ဇွန် ၂၄၊ ၂၀၂၆။မေရီ/People’s Spring
မန္တလေးတိုင်း၊ မြစ်သားမြို့နယ်မှာ စမ်းရေမိုးဇာတ်ပွဲလာကြည့်တဲ့ ပရိသတ်ရဲ့ကားတစ်စီး လမ်းဘေးချောက်ထဲထိုးကျမှု ဖြစ်ပွားခဲ့တယ်လို့ ဒေသခံတွေက ပြောပါတယ်။
ဇွန်လ ၂၁ ရက် ညနေပိုင်းက မြစ်သားမြို့နယ်၊ လောင်းတော်ဦးကျေးရွာသွားတဲ့ လမ်းတနေရာမှာ Honda Insight ကားတစ်စီးဟာ သုံးဘီးဆိုက်တွဲကို ရှောင်ရင်း လမ်းဘေးချောက်ထဲ ထိုးကျသွားခဲ့ကြောင်း ဒေသခံတွေက ပြောပါတယ်။
ကားပေါ်ပါသူတွေဟာ လောင်းတော်ဦးကျေးရွာ၊ မြေစွန်ကုန်းဘုရားထီးတော်အောင်ပွဲနဲ့ ဘုရားဒါယကာရဲ့ မွေးနေ့အထိမ်းအမှတ်အဖြစ် ကျင်းပတဲ့ စမ်းရေမိုးဇာတ်ပွဲကို သွားကြည့်တဲ့ ပရိသတ်တွေဖြစ်ပြီး လူထိခိုက်မှု မရှိဘူးလို့ ဒေသခံတွေက ပြောပါတယ်။
Public Service Announcement
“လူတွေပါလားလို့ စိတ်ပူပြီးဆင်းကြည့်တာ။ သူတို့က ကားထားခဲ့ပြီး ပွဲကို ရောက်သွားပြီပြောတယ်။ ဘယ်သူမှဘာမှမဖြစ်ဘူးတဲ့”လို့ ဒေသခံတစ်ဦးက ပြောပါတယ်။
အဆိုပါလမ်းဟာ ကျဥ်းမြောင်းပြီး အကွေ့ပေါများတာ၊ နယ်ခံမဟုတ်လို့ လမ်းမကျွမ်းတာတွေကြောင့် ချောက်ဲထိုးကျခဲ့တာဖြစ်ကြောင်း ဒေသခံတွေက ဆိုပါတယ်။
ပြီးခဲ့တဲ့ မေလ ၁၂ ရက်တုန်းကလည်း အမရပူရမြို့နယ်၊ မြစ်လောင်းစံပြကျေးရွာမှာ ကျင်းပခဲ့တဲ့ စမ်းရေမိုးဇာတ်ပွဲလာကြည့်တဲ့ ပရိသတ်တစ်ဦးရဲ့ကားတစ်စီးလည်း ပွဲခင်းမှာ ထားခဲ့ရင်း အခိုးခံလိုက်ရပါသေးတယ်။
အာဏာသိမ်းစစ်တပ်ဟာ ပြီးခဲ့တဲ့နှစ် သီတင်းကျွတ်ကာလကစလို့ ပျော်ပွဲ၊ရွှင်ပွဲ ပွဲလမ်းသဘင်တွေ လုပ်စေခဲ့ပြီး ဇာတ်သဘင်ဖျော်ဖြေပွဲတွေကအစ မကြာခဏ လုပ်ခိုင်းခဲ့ပါတယ်။ အောင်ဇမ္ဗူနဲ့ စမ်းရေမိုးဇာတ်တွေဟာ စစ်တပ်အလိုအတိုင်း နယ်လှည့်ကပြနေပြီး တစ်ညကတိုင်း ပရိသတ်ရဲ့ ဆုငွေ သိန်းရာချီ ရရှိနေကြပါတယ်။
