နိုဝင်ဘာ-၂၇၊ ၂၀၂၅။ People’s Spring
သြစတြေးလျနိုင်ငံ မြို့တော် ကန်ဘာရာမြို့ရှိ လွှတ်တော်အဆောက်အအုံရှေ့မှာ စစ်တပ်ရွေးကောက်ပွဲကို ဆန့်ကျင်ကြောင်း ပြသခဲ့ကြပြီး အမျိုးသားညီညွတ်ရေးအစိုးရ NUG နိုင်ငံခြားရေးဝန်ကြီး ဒေါ်ဇင်မာအောင်တက်ရောက် မိန့်ခွန်းပြောကြားခဲ့တယ်လို့ သိရပါတယ်။
သြစတြေးလျနိုင်ငံရောက် မြန်မာတွေ စုဝေးပြီး စစ်တပ်ရွေးကောက်ပွဲကို ဆန့်ကျင်ကန့်ကွက်ကြောင်း ဒီနေ့ ဆန္ဒထုတ်ဖော်ခဲ့ကြတာပါ။ ဒီနှစ်ကုန်ပိုင်းမှာ စစ်တပ်ကျင်းပမယ့်ရွေးကောက်ပွဲဟာ အတုအယောင်ဖြစ်ပြီး သြစတြေးလျအစိုးရအနေနဲ့ စစ်အုပ်စုရွေးကောက်ပွဲကို အသိအမှတ်ပြုလက်မခံဘဲ တရားဝင်မှု မပေးဖို့ အဲဒီဆန္ဒထုတ်ဖော်ပွဲမှာ တောင်းဆိုခဲ့ကြပါတယ်။
အဲဒီဆန္ဒထုတ်ဖော်ပွဲကို CRPH/NUG Support Group(သြစတြေးလျ)က ဦးဆောင်ပြုလုပ်ခဲ့တာဖြစ်ပြီး မြန်မာနွယ်ဖွား ၂၀၀ နီးပါးတက်ရောက်ခဲ့တယ်လို့ သိရပါတယ်။ ဆန္ဒထုတ်ဖော်သူတွေက ဖက်ဒရယ်ဒီမိုကရေစီရရှိရေး၊ စစ်သုံးစစ်တိုက်ဖျက်ရေးကြွေးကြွော်သံတွေနဲ့အတူ လူထုခေါင်းဆောင် ဒေါ်အောင်ဆန်းစုကြည်၊ ရွေးကောက်ခံသမ္မတ ဦးဝင်းမြင့်နဲ့ နိုင်ငံရေးအကျဥ်းသားအားလုံးချက်ချင်းလွှတ်ပေးဖို့လည်း တောင်းဆိုခဲ့ကြပါတယ်။
Public Service Announcement
ဒါ့အပြင် တရားမဝင်အတုအယောင်ရွေးကောက်ပွဲ အလိုမရှိကြောင်း၊ ထွက်ပေါက်မဟုတ်တဲ့ရွေးကောက်ပွဲကို ဆန့်ကျင်ကြောင်း၊ စစ်ကောင်စီကို ကူညီနေတဲ့ တရုတ်၊ ရုရှား တို့က ပြည်သူတွေရဲ့ ရန်သူဖြစ်ကြောင်း ဆန္ဒပြပွဲတက်ရောက်လာသူတွေက ကြွေးကြော်ခဲ့ကြပါတယ်။
