ဒီဇင်ဘာ-၂၀၊၂၀၂၅။အိမ်သွင်/People’s Spring
စစ်ကိုင်းတိုင်း၊ရေဦးမြို့နယ်ကတော်လှန်ရေးအင်အားစုတွေထိန်းချုပ်ထားတဲ့ဒေသမှာရှိတဲ့ အကျဉ်းစခန်းတစ်ခုကို အာဏာသိမ်းစစ်တပ်ကဒီဇင်ဘာလ၁၈ရက်ညနေပိုင်းမှာလေကြောင်း ကနေ ဗုံးကြဲလို့ အကျဉ်းသား ၂ဦးနဲ့ CDM ဝန်ထမ်းအပါအဝင် ၄ ဦး သေဆုံးခဲ့ပါတယ်။
အကျဉ်းစခန်းမှာထိန်းသိမ်းထားတဲ့အကျဉ်းသား၂ ဦး၊ CDM ဝန်ထမ်းအမျိုးသမီး ၁ဦးနဲ့ နောက်ထပ်အမျိုးသား ၁ဦးသေဆုံးခဲ့တာဖြစ်ပါတယ်။
တိုက်ပွဲဖြစ်ပွားခြင်းမရှိဘဲလာရောက် ဗုံးကြဲတာဖြစ်ပြီး ရေဦးမြို့နယ်ထဲကို လေကြောင်းကနေနှစ်ရက်ဆက်တိုက်ခိုက်တာလည်းဖြစ်ပါတယ်။
Public Service Announcement
ဒီဇင်ဘာလ ၁၇ ရက်နေ့ညကလည်း ရေဦးမြို့နယ်ကတမာ တောကျေးရွာဆေးခန်းကို စစ်တပ်က ဗုံးကြဲခဲ့ပါတယ်။ လူနာတွေကိုဘေးလွတ်ရာပို့ထားလို့ ထိခိုက်မှုကြီးမားမားမရှိခဲ့ပေမယ့် အဆောက်အအုံတွေပျက်စီးပြီး ဒေသခံတစ်ဦးဒဏ်ရာရခဲ့ပါတယ်။
ရေဦးမြို့နယ်နဲ့ဆက်စပ်နေတဲ့ခင်ဦးမြို့နယ်ကိုလည်း စစ်တပ်က ဒီဇင်ဘာလ၁၇ရက်နဲ့၁၈ရက်နေ့မှာ ၂ရက်ဆက်ဗုံးကြဲခဲ့လို့ ဒေသခံပြည်သူ ၁၃ဦးထက်မနည်းသေဆုံးခဲ့ပါတယ်။
ဒါအပြင်ဒီဇင်ဘာလ ၁၉ ရက်နေ့မှာလည်း ကောလင်း၊တန့်ဆည်နဲ့ ခင်ဦးမြို့နယ်တွေကို စစ်တပ်ကလေကြောင်းကနေ ဆက်တိုက် ဗုံးကြဲနေတာကြောင့်ပြည်သူတွေသေဆုံးထိခိုက်မှုတွေရှိခဲ့ပါတယ်။
စစ်အုပ်စုက တော်လှန်ရေးအင်အားစုတွေထိန်းချုပ်ထားတဲ့ ဒေသတွေမှာရှိတဲ့ အချုပ်ခန်းတွေ၊ အကျဉ်းစခန်းတွေကို လေကြောင်းက နေဗုံးကြဲလေ့ရှိပြီး ၂၀၂၄ခုနစ်ထဲမှာ ရခိုင်ပြည်နယ်၊ မြောက်ဦးမြို့၊ မောင်တောမြို့၊ မန္တလေးတိုင်းစဥ်ကူးမြို့က အကျဉ်းစခန်းတွေကို ဗုံးကြဲလို့ ထိခိုက်သေဆုံးမှုတွေများပြားခဲ့ပါတယ်။
