ဧပြီ -၂၇၊၂၀၂၆။ ဇော်ရမ်း/People’s Spring
စစ်အာဏာရှင်တော်လှန်ရေးတိုက်ပွဲဝင်ရင်း ကျဆုံးသွားတဲ့ ကာကွယ်ရေးရဲဘော် ၁၂ဦးအတွက် ရှင်ပြုအလှူအပါအဝင် ကောင်းမှုကုသိုလ်တွေပြုလုပ်ပေးခဲ့တယ်လို့ တမူးခရိုင်အမှတ်(၂)တပ်ရင်းက သတင်းထုတ်ပြန်ပါတယ်။
ကျဆုံးသွားတဲ့ရဲဘော်တွေကို ရည်စူးပြီး တမူးမြို့နယ်မှာရှိနေတဲ့ စေတီအချို့ကို ရွှေသင်္ကန်းကပ်၊ ထီးတော်တင် အလှူပြုလုပ်ပေးတာမျိုးနဲ့ ရှင်ပြုနားသအလှူ ပေးခဲ့တာလို့ ဒီနေ့ ဧပြီလ၂၇ရက်မှာ ထုတ်ပြန်ထားပါတယ်။
ပြုလုပ်ခဲ့တဲ့ ကုသိုလ်ကောင်းမှုတွေကို နိုင်ငံတစ်ဝှမ်းလုံးရှိတော်လှန်ရေးအတွင်းမြင့်မြတ်စွာကျဆုံးခဲ့ရတဲ့ အာဇာနည်ရဲဘော်တွေနဲ့ တော်လှန်ပြည်သူတွေအားလုံး ထပ်တူထပ်မျှရစေကြောင်း တမူးခရိုင်အမှတ်(၂)တပ်ရင်းက ရဲဘော်တွေနဲ့ရဲမေတွေက ဆုတောင်းမေတ္တာပို့တယ်လို့လည်း ထုတ်ပြန်ချက်မှာဖော်ပြထားပါတယ်။
Public Service Announcement
တမူးမြို့နယ်ဟာ အိန္ဒိယနိုင်ငံနဲ့ ဆက်စပ်နေတဲ့မြို့ဖြစ်ပါတယ်။ စစ်အာဏာရှင်တော်လှန်ရေးအားကောင်းပြီး လူငယ်အများစုဟာ တော်လှန်ရေးမှာပါဝင်နေကြပါတယ်။
တမူးခရိုင်အတွင်းမှာ ပြည်သူ့ကာကွယ်ရေးရဲဘော်တပ်ရင်း ၆ရင်း ရှိပါတယ်။တမူးခရိုင်အတွင်း ခါမ်းပတ်မြို့နဲ့မြို့သစ်မြို့ကို ပြည်သူ့ကာကွယ်ရေးတပ်တွေ ကထိန်းချုပ်ထားပြီး စစ်ကောင်စီက တမူးမြို့ကိုသာ ထိန်းချုပ်ထားနိုင်ပါတယ်။
