ဇန်နဝါရီ-၁၊ ၂၀၂၆။ဟန်နွေ/People’s Spring
အာဏာသိမ်း စစ်ကောင်စီနဲ့ စစ်တပ် အသွင်းပြောင်းတွေနဲ့ စုဖွဲ့ထားတဲ့ ပြည်ခိုင်ဖြိုးပါတီက ၂၀၀၈ အခြေခံ ဥပဒေ ခိုင်မာစေဖို့ရွေးကောက်ပွဲကို မဖြစ်မနေ လုပ်ဆောင်နေကြောင်း ကချင်လွတ်လပ်ရေးအဖွဲ့(KIO) ဥက္ကဋ္ဌ ဗိုလ်ချုပ်ကြီး အင်ဘန်လက ပြောကြားလိုက်ပြီး ကိုယ်တိုင်ပါဝင် ထည့်လိုက်တဲ့ မဲတပြားဟာ လူအများရဲ့ ကံကြမ္မာကို ဆုံးဖြတ်ပေးသွားမယ်ဆိုတာ သတိပြုဖို့ သတိပေးလိုက်ပါတယ်။
KIO ဥက္ကဋ္ဌက ၂၀၂၆ နှစ်သစ်ကူး မိန့်ခွန်းကို ကချင်ဘာသာနဲ့ ပြောကြားခဲ့ရာ Kachin News Groupက ဗိုလ်ချုပ်ကြီး အင်ဘန်လရဲ့ ပြောကြားချက် ရုပ်သံကို ဘာသာပြန် ဖော်ပြခဲ့ပါတယ်။
” ရန်သူဟာ တော်လှန်ရေးအဖွဲ့တွေ စည်းလုံးပြီး အင်အားကြီးထွားလာမှာ အလွန်စိုးရိမ်တဲ့အတွက် တော်လှန်ရေးအဖွဲ့ အချင်းချင်းကြား လူမျိုးအချင်းချင်းကြား အုပ်စုကွဲသွားဖို့ အတွက် ပြည်သူ့စစ် BGF ခေါင်းစဉ်အမျိုးမျိုးနဲ့ လက်နက်တပ်ဆင်ပေးပြီးတော့ အချင်းချင်း တိုက်ခိုင်းစေပါတယ်” လို့လည်း ဥက္ကဋ္ဌ အင်ဘန်လက ပြောကြားပါတယ်။
Public Service Announcement
တော်လှန်ရေးအဖွဲ့တွေကိုလည်း ကွဲသွားအောင် စည်းရုံးမှုတွေနဲ့ တော်လှန်အင်အား ပြုန်းတီး စေတာ သတိပြုဖို့ လိုနေကြောင်းလည်း သတိပေးပါတယ်။
ကချင်ပြည်နယ်မှာ ယခင်ကတည်းက အတူယှဉ်တွဲနေထိုင်ခဲ့ကြတဲ့ ကချင်နဲ့ ရှမ်းလူမျိုးကြား ရန်ဖက်ဖြစ်အောင် လုပ်ဆောင်နေကြောင်း ပြောပြပါတယ်။
“ကချင်နဲ့ ရှမ်းဟာ ဘယ်တော့မှ ရန်သူမဟုတ်ကြပါ။ တခြားရန်သူရဲ့ လှည့်ဖျားမှုတွေကြောင့် အချင်းချင်း တိုကပ်ွဲတွေ ဖြစ်ပွားနေတဲ့အတွက် အလွန်ရင်နာရပါတယ်။ဒါကြောင့်ဘယ်သူကရန်သူဘယ်သူက မိတ်ဆွေ( မဟာ မိတ်) ခွဲခြားသိဖို့ လိုပါတယ်။”လို့လည်း ဗိုလ်ချုပ်ကြီး အင်ဘန်လက ပြောပါတယ်။
ဗိုလ်ချုပ်ကြီးအင်ဘန်လရဲ့နှစ်ကူးမိန့်ခွန်းပါအကြောင်းအရာတွေနဲ့ပတ် သက်ပြီး မေးမြန်းဖို့ KIO/KIA သတင်းပြန်ကြားရေးဌာန တာဝန်ခံ ဗိုလ်မှူး ကြီးနော်ဘူဆီ ဆက်သွယ်ထားဆဲဖြစ်ပါတယ်။
KIOဥက္ကဋ္ဌ နှစ်ကူးမိန့်ခွန်း ပြောကြားချက်တွေကို KIO/KIA သတင်းပြန်ကြားရေးဌာနက ကချင်စာနဲ့ ဖော်ပြထားပါတယ်။ အဲဒီမိန့်ခွန်းစာရွက်အားဘာသာပြန်ချက်အရ KIO အနေနဲ့ စစ်အာဏာရှင် စနစ် တိုက်ဖျက်ဖို့အတွက် တော်လှန်ရေးအဖွဲ့တွေနဲ့ ဆက်လက်ပူးပေါင်းသွားမယ်လို့လည်း KIO ဥက္ကဋ္ဌက ပြောကြားခဲ့ပါတယ်။
ဒါ့အပြင်တိုင်းရင်းသားအားလုံး စစ်အာဏာရှင် စနစ်ကနေ လွတ်မြောက် ရေးအတွက် ဆက်လက်တိုက်ပွဲဝင်ဖို့ ဥက္ကဋ္ဌ အင်ဘန်လက တိုက်တွန်းခဲ့ပါတယ်။ တော်လှန်ရေးအဖွဲ့အစည်းအားလုံးနဲ့ လက်တွဲပြီး စစ်အစိုးရပျက် သုဉ်းတဲ့အထိ ဆက်လက်တိုက်ပွဲဝင်သွားကြဖို့လည်း KIO ဥက္ကဋ္ဌက တိုက် တွန်းထားပါတယ်။
