မေ-၁၉၊၂၀၂၆။ဟာနာဆန်/People’s Spring
စစ်ကိုင်းတိုင်း၊ ကနီမြို့နယ်မှာ စစ်တပ်စစ်ကြောင်းကြောင့် ကျေးရွာပေါင်း ၃၀နီးပါးက ပြည်သူပေါင်း ၂၄၀၀၀ ကျော် တိမ်းရှောင်နေရပြီး စားဝတ်နေရေးအခက်အခဲတွေရှိနေကြောင်း ဒေသခံတွေက ပြောပါတယ်။
စစ်တပ်စစ်ကြောင်းဟာ ပြီးခဲ့တဲ့ ဧပြီ ၂၈ ရက်ကစတင်ကာ ကနီမြို့နယ်အတွင်း ဝင်ရောက်ခဲ့တာဖြစ်ပါတယ်။ အဲဒီ စစ်ကြောင်းကြောင့် ကနီမြို့နယ်တွင်း ကျေးရွာပေါင်း ၂၈ ရွာရှိ အိမ်ထောင်စု ၅၁၁၆ စုမှ ဒေသခံပြည်သူ ၂၄၆၈၉ ဦးဟာ ဘေးလွတ်ရာသို့ ထွက်ပြေးတိမ်းရှောင်နေရကြောင်း ကနီမြို့နယ်မှ နိုင်ငံရေးတက်ကြွလှုပ်ရှားသူ ကိုပြည့်အောင်နိုင်(ကနီ)က ပြောပါတယ်။
“ရှောင်တိမ်းချိန်ကြာလာပြီဖြစ်လို့ စားဝတ်နေရေးအခက်အခဲတွေနဲ့ တွေ့ကြုံနေကြရပါတယ်”လို့ ၎င်းက ပြောပါတယ်။
Public Service Announcement
(ကနီနှင့် ယင်းမာပင်နယ်တွင် စစ်ဘေးရှောင်များအား တွေ့ရစဥ်။ ဓာတ်ပုံ-Pyae Aung Naing-ကနီ၊ Naing Naing Oo) (ကနီနှင့် ယင်းမာပင်နယ်တွင် စစ်ဘေးရှောင်များအား တွေ့ရစဥ်။ ဓာတ်ပုံ-Pyae Aung Naing-ကနီ၊ Naing Naing Oo) (ကနီနှင့် ယင်းမာပင်နယ်တွင် စစ်ဘေးရှောင်များအား တွေ့ရစဥ်။ ဓာတ်ပုံ-Pyae Aung Naing-ကနီ၊ Naing Naing Oo) (ကနီနှင့် ယင်းမာပင်နယ်တွင် စစ်ဘေးရှောင်များအား တွေ့ရစဥ်။ ဓာတ်ပုံ-Pyae Aung Naing-ကနီ၊ Naing Naing Oo) (ကနီနှင့် ယင်းမာပင်နယ်တွင် စစ်ဘေးရှောင်များအား တွေ့ရစဥ်။ ဓာတ်ပုံ-Pyae Aung Naing-ကနီ၊ Naing Naing Oo) (ကနီနှင့် ယင်းမာပင်နယ်တွင် စစ်ဘေးရှောင်များအား တွေ့ရစဥ်။ ဓာတ်ပုံ-Pyae Aung Naing-ကနီ၊ Naing Naing Oo) (ကနီနှင့် ယင်းမာပင်နယ်တွင် စစ်ဘေးရှောင်များအား တွေ့ရစဥ်။ ဓာတ်ပုံ-Pyae Aung Naing-ကနီ၊ Naing Naing Oo) (ကနီနှင့် ယင်းမာပင်နယ်တွင် စစ်ဘေးရှောင်များအား တွေ့ရစဥ်။ ဓာတ်ပုံ-Pyae Aung Naing-ကနီ၊ Naing Naing Oo) (ကနီနှင့် ယင်းမာပင်နယ်တွင် စစ်ဘေးရှောင်များအား တွေ့ရစဥ်။ ဓာတ်ပုံ-Pyae Aung Naing-ကနီ၊ Naing Naing Oo) (ကနီနှင့် ယင်းမာပင်နယ်တွင် စစ်ဘေးရှောင်များအား တွေ့ရစဥ်။ ဓာတ်ပုံ-Pyae Aung Naing-ကနီ၊ Naing Naing Oo)
အဲဒီစစ်ကြောင်း ဝင်ရောက်နေချိန် ကာလအတွင်း လေကြောင်းပစ်ခတ်မှုတွေကြောင့် ပြည်သူ ၄ ဦးသေဆုံးပြီး ၈ ဦး ဒဏ်ရာရခဲ့ပါတယ်။ ဖမ်းဆီးသတ်ဖြတ်ခံရသူ ၁ ဦးရှိပြီး အဆောက်အအုံ ၃၀ နီးပါး မီးရှိူ့ဖျက်ဆီးခံထားရတယ်လို့ ကိုပြည့်အောင်နိုင်(ကနီ)က ပြောပါတယ်။
ဒါ့အပြင် စစ်ကောင်စီတပ်ဟာ ကနီမြို့နယ်တွင်းရှိ ကျေးရွာပေါင်း ၃၁ရွာ ၊ ကနီမြို့ပေါ် ရပ်ကွက် ၃ ခုကနေ အလိုရှိတာတွေယူဆောင်ပြီး ဖျက်ဆီးခဲ့တာတွေလည်းရှိကြောင်း ဒေသခံတွေက ပြောပါတယ်။
အဆိုပါစစ်ကြောင်းဟာ ဒီကနေ့မှာ ကနီမြို့ ၊ ရေလယ်ကျွန်းပျူစခန်း၊ ချောင်းမရွာ စတဲ့ ဝန်းကျင်တွေနဲ့ မုံရွာ-ယာကြီး-ကလေးဝကားလမ်း ၊ ချောင်းမ-ကနီလမ်း စတဲ့ နေရာတဝိုက်မှာ ရောက်ရှိနေကြောင်း သိရပါတယ်။
အာဏာသိမ်းစစ်တပ်က ဒီလပိုင်းမှာနိုင်ငံတစ်ဝန်းဆုံးရှုံးထားတဲ့ ဒေသတွေကို စစ်ကြောင်းတွေအများကြီးနဲ့ အရှိန်မြှင့်ပြီးတန်ပြန်ထိုးစစ်ဆင်လာပါတယ်။ စစ်ကိုင်းတိုင်းမှာလည်း စစ်ကောင်စီက အင်အားတွေဖြည့်နေပြီး ကနီ၊ ယင်းမာပင်နယ်တွေမှာ စစ်ကြောင်းတွေ ထိုးနေပါတယ်။
