ဇွန် – ၂၂ ၊၂၀၂၆ /People’s Spring
ကချင်ပြည်နယ်၊မိုးကောင်းမြို့မှာပြီးခဲ့တဲ့ရက်ပိုင်းတွေအတွင်းမိုးများတာကြောင့်ဧရာဝတီမြစ်ရေတက်လာပြီး မြို့ရဲ့မြေနိမ့်ပိုင်းရပ်ကွက်တွေမှာ ရေဘေးကြုံနေရတယ်လို့ဒေသခံတွေနဲ့လူမှုကူညီရေးလုပ်ကိုင်သူတွေဆီကသိရပါတယ်။
ဇွန်လ ၁၉ ရက်ကစတင်ပြီးအနိမ့်ပိုင်းရပ်ကွက်တွေမှာရေဝင်ရောက်လာတဲ့အတွက်နေအိမ်တွေရေမြှုပ်လာတာကြောင့်ရေဘေးကြုံနေရသူတွေကို ထမင်းထုပ်ဝေတာတွေ ရှိနေပါတယ်။
“တချို့နေရာလေးတွေဆို ရေက သုံးပေကနေ လေးပေလောက်အထိ ဝင်တာရှိတယ်၊ အခုလောလောဆယ်တော့ လက်လှမ်းမိသလောက်ကို လူမူရေးအဖွဲ့တွေ ထမင်းထုပ်ဝေတာတွေ၊ ကယ်ဆယ်ရေးတွေ ပေါင်းလုပ်နေကြရတယ်”လို့ ရေဘေးကူညီရေးလုပ်ဆောင်နေသူကပြောပါတယ်။
Public Service Announcement
မိုးကောင်းမြို့ပေါ်က မြို့ဦး ရပ်ကွက်၊ စျေးကုန်း၊ အိုးတန်း၊ ကျွန်းတော ၊ အထက်ရှမ်းစု စတဲ့ ရပ်ကွက်တွေမှာ ရေကြီးနေတာပါ။
ရေဘေးသင့် ပြည်သူတွေ ခိုလှုံဖို့အတွက် ဈေးကုန်းရပ်ကွက်ရှိ သာသနာ့ဗိမာန်၊ နောင်ကိုင်တော်ရပ်ကွက်ရှိ အရှေ့ရပ်ဓမ္မာရုံ၊ အလယ်ရပ်ကွက် မြို့နာမ်ဓမ္မာရုံ၊ကျွန်းတောရပ်ကွက်ရှိ နှီးဘုရား ၊မိုးလုံလေလုံခန်းမ၊ နန့်ရင်းရပ်ကွက် တရုတ်ဘုံကျောင်းမှာ ရေဘေးစခန်းတွေပြင်ထားတယ်လို့ သိရပါတယ်။
