Connect with us

Hi, what are you looking for?

သတင်း

မန္တလေးမှာ ဧည့်စာရင်းသွားတိုင်တဲ့ လူငယ် ၁ဦး ပေါ်တာဆွဲဖမ်းဆီးခံရ

မန္တလေးမြို့၊ အောင်မြေသာစံမြို့နယ်မှာ ဧည့်စာရင်းသွားတိုင်တဲ့ လူငယ် ၁ဦးကို ရပ်ကွက်အုပ်ချုပ်ရေးမှူးရုံးက စစ်မှုထမ်းဖို့ ပေါ်တာဆွဲဖမ်းဆီးလိုက်ကြောင်း Voice Of Mandalay အဖွဲ့က ပြောပါတယ်။

ဇွန် ၂၄၊ ၂၀၂၆။ မေရီ/People’s Spring

မန္တလေးမြို့၊ အောင်မြေသာစံမြို့နယ်မှာ ဧည့်စာရင်းသွားတိုင်တဲ့ လူငယ် ၁ဦးကို ရပ်ကွက်အုပ်ချုပ်ရေးမှူးရုံးက စစ်မှုထမ်းဖို့ ပေါ်တာဆွဲဖမ်းဆီးလိုက်ကြောင်း Voice Of Mandalay အဖွဲ့က ပြောပါတယ်။

မနေ့က ဇွန်လ ၂၃ ရက် ညနေ ၃ နာရီခန့်က အောင်မြေသာစံမြို့နယ်၊ သီရိမာလာအရှေ့ရပ်ကွက်၊ အေးသုခတိုက်ခန်းမှာ နေထိုင်တဲ့ (၃၀)ကျော်အရွယ် လူငယ်အမျိုးသားဟာ ရပ်ကွက်ရုံးဧည့်စာရင်းတိုင်ဖို့ သွားရောက်ခဲ့ရာကနေ အဲဒီရုံးကပေါ်တာဆွဲ ဖမ်းဆီးခဲ့ကြောင်း မန္တလေးမြေပြင်ကင်းထောက်အဖွဲ့ဖြစ်တဲ့ Voice Of Mandalay အဖွဲ့က ပြောပါတယ်။

ဖမ်းဆီးခေါ်ဆောင်ခံရတဲ့ လူငယ်ကို မည်သည့်နေရာသို့ ဖမ်းဆီးခေါ်ဆောင်သွားတယ်ဆိုတာ မသိရသေးပါဘူး။

Public Service Announcement

Public Service Announcement

“ကျွန်တော်တို့ကို နေရာပြောင်းအိပ်နေရတယ်။ အခြေအ​နေမကောင်းဘူး ဆွဲမယ်ကြားလို့”လို့ အောင်မြေသာစံမြို့နယ်မှာ လာရောက်နေထိုင်နေတဲ့ စစ်ကိုင်းမြို့နယ်ဇာတိ အမျိုးသား ၁ဦးက ပြောပါတယ်။

ရပ်ကွက်ရုံးတွေဟာ မြို့ခံလူငယ်ကိုတော့ စစ်မှုထမ်းကြေးယူထား​တာကြောင့် စစ်မှုထမ်းခေါ်ယူတာမျိုး မလုပ်ဘဲ ရပ်ဝေးက လာရောက်သူတွေ၊ စစ်ရှောင်တွေကို ပစ်မှတ်ထား ပေါ်တာဆွဲတာတွေပြုလုပ်နေကြောင်း မန္တလေး ဒေသခံတွေက ပြောပါတယ်။

မန္တလေးမြို့အပါအဝင် မြို့ကြီးအချို့မှာ စစ်တပ်က စစ်မှုထမ်းဖို့ လမ်းသွားလမ်းလာတွေနဲ့ အများပြည်သူဆိုင်ရာနေရာတွေမှာ လူငယ်တွေကို ပေါ်တာဆွဲ ဖမ်းဆီးမှုတွေ ဆက်တိုက်ပြုလုပ်နေကြောင်း ဒေသခံတွေက ပြောပါတယ်။

စစ်တပ်ဟာ လက်ရှိ စစ်မှူထမ်းသင်တန်း အပတ်စဥ်(၂၅)ကို စတင်နေပြီး မကြာမီ စတင်မယ့် အပတ်စဥ် (၂၆)အတွက် လူဆွဲပွဲတွေ ပြုလုပ်ဦးမှာဖြစ်ပါတယ်။

ဆက်စပ်သတင်းများ

သတင်း

မန္တလေးမြို့မှာ မိုးသည်းထန်စွာ ရွာသွန်းနေချိန် ၂၁ မိုင်အနီး ဗဟိုပြုပြီး အင်အား ၄.၀ အဆင့်ရှိ အင်အားအနည်းငယ်ရှိတဲ့ မြေငလျင်တစ်ခု လှုပ်ခတ်သွားကြောင်း သတင်းရရှိပါတယ်။

သတင်း

စစ်တပ်ရဲ့ စစ်မှုထမ်းအပတ်စဉ်သစ်စတင်ချိန် တိုင်း ရန်ကုန်မြို့မှာ ပေါ်တာဆွဲဖမ်းဆီးတဲ့ ဖြစ်စဉ်တွေ ခပ်စိတ်စိတ်ဖြစ်လေ့ရှိပြီး အခုလထဲမှာတော့ လမ်းမပေါ်တွေမှာ ဖမ်းဆီးတာတွေ လုပ်လာတာကြောင့် သတိထားကြဖို့ မြေပြင်သတင်းတွေဖော်ပြပေးနေတဲ့ Rangoon Scout Network-RSN က အသိပေးပါတယ်။

သတင်း

မန္တလေးမြို့မှာ မိုးသည်းထန်စွာ ရွာသွန်းလို့ ရေကြီးရေလျှံတာ၊ သစ်ပင်လဲပြိုတာနဲ့ ယာဥ်တွေ လမ်းချော်တိမ်းမှောက်တာတွေ ဖြစ်ပွားခဲ့ကြောင်း ဒေသခံတွေက ပြောပါတယ်။

သတင်း

မန္တလေး-မုံရွာလမ်းပိုင်းကုန်ကားတွေကို စစ်တပ်က တရားမဝင် ငွေတောင်းခံမှု သိန်းဂဏန်းတွေအထိ တိုးတောင်းလာတာကြောင့် ကုန်ကားသမားတွေ ပိုပြီးအခက်အခဲ တွေ့နေရတယ်လို့ ယာဉ်မောင်းတွေက ပြောပါတယ်။