မတ်-၂၄၊ ၂၀၂၆။မိုမို/People’s Spring
မကွေးတိုင်း၊ ဆိပ်ဖြူမြို့နယ်မှာ စစ်တပ် ရှေ့ပြေးကင်းအဖွဲ့ကို မိုင်းဆွဲတိုက်ခိုက်ခဲ့ရာ ခြောက်ဦးထက်မနည်းသေဆုံးတယ်လို့ ဆိပ်ဖြူမြောက်ပိုင်းပြည်သူ့ကာကွယ်ရေးအဖွဲ့ တာဝန်ခံကိုသူရိန်က လူထုနွေဦးကို ပြောပါတယ်။
ဆိပ်ဖြူမြို့နယ် ထမ္မကောက်ကျေးရွာက အထိုင်တပ်စခန်းကနေ အမှတ်(၂၂) ကာကွယ်ရေးပစ္စည်းစက်ရုံ) (ကပစ-၂၂)ကို ထွက်လာတဲ့ စစ်ကောင်စီတပ်သားတွေကို မတ်လ ၂၂ ရက်က တိုက်ခိုက်ခဲ့တာလို့ ဆိုပါတယ်။
“လမ်းကင်းလာယူတာ အင်အား ၃၀လောက်ပါတယ်။ကပစ (၂၂)က အဝင်အထွက်လုပ်မယ့်ကားတွေ မလာခင် လမ်းပိုင်းကင်းလာယူတာပေါ့။အဲဒီမှာ ချတောက်ရွာတောင်ဘက်ခြမ်း ချစ်ချောင်းကို သူတို့ကူးတာပေါ့။ကျွန်တော်တို့ မိုင်းကွင်းထဲ ဝင်လာတဲ့အချိန် မိုင်းဆွဲတယ်။ပစ်တယ်”လို့ ကိုသူရိန်က တိုက်ခိုက်ခဲ့မှုအခြေအနေကို ရှင်းပြပါတယ်။
Public Service Announcement
အဲဒီစစ်တပ်ရှေ့ပြေးကင်းကို ပခုက္ကူခရိုင် အမှတ်(၄)တပ်ရင်း၊တပ်ခွဲ (၃)နဲ့ အတူ ပူးပေါင်းတိုက်ခိုက်မှုအပြီး ကပစ(၂၂)လမ်းပိုင်းမှာ စစ်တပ်က အင်အား ၁၅၀ ဝန်းကျင်နဲ့ စစ် ကြောင်းထိုးတာ ရှိနေတယ်လို့ ပြောပါတယ်။
ပြီးခဲ့တဲ့ ၂၀၂၅ နိုဝင်ဘာကစပြီး ကပစ(၂၂)ကို အခြေပြုပြီး စစ်တပ်က တပ်မ(၉၉)တပ်ရင်းတွေနဲ့ ဆိပ်ဖြူ မြောက်ပိုင်းနဲ့ ပေါက်တောင်ပိုင်းကို စစ်ကြောင်းထိုးတာတွေကြောင့် ဒေသခံ ထောင်နဲ့ချီ ထွက်ပြေးတိမ်ရှောင်နေကြရဆဲ ဖြစ်ပါတယ်။
ဆိပ်ဖြူမြို့နယ်မှာ စစ်တပ်ရဲ့ကာကွယ်ရေးပစ္စည်းရုံး ကပစ (၂၁၊ ၂၂)နဲ့ အမှတ်(၉)လေကြောင်းရန်ကာ ကွယ်ရေးကွပ်ကဲမှုစစ်ဆင်ရေးဌာနချုပ်(လစခ)တို့ ရှိပါတယ်။
အမှတ်(၂၁) ကာကွယ်ရေးပစ္စည်းစက်ရုံ(ကပစ -၂၁)က လေတပ်သုံးဗုံးတွေထုတ်ပြီး အမှတ် (၂၂)ကာကွယ်ရေးပစ္စည်းစက်ရုံ(ကပစ ၂၂ )မှာ လက်နက်တွေ ထုတ်နေတာလို့ သိရပါတယ်။
ဆိပ်ဖြူမြို့နယ်မှာ စစ်တပ် ရှေ့ပြေးကင်းအဖွဲ့ကို PDF တိုက်ခိုက် မတ်-၂၄၊ ၂၀၂၆။မိုမို/People's Spring မကွေးတိုင်း၊…
Posted by People's Spring on Monday 23 March 2026
ရုပ်သံ – ပေးပို့
