ဧပြီ ၉၊ ၂၀၂၆။ ထားမြတ်/People’s Spring
မွန်ပြည်နယ်၊ သံဖြူဇရပ်မြို့နယ်က ထင်းရှုးကျေးရွာရှိ စစ်ကောင်စီတပ်စခန်းကို တိုက်ခိုက်ခဲ့ရာ ၆ဦးသေဆုံးပြီး ၈ဦး ဒဏ်ရာရရှိခဲ့ကြောင်း ရာမညမွန်တပ်တော်(RMA)က သတင်းထုတ်ပြန်ပါတယ်။
ဧပြီ ၇ရက် မနက်စောမှာ စစ်ကောင်စီတပ်ကို ဝင်ရောက်တိုက်ခိုက်ခဲ့ရာ နာရီဝက်ခန့် တိုက်ပွဲဖြစ်ခဲ့တယ်လို့ ဆိုပါတယ်။
စစ်ကောင်စီတပ်က လက်နက်ကြီး၊ လက်နက်ငယ် ရမ်းသမ်းပစ်ခတ်ခဲ့ပေမယ့် ရာမညမွန်တပ် တော် (RMA)တပ်က အထိအခိုက်မရှိ ဆုတ်ခွာနိုင်ခဲ့ဟု ဖော်ပြပါတယ်။
Public Service Announcement
အဲဒီ စစ်ဆင်ရေးကို ရာမညမွန်တပ်တော် တပ်ရင်း(၉၀၄)နဲ့အတူ သံဖြူဇရပ်ဒေသတပ်ဖွဲ့ ပူးပေါင်းပါဝင်ခဲ့ကြောင်း အသိပေးပါတယ်။
ဒေသတွင်း စစ်ရေးအခြေအနေတွေ ထပ်မံ မေးမြန်းဖို့ RMA တာဝန်ရှိသူထံ ဆက်သွယ်ထားဆဲဖြစ်ပြီး အဆက်အသွယ်မရသေးပါဘူး။
RMAဟာ ဧပြီ ၄ရက် ညနေပိုင်းကလည်း မွန်ပြည်နယ် မုဒုံမြို့နယ် ရောင်းဒေါင်းနဲ့ ကွမ်လှာရွာကြားက စစ်ကောင်စီတပ်ကို တိုက်ခိုက်ခဲ့လို့ စစ်ကောင်စီတပ် သေဆုံးထိခိုက်ရှိခဲ့ကြောင်း သတင်းထုတ်ပြန်ထားပါတယ်။
RMA အနေနဲ့ ကရင်အမျိုးသားလွတ်မြောက်ရေးတပ်မတော်(KNLA)၊ ပြည်သူ့ကာကွယ်ရေးတပ်မတော်(PDF) တပ်တွေနဲ့ ပူးပေါင်းပြီးလည်း စစ်ကောင်စီကို တိုက်ခိုက်လျက်ရှိပါတယ်။
