သီလဝါဆိပ်ကမ်းမှာ ဆီတင်ယာဥ်​တွေကိုစက်သုံးဆီထုတ်မပေးပဲရပ်ထားဟုလုပ်ငန်းရှင်အချို့​ပြော

မတ်-၁၃၊၂၀၂၆။တာရာ/People’s Spring

ရန်ကုန်မြို့အပါအဝင် တိုင်းဒေသကြီးအသီးသီးကရရှိထားတဲ့ စက်သုံးဆီခွဲတမ်းတွေကို သီလဝါဆိပ်ကမ်းကနေ ဆီသည်​​ဘောက်ဆာယာဥ်​တွေကို စစ်​ကောင်စီက ထုတ်မပေးဘူးလို့ စက်သုံးဆီလုပ်ငန်းရှင်အချို့က​ပြောပါတယ်။

သီလဝါဆိပ်ကမ်းက​နေ စက်သုံးဆီထုတ်မ​ပေးတာ ၄ ရက်ခန့်ရှိ​နေပြီဖြစ်ပြီး စက်သုံးဆီထုတ်ယူဖို့ ဆီဘောက်ဆာကားတွေတန်းစီစောင့်ဆိုင်းနေရတယ်လို့ သူတို့က​ပြောပါတယ်။ ​ဒေသအလိုက်ဆီဆိုင်​တွေအတွက်ခွဲတမ်း စက်သုံးဆီ​တွေကို သီလဝါဆိပ်ကမ်းမှာ လာထုတ်ကြရတာဖြစ်ပါတယ်။

“ဘာကြောင့်မထုတ်ပေးလဲတော့ မသိဘူး။ စက်သုံးဆီအသင်းကိုမေးတော့လည်း ဘာမှရေရေရာရာမပြောဘူး။ စက်သုံးဆီနဲ့‌ပတ်သက်ပြီး အပေါ်ကတော့ တောက်လျှောက်တင်းကြပ်နေတာပေါ့။ လက်ရှိ ရှိနေသေးတဲ့စက်သုံးဆီတွေကလည်း ဘယ်လောက်ထိ ခံမလဲဆိုတာတော့မပြောတတ်ဘူး။ သိထားရ‌သလောက်တော့ အရန်စက်သုံးဆီတွေက သိပ်မကျန်တော့ဘူး။ သူတို့ဖြေရှင်းပုံကမှားနေတယ်။ ဆီကပြတ်သွားနိုင်တယ်” လို့ စက်သုံးဆီလုပ်ငန်းရှင်တဦးကပြောပါတယ်။

Public Service Announcement

လက်ရှိမှာ အာဏာသိမ်းစစ်ကောင်စီက စက်သုံးဆီချွေတာဖို့ဆိုပြီး မတ် ၇ ရက်ကစပြီး ကားတွေကို စုံ/မအလှည့်ကျစနစ်နဲ့ မောင်းဖို့ ထုတ်ပြန်ခဲ့ပါတယ်။

ဒါ့အပြင် QR Code စနစ်နဲ့ တစ်ရက်မှတစ်ကြိမ်ပဲ စက်သုံးဆီဝယ်ယူရမယ် ၊တစ်ရက်လျှင် ၅၀၀၀၀ ဖိုးသာ ဝယ်ရမယ်လို့ ထပ်မံကန့်သတ်ထားတယ်လို့ ယာဉ်မောင်းတွေကပြောပါတယ်။

အဆိုပါ QR Code စနစ်နဲ့ စက်သုံးဆီခွဲတမ်းဝယ်

ယူရာမှာလည်း အခက်အခဲတွေကြုံတွေ့နေရပြီးအဆင်မပြေဘူးလို့ ဆီဝယ်ယူခဲ့သူအချို့က​ပြောပါတယ်။

ဒါ​ပေမယ့် စစ်ကောင်စီ​ပြော​ရေးဆိုခွင့်ရှိသူဗိုလ်

ချုပ်​ဇော်မင်းထွန်းက စက်သုံးဆီအရန်ဆီ ရက် ၄၀ စာကျန်​သေးပြီး ဆီတင်သင်္ဘောဆယ်စီး​ကျော်လာဖို့ရှိတယ်လို့ မတ်လ ၄ ရက်ကဆိုပါတယ် ။စစ်​​ကောင်စီ ဆီမှာ အရန်ဆီ ရက် ၄၀ စာရှိတယ်ဆိုရင်​တောင်သူ​​ပြောထားတာ ဆယ်ရက်ရှိပြီမို့ ရက် ၃၀ စာပဲကျန်​တော့တယ်လို့ ယူဆရမယ့်သ​​ဘောဖြစ်ပါတယ် ။

ပြည်သူ​တွေက​တော့ စစ်​ကောင်စီ​ပြောတာကိုမယုံသလို စစ်အုပ်စုကလည်း ဆီ​ရောင်းချတာကိုတ

ဖြည်းဖြည်းနဲ့ပိုကန့်သတ်တင်းကြပ်လာတဲ့အတွက် ဆီပြတ်မှာကိုစိုးရိမ်​နေကြပါတယ် ။