မိုးကုတ်နဲ့ စဥ့်ကူးမှာ ဓာတ်ဆီစျေးတွေမြင့်ပြီးဝယ်လို့မရ

မတ်-၅၊ ၂၀၂၆ မေရီ/People’s Spring

မန္တလေးတိုင်း၊ မိုးကုတ်နဲ့ စဥ့်ကူးမြို့နယ်တွေမှာ ဓာတ်ဆီတစ်လီတာ ကျပ်နှစ်သောင်းအထိ စျေးမြင့်တက်နေပြီး ဝယ်ယူလို့မရအောင် ပြတ်လပ်နေကြောင်း ဒေသခံတွေက ပြောပါတယ်။

အာဏာသိမ်းစစ်တပ် ပြန်လည်ထိန်းချုပ်ထားတဲ့ စဥ့်ကူးမြို့နယ်မှာ 92 ဓာတ်ဆီတစ်လီတာဟာ ယခင်က ကျပ် သုံးထောင့်ငါးရာ ဝန်းကျင်ကနေ

ယခုအခါ ကျပ်နှစ်သောင်းအထိ ​မြင့်တက်သွားကြောင်း ဒေသခံတွေက ပြောပါတယ်။

Public Service Announcement

“ စျေးတက်သွားတာကို ဝယ်မရဘူး။ ဆီတွေပြတ်နေတယ်” လို့ ဒေသခံအမျိုးသားတစ်ဦးက ပြောပါတယ်။

အလားတူ စစ်ကောင်စီပြန်ထိန်းချုပ်ထားတဲ့ မိုးကုတ်မြို့မှာလည်း ဓါတ်ဆီစျေး အဆမတန်မြင့်တက်နေပြီး တစ်လီတာကို တစ်သောင်းခုနှစ်ထောင်​ကျပ်ကနေ နှစ်သောင်းကျော်အထိ ပေးကာဝယ်ယူနေရကာ အလွယ်တကူဝယ်မရတော့ဘူးလို့ ဒေသခံတွေက ပြောပါတယ်။

ဓာတ်ဆီပြတ်လပ်မှုနဲ့အတူ အခြေခံစားကုန်တွေအပါအဝင် ကုန်ပစ္စည်းစျေးနှုန်းတွေလည်း မြင့်တက်လာနေတယ်လို့ ဒေသခံတွေဆီက သိရပါတယ်။

အဆိုပါမြို့နယ်တွေဟာ ယခင်ကတည်းက အာဏာသိမ်းစစ်တပ်ရဲ့လမ်းပိုင်းပိတ်ဆို့မှုတွေနဲ့ တိုက်ပွဲတွေကြောင့် ဆီစျေးအပါအဝင် ကုန်စျေးနှုန်းတွေဟာ ရန်ကုန်၊ မန္တလေးမြို့ကြီးတွေထက် ပိုမိုကြီးမြင့်နေတာဖြစ်ပါတယ်။