■အာသံရိုင်ဖယ်တပ်ရဲ့ကျူးကျော်တိုက်ခိုက်မှုအပေါ်ဒေသခံတွေ ဆန္ဒပြကန့်ကွက်
ဧပြီ-၇၊၂၀၂၆။ဇော်ရမ်း/People’s Spring
နာဂကိုယ်ပိုင်အုပ်ချုပ်ခွင့်ရဒေသ ၊လဟယ်မြို့နယ်ထဲကို အိန္ဒိယဗဟိုအစိုးရရဲ့ အိန္ဒိယနယ်စပ်လက်နက်ကိုင်တပ်ဖြစ်တဲ့ အာသံရိုင်ဖယ်တပ်ကဒရုန်းနဲ့ ဗုံးကြဲလို့ ကလေးငယ်တစ်ဦးအပါအဝင်ဒေသခံနှစ်ဦးဒဏ်ရာရရှိခဲ့ပါတယ်။
လဟယ်မြို့နယ်၊ ခမ္မိုင်လောရီရွာထဲကို ဒီနေ့(ဧပြီလ၆ ) နံနက် ၂နာရီခန့်မှာ ဒရုံးနဲ့ဗုံးနှစ်လုံးကြဲတာဖြစ်ပြီး အာသံရိုင်ဖယ်တပ်ဟာ နှစ်နိုင်ငံနယ်စပ်ကိုကျူးကျော်တိုက်ခိုက်ခြင်းဖြစ်တယ်လို့ ဒေသခံအချို့ကပြောပါတယ်။
Public Service Announcement
“နယ်စပ်ဒေသမှာနေသူတွေအတွက်ကတော့ အားကိုးစရာမရှိတော့ဘူး။ အခုလိုတွေ ဗုံးလာကြဲလည်း ဘယ်အဖွဲ့အစည်းကမှ အကာအကွယ်မပေးနိုင်ဘူးဖြစ်နေတယ်” လို့ အဲဒီဒေသခံသတင်းမြစ်ကပြောပါ။
အာသံရိုင်ဖယ်တပ်ဟာ လူနေအိမ်တွေကိုပစ်မှတ်ထားဗုံးကြဲသွားတာဖြစ်ပြီးတိုက်ခိုက်မူအတွင်း အိမ်ထဲမှာ အိပ်နေတဲ့အဖိုးအိုနဲ့မြေးဖြစ်သူ ဒဏ်ရာရရှိခဲ့တယ်လို့ ဒေသခံတဦးက People’s Spring ကိုပြောပါတယ်။
အဲဒီလိုတိုက်ခိုက်မှုအပေါ် ဒေသခံတွေကဧပြီ ၇ ရက် မှာပဲ ကန့်ကွက်ဆန္ဒပြခဲ့ကြပါတယ် ။
ပြည်သူလူထုရဲ့ ငြိမ်းချမ်းစွာနေထိုင်မှုကို လေးစားလိုက်နာဖို့၊ အရပ်သားရှိရာကို ပစ်မှတ်ထားတိုက်ခိုက်နေတာတွေကို ရပ်တန့်ပေးဖို့နဲ့ ပြည်သူလူထုအတွက်တရားမျှတမူရရှိဖို့ တောင်းဆိုခဲ့ကြတယ်လို့ ဒေသခံအချို့ကပြောပါတယ်။
နာဂကိုယ်ပိုင်အုပ်ချုပ်ခွင့်ရဒေသဖြစ်တဲ့ ပန်ဆောင်မြို့နယ်စပ်ကို အာသံရိုင်ဖယ်တပ်က လုံခြုံရေးယူပြီး အိန္ဒိယဘက်က ကာရံနေပါတယ်။ ဒေသခံတွေကကန့်ကွက်ပေမယ့်မရပ်တန့်တဲ့အတွက်နာဂလက်နက်ကိုင်တပ်ဖြစ်တဲ့ NSCN-K (YA) က မတ်လ ၂၆ရက် ညနေမှာ တိုက်ခိုက်ခဲ့ပါတယ်။ အဲ့ဒီတိုက်ခိုက်မှုမှာ အာသံရိုင်ဖယ်တပ်က သုံးဦး သေဆုံးခဲ့ပါတယ်။ အဲဒီတိုက်ခိုက်မှုပြီးနောက်ပိုင်း အိန္ဒိယကနယ်စပ်ကိုပိတ်ဆို့ခဲ့သလို ယခုအခါမှာမြန်မာ့ဘက်ခြမ်းကိုကျူးကျော်ပြီး တိုက်ခိုက်တဲ့အထိပြုလုပ်လာတာလို့ ဒေသခံတွေကပြောပါတယ်။
လဟယ်မြို့နယ်မှာ ပြီးခဲ့တဲ့၂၀၂၅ခုနှစ် အောက်တိုဘာလ၂၀ရက် ညကလည်း အာရုံ ရိုင်ဖယ်တပ်ကဗုံးကြဲလို့ ဒေသခံအချို့သေဆုံးထိခိုက်မှုတွေရှိခဲ့ပါတယ်။ ကမ်မော်လောရီကျေးရွာကို မှဒရုန်းနဲ့ ဗုံးကြဲလို့ NSCN(K-YA)အဖွဲ့ရဲ့ ဗိုလ်မှူးချုပ်အဆင့်ရှိသူ Piyong Konyak (ပီယောင်းကွန်းရက်) ရဲ့ သားနဲ့ မြေးဖြစ်သူတို့ သေဆုံးခဲ့ပါတယ်။
အာသံရိုင်ဖယ်တပ်က ၂၀၂၅ ခုနှစ် နဲ့ ၂၀၂၆ ဧပြီလအထိ မြန်မာပဲခြမ်းကိုကျူးကျော်ပြီးဗုံးကြဲမှု လေကြိမ်ရှိပြီလို့ဒေသခံတွေကပြောပါတယ်။
