကျဲနေတဲ့ မင်းအောင်လိုင်ကိုထောက်ခံ ကူညီနေတဲ့ တရုတ်အစိုးရ အနေဖြင့် လည်းမြန်မာပြည်သူ​တွေသတ်ဖြတ်ခံရအောင် ကူညီနေတာ၊ တရားမဝင်ရွေးကောက်ပွဲကိုကူညီထောက်ခံနေတာ​တွေကိုရပ်တန့်ဖို့လည်း တောင်းဆိုခဲ့ကြပါတယ်။

ဓါတ်ပုံ-ဖားကန့်မြို့နယ်မှော်လှည့်သပိတ်စစ်​ကြောင်း