နိုဝင်ဘာ-၂၆၊၂၀၂၅။အိမ်သွင်/People’s Spring
ဖားကန့်မှာ မနေ့ညပိုင်းမှာ တိုက်ပွဲပြင်းထန်ခဲ့ပြီး စစ်သုံးပန်းအများအပြားကို KIA ၊KPDF ပူးပေါင်းတပ်က ဖမ်းမိခဲ့ပါတယ်။
ဆန်းကြွယ်နဲ့ ရှရော်ခရွာကို စစ်တပ်စစ်ကြောင်းဝင်လာလို့ ည၇နာရီခန့်ကစပြီး ညနက်ပိုင်းအထိ တိုက်ပွဲပြင်းထန်ခဲ့တာလို့ဒေသခံအချို့ကပြောပါတယ်။
“ စစ်ကြောင်းဝင်လာလို့ပိတ်ဆော်တာပါ။စစ်တပ်ဘက်က လက်နက်ကြီးတွေ၊ ဒရုန်းတွေနဲ့ပါ ချတာ။ လေယာဉ်လည်းလာတယ်။ တိုက်ပွဲမှာတော့ ပစ(စစ်မှုထမ်းသင်တန်းဆင်း)တွေပါ မိထားတယ်” လို့ ဒေသခံသတင်း စစ်ရေးသတင်းရင်းမြစ်က ပြောပါတယ်။
Public Service Announcement
ဖားကန့်မှာ နိုဝင်ဘာ ၂၅ ရက်ည ကတည်းကတိုက်ပွဲဖြစ်ခဲ့တာဟာ ဒီကနေ့( နိုဝင်ဘာလ၂၆ရက်) မနက်အစောပိုင်းအထိလက်နက်ကြီး၊ လက်နက်ငယ်မျိုးစုံကြားနေရတယ်လို့ ဒေသခံတွေကပြောပါတယ်။
ပြီးခဲ့တဲ့ နိုဝင်ဘာလ၁ဝရက်နေ့က တိုက်ပွဲအပြင်းအထန်ဖြစ်ပွားပြီးနောက်ရက်မှာငြိမ်သက်နေတာကနေ နိုဝင်ဘာ ၂၅ရက်ညမှာ တိုက်ပွဲတွေပြန်လည်ဖြစ်ပွားတာပါ။ ဒါပေမယ့် နိုဝင်ဘာ ၁၀ ရက်နောက်ပိုင်းမှာ တိုက်ပွဲ ငြိမ်သက်ခဲ့ပေမယ့် စစ်တပ်က လေကြောင်း၊ဒရုန်းနဲ့လက်နက်ကြီးတွေနဲ့ အရပ်သားထိခိုက်သေဆုံးမှုတွေရှိခဲ့ပါတယ်။
နိုဝင်ဘာ ၂၅ ရက်ညမှာလည်း ဖားကန့် ယူမာရွာဘက်ကို Y12လေယာဉ်ဖြန်ပျံသလို ဒရုန်းနဲ့လည်း ဗုံးကြဲခဲ့လို့ ဒေသခံတွေရဲ့ အိမ်တချို့ပျက်စီးခဲ့ပါတယ်။မနက်ပိုင်းကလည်း ကုဋေမှော်နဲ့ မားဆားရွာကြားကိုလက်နက်ကြီးနဲ့ပစ်ခတ်ပြီး မလောင်ကုန်းဘက်ကိုလည်း ဒရုန်းနဲ့ ဗုံးကြဲခဲ့တယ်လို့သိရပါတယ်။
လုံးခင်းအုပ်စုကုဋေကျေးရွာမှာ စစ်ကောင်စီကဒရုန်းဗုံးကြဲလို့ ကုဋေနှစ်ခြင်းဘုရားကျောင်းသင်းအုပ်ဆရာနေအိမ်နဲ့ ဘုရားကျောင်းသုံးကားတစ်စီး၊နားနေဆောင်တစ်ခုပျက်စီးသွားပါတယ်။ မီးသတ်ရုံးထဲကိုလည်း ဗုံးကြဲလို့ အမျိုးသားတစ်ဦးဒဏ်ရာခဲ့ပါတယ်။
ဖားကန့်လက်ရှိအခြေအနေက စစ်ရေးဆက်လက်တင်းမာလာနိုင်သလို စစ်ကောင်စီက လေကြောင်း၊ဒရုန်း၊လက်နက်ကြီးတွေနဲ့ ပစ်ခတ်နေတဲ့အတွက် ဒေသခံပြည်သူတွေအနေနဲ့ လုံခြုံရေးကိုပိုပြီးဂရုစိုက်ကြဖို့ KIA ပြောခွင့်ရ ဗိုလ်မှုးကြီးနော်ဘူက မနေ့က မနက်ပိုင်း People’s Spring နဲ့ အင်တာဗျူးစဥ်သတိပေးပါတယ်။
ဖားကန့် မှာတိုက်ပွဲပြင်းထန် ၊KIA နဲ့KPDF က စစ်သုံ့ပန်းတွေကို ဖမ်းမိထား နိုဝင်ဘာ-၂၆၊၂၀၂၅။အိမ်သွင်/People's Spring…
Posted by People's Spring on Tuesday 25 November 2025
ရုပ်သံ-Naw Tu Awng
