ဧပြီ-၁၁၊၂၀၂၆။သုည၊သတိုး/People’s Spring
ကချင်ပြည်နယ်၊ ဖားကန့်မြို့နယ်မှာ ဖားကန့်မှော်လှည့်သပိတ် သံချပ်အဖွဲ့က စစ်အာဏာရှင်ကို ဆန့်ကျင်ကြောင်း တော်လှန်သံချပ်တွေနဲ့ ဆန္ဒပြမှုကို ဒီကနေ့ (ဧပြီ ၁၁) ပြုလုပ်ခဲ့ပါတယ်။
ဆန္ဒပြပြည်သူတွေက “လေယာဉ်ဗုံးကြဲ အမိန့်ပေးသူ၊ လူသတ်ကောင်က သမ္မတတဲ့လား” ၊ “ဘုန်းကြီးကျောင်းကို ဗုံးကြဲနေတာ မဘသတွေ အသံမထွက်ကြဘူး”၊ “သွေးစည်းကြမလေ ညီနောင်တွေ၊ ဖက်ဒရယ်ပြည်သစ် အတူတည်ဆောက်စို့” စတဲ့ တော်လှန်သံချပ်စာသားတွေကိုင်ဆောင်ကာ စီတန်းလှည့်လည်ခဲ့ပါတယ်။
ဒါ့အပြင် နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ သမ္မတ ဦးဝင်းမြင့်နဲ့ နိုင်ငံရေးအကျဉ်းသားတွေ လွတ်မြောက်ရေးအတွက်လည်း တောင်းဆိုခဲ့ကြပါတယ်။
Public Service Announcement
ဒါ့အပြင်ပြည်သူတွေ အနေနဲ့လည်း မင်းအောင်
လှိုင်ဦးဆောင်တဲ့ အာဏာသိမ်းစစ်အုပ်စုကို တော်လှန်ဖို့နဲ့ ပြည်သူတွေနဲ့ တော်လှန်ရေးအဖွဲ့ အစည်းတွေအားလုံး အတူတကွ စုစုစည်းစည်း ညီညီ ညွတ်ညွတ် နဲ့ စစ်အာဏာရှင် အမြစ်ဖြတ်သည်အထိ တိုက်ပွဲဝင်ဖို့ သံချပ်တွေနဲ့ တိုက်တွန်းခဲ့ကြပါတယ်။
