ဒီဇင်ဘာ ၁၃ ရက်မှာပြုလုပ်မယ့် လူထုလှုပ်ရှားမှု

နိုဝင်ဘာ-၂၅၊၂၀၂၅။တေဇ/People’s Spring

စစ်ကောင်စီရဲ့ရွေးကောက်ပွဲအကြောင်း ကမ္ဘာကသိ‌စေဖို့နဲ့ နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားတွေလွတ်မြောက်ရေးအတွက်ဒီဇင်ဘာ ၁၃ရက်မှာ လူထုလှုပ်ရှားမှု ပြုလုပ်မယ့်အကြောင်း All in One Piece Movement ပေ့ခ်ျက အသိပေးထားပါတယ်။

ဒီလှုပ်ရှားမှုကို ဒေါ်အောင်ဆန်းစုကြည်ရဲ့ သားဖြစ်သူ ကင်မ်အဲရစ် (ခ)ကိုထိန်လင်း ဦးဆောင် ပြုလုပ်မှာဖြစ်ပြီး Social Media နဲ့ မြေပြင်အဖွဲ့ တွေအတူတူပူးပေါင်း ဆန္ဒဖေါ်ထုတ်မယ့်အစီအစဉ်ဖြစ်တယ်လို့ ထုတ်ပြန်ထားပါတယ်။

ဒီလှုပ်ရှားမှုကို ပြုလုပ်ရတာက ဒေါ်အောင်ဆန်းစုကြည်အပါအဝင် သမ္မတကြီးနဲ့ နိုင်ငံရေးအကျဉ်းသားအားလုံးလွတ်မြောက်ရေးအတွက် ရည်ရွယ်သလို ဒီဇင်ဘာမှာ ပြုလုပ်မယ့် စစ်ကောင်စီရဲ့ ရွေးကောက်ပွဲက အတုအယောင်ဖြစ်တယ်ဆိုတာကမ္ဘာကသိစေဖို့ နဲ့ အားလုံးရဲ့ စည်းလုံးမှုအင်အားကိုပြသနိုင်ဖို့ လို့ အသိပေးထားပါတယ်။

Public Service Announcement

ဒီလှုပ်ရှားမှုမှာ ဘယ်လိုပါဝင်ရမယ်ဆိုတာကိုတော့ All In One Piece Movement ရဲ့ပေ့ခ်ျကနေ ဆက်လက်ဖော်ပြပေးမယ်လို့ ဆိုပါတယ်။

ဒီအကြောင်းအရာကို လူသိများတဲ့ တော်လှန်ရေး ဘက်တော်သားတွေက လူမှုကွန်ရက်မှာ နိုဝင်ဘာ ၂၄ရက်က မျှဝေနေကြတာပါ။

All In One Piece Movement ပေ့ခ်ျကပြီးခဲ့တဲ့ ဇွန်လက ဒေါ်အောင်ဆန်းစုကြည်ရဲ့ မွေးနေ့မှာ Suu 80th Birthday အမည်နဲ့မွေးနေ့ အထိမ်းအမှတ် လူထုလှုပ်ရှားမှုတွေ ကိုထိန်လင်းရဲ့ ဦးဆောင်မှုနဲ့ပြုလုပ်ခဲ့ပါတယ်။