မတ်-၅၊ ၂၀၂၆။မေရီ/People’s Spring
စစ်ကောင်စီက စက်သုံးဆီလုံလောက်ကြောင်း
ထုတ်ပြောပြီးနောက် မန္တလေးမြို့မှာ ဆီတန်းစီသူတွေ ပိုမိုများပြားလာကြောင်း မြို့ခံတွေက ပြောပါတယ်။
မတ်လ ၄ ရက်မှာ စစ်ကောင်စီပြောခွင့်ရ ဇော်မင်းထွန်းက စက်သုံးဆီရက် ၄၀ စာလုံလောက်ပြီး ဆီတင်သင်္ဘောတွေလည်းလာနေတယ်လို့ ပြောဆိုပြီးနောက် မန္တလေးမြို့မှာ ဆီတန်းစီတဲ့ယာဥ်တွေ ပိုမိုများပြားလာကြောင်း မြို့ခံတွေက ပြောပါတယ်။
Public Service Announcement
” မနေ့ကထက်ကို ပိုများလာတယ်။ ချောင်တဲ့တိုင်(ဆီဆိုင်)တစ်တိုင်မှ မရှိဘူး။ တချို့က ညအိပ်စောင့်တန်းကြတယ်။” လို့ ပုသိမ်ကြီးမြို့နယ်နေ အမျိုးသားတစ်ဦးက ပြောပါတယ်။
ဒါ့အပြင် ရောင်းချပေးရာမှာလည်း ဆိုင်ကယ်တစ်စီး ငါးထောင်၊ သုံးဘီးယာဥ် ခုနှစ်ထောင်နဲ့ ကားတစ်စီး သုံးသောင်းဖိုးသာ ရောင်းချပေးတာတွေလည်း ရှိနေတယ်လို့ မြို့ခံတွေက ပြောပါတယ်။
စစ်ကောင်စီကတော့ စက်သုံးဆီနဲ့ပတ်သက်ပြီး ကြေညာချက်တွေတစ်စောင်ပြီးတစ်စောင် ထုတ်ပြန်နေပါတယ်။ စစ်ကောင်စီရဲ့ စွမ်းအင်ဝန်ကြီးဌာနက စက်သုံးဆီပြတ်လပ်မည်ကို စိုးရိမ်ကြောင့်ကြမှု မဖြစ်ကြဖို့နဲ့ သက်ဆိုင်ရာဌာနက တရားဝင်ထုတ်ပြန်ပေးလျက်ရှိတဲ့ သတင်းများကိုသာ ယုံကြည်ကြဖို့ လိုကြောင်း၊ တရားမဝင် ကောလာဟလသတင်းတွေကို မယုံကြည်ဖို့နဲ့ စိုးရိမ်စိတ်လွန်ကဲပြီး စက်သုံးဆီကို မလိုအပ်ဘဲ ဝယ်ယူသိုလှောင်ခြင်းကို လုံးဝ မပြုလုပ်ကြဖို့ ဆိုပါတယ်။
