ဇွန်-၈၊၂၀၂၆။ဆဏ်း/People’s Spring
တော်လှန်အနုပညာရှင် သုံးဦး ခေါင်းဆောင် ပါဝင်ထားတဲ့ Ray ရုပ်ရှင်ကို ဇွန် ၂၇ ရက် ဩစတေးလျနိုင်ငံ ဆစ်ဒနီမြို့မှာ ပထမဆုံးပြသသွားမှာဖြစ်ပါတယ်။
ဒီရုပ်ရှင်ကို တော်လှန်အနုပညာရှင်တစ်ဦးဖြစ်တဲ့ ဒါရိုက်တာ သည်ခေတ်နေက ရိုက်ကူးထားတာဖြစ်ပြီး မင်းမော်ကွန်း၊ ဒေါင်းနဲ့ ထားထက်ထက်တို့က အဓိကပါဝင်သရုပ်ဆောင်ထားတာပါ။
“ကျွန်တော်တို့အားလုံးအတူတူ ရုန်းကန်ကြိုးစားခဲ့ကြတဲ့
Public Service Announcement
ခေတ်ကာလတစ်ခုရဲ့ ကြေးမုံလေးတစ်ချပ်ပါပဲ။” လို့ ဒီရုပ်ရှင်နဲ့ပတ်သက်ပြီး ဒါရိုက်တာသည်ခေတ်နေက ရေးသားထားပါတယ်။
ဒီဇာတ်ကားရဲ့ အဓိကဇာတ်ဆောင် Ray အဖြစ် နေထားထက်ထက်ကပါဝင်ထားတာဖြစ်ပြီး အောင်မြင်မှုတွေကို စွန့်လွှတ်ကာ ယုံကြည်ရာလမ်းကို လျှောက်လှမ်းခဲ့တဲ့ အမျိုးသမီးအနေနဲ့ ပါဝင်သရုပ်ဆောင်ထားတယ်လို့ သိရပါတယ်။
မင်းမော်ကွန်းကတော့ ကရင်ဗိုလ်မှုး တစ်ဦးအဖြစ်ပါဝင်ထားပြီး ဒေါင်းကတော့ ခရိုနီပေါက်စ တစ်ဦးအနေနဲ့ သရုပ်ဆောင်ထားပါတယ်။
ဒီဇာတ်ကားကို ဇွန် ၂၇ ရက် ဆစ်ဒနီမြို့က Palace Cinemas Moore Park မှာ ပွဲစဉ်သုံးပွဲပြသမှာဖြစ်ပြီး မဲလ်ဘုန်းမြို့မှာတော့ ဇွန် ၂၈ ရက်မှာ ပြသဖို့စီစဉ်ထားပါတယ်။
“အခြားနိုင်ငံတွေ မြို့တွေကိုလည်း မကြာမီ အမြန်ဆုံးရောက်ရှိလာပါမယ်။” လို့ ဒါရိုက်တာသည်ခေတ်နေက ပြောထားပါတယ်။
ဒီဇာတ်ကားရဲ့ဇာတ်လမ်းက စာရေးဆရာ ခက်ဇော်ကရေးသားထားတာဖြစ်ပြီး ဝတ္ထုအနေနဲ့ မကြာခင်ဖြန့်ချိပေးသွားမယ်လို့ အသိပေးထားပါတယ်။
