ရတနာပုံမြို့သစ်စီမံကိန်းစဖို့ စစ်ခေါင်းဆောင် ပြင်ဆင်၊ ပြင်ဦးလွင်လမ်းပိုင်း လုံခြုံရေးတင်းကြပ်ထား

ဖေဖော်ဝါရီ-၂၀၊၂၀၂၆၊ရှိန်း/ People’s Spring

ပြင်ဦးလွင်မြို့၊ရတနာပုံဆိုက်ဘာစီးတီးစီမံကိန်း ပြန်စဖို့ ဖွင့်ပွဲကို စစ်ခေါင်းဆောင်မင်း အောင်လှိုင် တက်မှာဖြစ်ပြီး လမ်းပိုင်းလုံခြုံရေးတွေတင်းကြပ်ထားတယ်လို့ ဒေသခံတွေက ပြောပါတယ်။

ဖေဖော်ဝါရီ ၂၂ရက်မှာ ဖွင့်ပွဲပြုလုပ်မှာဖြစ်ပြီး ပြင်ဦးလွင်မြို့နယ်၊ပြင်စာနဲ့ သုံးတောင်ကျေးရွာတွေမှာ ဆက်သွယ်ရေး ကုမ္ပဏီတာဝန်ရှိသူတွေနဲ့ လုပ်ငန်းရှင်တွေ ကြိုရောက်နေပြီလို့ ဒေသခံတွေက ပြောပါတယ်။

“မနေ့ကတည်းကကြိုရောက် နေကြပြီ။လူတော်တော်များတယ်။မအလ ကိုယ်တိုင်တက်မှာ။အခု လမ်းတွေအကုန်သန့်ရှင်းရေး လုပ်နေကြပြီ”လို့ ‌‌‌‌‌‌‌ဒေသခံတစ်ဦးက ပြောပါတယ်။

Public Service Announcement

ဒါ့အပြင် စာပေ၂က စစ်တပ်အရာရှိဗိုလ်ကြီးတွေကိုလည်း အနီးစခန်းလေဆိပ်ကို ပို့ကာလုံခြုံရေး အင်အားချထားသလို လမ်းကြောတလျောက်လည်း လုံခြုံရေး တင်းကြပ်ထားတယ်လို့ သိရပါတယ်။

” ဒီရက်ပိုင်း မေမြို့တက်မယ့်သူ တွေသတိထားစေချင်တယ်။ဂိတ်တွေမှာပါ လူငယ်တွေဆိုရင် မှတ်ပုံတင်နံပါတ်ကို PSMSနည်းပညာနဲ့ စစ်တယ်။မြို့ထဲက ဟိုတယ် တွေလည်း မှတ်ပုံတင် တွေနဲ့ ဆက်တိုက် တိုက်စစ် နေတယ်”လို့ ပြင်ဦးလွင်မြို့ခံတဦးကလည်း ပြောပါတယ်။

ဒီစီမံကိန်းကို ပြန်စဖို့အတွက်၂၀၂၅ ဒီဇင်ဘာ ၆ရက်မှာ စစ်ခေါင်းဆောင်သွားကြည့်ခဲ့ပြီး AIနဲ့ပတ်သက်တဲ့နည်းပညာတွေ လုပ်မယ်ဆိုပြီး ပြန်လည် စတင်ခဲ့တာပါ။