မတ်−၅၊၂၀၂၆၊ရှိန်း/ People’s Spring
စစ်ကောင်စီတပ်ပြန်လည်ထိန်းချုပ်ထားတဲ့ မတ္တရာမြို့နယ် အရှေ့ခြမ်းက စကားပင်ကျေးရွာမှာ စစ်တပ်က ဒေသခံအမျိုးသား ၉ ဦးကို ဖမ်းဆီးရိုက်နှက်ရာ တစ်ဦးသေဆုံးသွားတယ်လို့ ဒေသခံတွေက ပြောပါတယ်။
လက်တလောမှာ စစ်တပ်က စကားပင်ကျေးရွာအဝင်၊ အထွက်ပိတ်ပြီး PDF က သတ်သယောင်သတင်းလွှင့်ထားတယ်လို့ လည်း ဒေသခံတွေက ပြောပါတယ်။
မတ်လ ၃ ရက်က စကားပင်ကျေးရွာမှာ ဒေသခံအမျိုးသား ၉ ဦးကို စစ်သားတွေက မြေပြင်ပေါ်ဝမ်းလျားမှောက်ခိုင်းပြီး ရိုက်နှက်ခဲ့တာလို့ သိရပါတယ်။
Public Service Announcement
ဝမ်းလျားမှောက်ခိုင်းချိန်ပုံစံမကျလို့ဆိုပြီး ရိုက်နှက်စဉ် အမျိုးသားတစ်ဦး သေဆုံးခဲ့တယ်လို့ သိရပါတယ်။
အဲဒီနောက် စစ်တပ်က ကျေးရွာအဝင်၊အထွက်ပိတ်ကာ PDF ရဲဘော်တွေက စစ်တပ် ထောက်ခံသူတစ်ဦးကို သတ်ဖြတ်သလို သတင်းအမှားလွှင့်နေတယ်လို့ ဒေသခံတစ်ဦးက ပြောပါတယ်။
“အုပ်ချုပ်ရေးမှူးကို PDFက သတ်သလို သတင်းလွှင့်ထားတာ။တကယ်ကအုပ်ချုပ်ရေးမှူးမဟုတ်ဘူး။အဲဒီနယ်ဘက်တွေက အခုခွေးနယ် တွေဖြစ် နေပြီ။သေတာက စကစက လက်လွန်လို့ သေသွားတာ”လို့ ဒေသခံတစ်ဦးက ပြောပါတယ်။
မတ္တရာမြို့နယ်မှာ နယ်မြေအများစုကို စစ်တပ်က ပြန်လည်ထိန်းချုပ်ထားပြီးနောက် စစ်တပ်က ကျေးရွာအများစုမှာ တပ်အထိုင်ချတာတွေ လုပ်ထားတယ်လို့ သိရပါတယ်။
မတ္တရာမြို့နယ်ကို၂၀၂၅ခုနှစ် ဩဂုတ်မှာစစ်တပ်က ထိုးစစ်ပြန်ဆင်ခဲ့ပြီးနောက် နှစ်ကုန်ပိုင်းမှာ တော်လှန်ရေးတပ်တွေက နယ်မြေလက်လွှတ်လိုက်ရတာပါ။
