စစ်ကိုင်းတိုင်းမှာ သပိတ်အဖွဲ့​တွေက စစ်ရှောင်ပြည်သူတွေကို ကျန်းမာရေးစောင့်​ရှောက်မှုပေး

မေ-၃၊၂၀၂၆။ သုည/People’s Spring

စစ်ကိုင်းတိုင်းအတွင်းက သပိတ်အဖွဲ့တွေဟာ စစ်ဘေးရှောင်ပြည်သူတွေကို ကျန်းမာရေးစောင့်​ရှောက်မှု​ပေးတာ နဲ့ ရှေးဦးသူနာပြုစုနည်း သင်တန်းပေးတာတွေကို ဒီကနေ့ (မေ ၃)မှာ ပြုလုပ်ခဲ့ပါတယ်။

စစ်ကိုင်းတိုင်း ရွှေဘိုမြို့နယ်အတွင်းရှိ စစ်ဘေးရှောင်ပြည်သူတွေကို သပိတ်အင်အားစုမှ လူငယ်တွေက အခမဲ့ကျန်းမာရေးစောင့်ရှောက်မှုပေးတာ​တွေ ပြုလုပ်ပေးခဲ့ပါတယ်။

ဝက်လက်မြို့နယ်မှာလည်း လူထုတိုက်ပွဲဦးဆောင်ကော်မတီဝင်တွေက ဒေသခံပြည်သူတွေကို ရှေးဦးသူနာပြုစုနည်း အတတ်ပညာသင်တန်း ဖွင့်လှစ်သင်ကြားပေးခဲ့ပါတယ်။

Public Service Announcement

စစ်ကောင်စီရဲ့ လေကြောင်းတိုက်ခိုက်မှုကြုံတွေ့တဲ့အခါ အသက်ဆုံးရှုံးမှုနည်းပါးစေဖို့ အရေးပေါ်အခြေအနေမှာ အသက်ကယ်ရှေးဦးသူနာပြုနည်းလမ်းတွေကို သိရှိစေဖို့ ရည်ရွယ်သင်ကြားခဲ့တာဖြစ်ကြောင်း ဝက်လက်မြို့နယ်သပိတ်ကော်မတီက ထုတ်ပြန်ပါတယ်။

ယင်းသင်တန်းကို ဝက်လက်မြို့နယ်ကျန်းမာရေးအဖွဲ့၊ ၀က်လက်မြို့နယ်ပညာရေးဘုတ်အဖွဲ့၊ တိုက်နယ်နဲ့ ရပ်ကျေး ပအဖ၊ ပကဖအဖွဲ့၀င်တို့မှ ပူပေါင်းလုပ်ဆောင်ခဲ့တာ ဖြစ်ပါတယ်။

ရှေးဦးသူနာပြုစုနည်းအတက်ပညာသင်တန်းကိုစိတ်ပါ၀င်စားပါက လူမှုကွန်ယက်မှတဆင့် ဆက်သွယ်နိုင်ကြောင်းလည်း ဝက်လက်မြို့နယ်လူထုတိုက်ပွဲဦးဆောင်ကော်မတီက အသိပေးဖော်ပြထားပါတယ်။

ဓာတ်ပုံ – ရွှေဘိုသပိတ်အင်အားစု၊ ဝက်လက်မြို့နယ်လူထုတိုက်ပွဲဦးဆောင်ကော်မတီ