ဖေဖော်ဝါရီ ၆၊၂၀၂၆။မေရီ/People’s Spring
ငလျင်ထိပြီးပြိုကျထားတဲ့ အမရပူရမြို့က ပုထိုးတော်ကြီးဘုရား ပြင်ဆင်မှုတွေ မလုပ်ရသေးပေမဲ့ ဘုရားပွဲလုပ်ကာ ဇာတ်ပွဲထည့်ဖို့ စီစဥ်နေကြောင်း မြို့ခံတွေက ပြောပါတယ်။
အမရပူရမြို့က ငလျင်ထိပြီး စေတီတော်ကြီး ပြိုကျထားတဲ့ ပုထိုးတော်ကြီးဘုရားဟာ ပြင်ဆင်မှုတွေ တစ်ခုမှ မလုပ်ရသေးပေမဲ့ လာမယ့်မတ်လ ၁၈ ရက်ကစပြီး ဘုရားပွဲတော်ပြန်လုပ်ကာ စမ်းရေမိုးဇာတ်သဘင်နဲ့ ပွဲ ၃ည ကမယ်ဆိုတဲ့ကြေညာပိုစတာတွေ လိုက်ကပ်နေကြောင်း အမရပူရမြို့ခံတွေက ပြောပါတယ်။
“ဘုရားက အပြိုအတိုင်းပဲ။ ဇာတ်ကလည်း လောလောဆယ် စမ်းရေမိုးတစ်ဇာတ်တည်း ကြေညာထားပေမဲ့ ထပ်လည်းပါဦးမယ်ကြားတယ်”လို့ အမရပူရမြို့ခံ အမျိုးသမီးတစ်ဦးက ပြောပါတယ်။
Public Service Announcement
အချို့ကလည်း ဘုရားပြင်ဖို့အတွက် ပွဲထည့်ပြီး ရန်ပုံငွေရှာတာဖြစ်နိုင်တယ်လို့ ဆိုပါတယ်။
မန္တလေးမြို့မှာ လက်ရှိ မန္တလေးမဟာမုနိဘုရားကြီးပွဲနဲ့ ကုသိုလ်တော်ဘုရားပွဲတွေ ကျင်းပနေပြီး အောင်ဇမ္ဗူနဲ့စမ်းရေမိုးဇာတ်တွေ ကပြနေကြပါတယ်။ ဘုရားပွဲထဲမှာလည်း လောင်းကစားဝိုင်းတွေနဲ့ပြည့်နေပြီး ပျူစောထီးတွေကပါ လက်နက်ကိုင်သောင်းကျန်းနေတယ်လို့ မြို့ခံတွေက ပြောပါတယ်။
စစ်ကောင်စီဟာ အေးချမ်းနေတယ်ဆိုတဲ့ပုံရိပ်ကိုတည်ဆောက်ဖို့ ပွဲလမ်းသဘင်တွေ ပြန်လည်ကျင်းပစေခဲ့ပြီး ၅ နှစ်ကျော်ရပ်နားထားတဲ့ဇာတ်သဘင်အဖွဲ့တွေ ပြန်လည်ကပြလာကြတာဖြစ်ပါတယ်။
