ဧပြီ-၂၀၊၂၀၂၆။သတိုး/People’s Spring
လူထုခေါင်းဆောင် ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားတွေလွတ်မြောက်ဖို့ ရည်ရွယ်တဲ့ Blue Shirt လှုပ်ရှားမှုမှာ ရန်ကုန်တော်လှန်ညီနောင် ၄ဖွဲ့ (Yangon 4 Brothers) က ပြည်သူတွေနဲ့အတူပါဝင်ခဲ့ပါတယ်။
“စစ်အာဏာရှင်မှ မတရားအာဏာသိမ်း ဖမ်းဆီးထားသော အမေဒေါ်အောင်ဆန်းစုကြည်နှင့်တကွ နိုင်ငံရေးအကျဉ်းသားများ အားလုံးကို အမြန်ဆုံးလွှတ်ပေး။” လို့ ရေးသားတောင်းဆိုထားပါတယ်။
ကမ်ပိန်းမှာပါဝင်သူတွေက အကျဉ်းသားတွေကို ကိုယ်စားပြုတဲ့ အပြာရောင်အင်္ကျီတွေကို ဝတ်ဆင်ပြီး လက်ပေါ်မှာ နိုင်ငံရေးအကျဉ်းသားအားလုံးကို လွှတ်ပေးလို့ တောင်းဆိုထားတဲ့စာကို အင်္ဂလိပ်ဘာသာနဲ့ရေးသားထားကြပါတယ်။
Public Service Announcement
ဒီလှုပ်ရှားမှုကို မနက်ဖြန်(ဧပြီ၂၁) မှာကျရောက်မယ့် ဟံသာဝတီဦးဝင်းတင်ကွယ်လွန်ခြင်း ၁၂ နှစ်ပြည့်အထိမ်းအမှတ်အနေနဲ့ ဧပြီ ၁၀ ကနေ ၂၁ အထိ ပြုလုပ်နေတာပါ။
ဒီကမ်ပိန်းမှာ နေရာစုံက ပြည်သူ့ကာကွယ်ရေးအဖွဲ့တွေ ၊ သပိတ်အင်အားစုတွေနဲ့ ပြည်တွင်း ပြည်ပက ပြည်သူတွေက ပါဝင်နေကြတာကိုတွေ့ရပါတယ်။
