ဇွန် ၂၈၊ ၂၀၂၆။ ထားမြတ်/People’s Spring
ကရင်အမျိုးသားအစည်းအရုံး(KNU) လက်အောက်ခံတပ်ဖြစ်တဲ့ ကရင်အမျိုးသားကာကွယ်ရေးတပ်(KNDO) ထံ စစ်မှုထမ်းတပ်သားသစ် ၁ဦး အလင်းဝင်လာကြောင်း KNU က ထုတ်ပြန်ပါတယ်။
စစ်တပ်ရဲ့ ခမရ(၅၉၆) တပ်ရင်းက တပ်သား ပြည့်စုံအောင်ဟာ ဇွန် ၂၇ရက်မှာ KNU ညောင်လေးပင်ခရိုင်အတွင်းရှိ KNDO တပ်ရင်း (၃) ထံကို အလင်းဝင်လာတာလို့ အသိပေးပါတယ်။
အလင်းဝင်လာတဲ့ တပ်သားက MA-1 သေနတ် (၁)နဲ့ ကျည်ခဲယမ်းတွေ ယူလာကြောင်း သလို အဲဒီတပ်သားကို KNU ညောင်လေးပင်ခရိုင်(ခလယ်လွီထူခရိုင်)က ဆုငွေ ကျပ် ၁၀ သိန်း ပေးအပ်ခဲ့ကြောင်း ဖော်ပြထားပါတယ်။
Public Service Announcement
အလင်းဝင်လာတဲ့ တပ်သားဟာ စစ်တပ်ရဲ့အတင်းအဓမ္မ စစ်သားစုဆောင်းမှုကြောင့် စစ်မှုထမ်းနေရသူဖြစ်တယ်လို့ ဆိုပါတယ်။
အာဏာသိမ်းစစ်တပ်အတွင်း ဆန္ဒမပါဘဲ အတင်းအဓမ္မ စစ်မှုထမ်းစေခိုင်းခံနေရတဲ့ တပ်သား၊ တပ်ဖွဲ့ဝင်များ အနေနဲ့ မိမိတို့ရဲ့ အသက်အန္တရာယ်နဲ့ အနာဂတ်ကို ကာကွယ်နိုင်ဖို့ နီးစပ်ရာ တော်လှန်ရေးတပ်ဖွဲ့များထံသို့ အလင်းဝင်ရောက်ကြဖို့လည်း KNU က ထပ်မံ တိုက်တွန်းထားပါတယ်။
တပ်မဟာ(၃)နယ်မြေ ညောင်လေးပင်ခရိုင်အတွင်းရှိ KNU လက်အောက်ခံ တပ်ဖွဲ့တွေဆီကို အရင်ကလည်း စစ်ကောင်စီတပ်သားတွေ ၁ ဦးချင်းဖြစ်စေ အဖွဲ့လိုက်ဖြစ်စေ အလင်းဝင်ရောက်မှုတွေ မကြာခဏ ရှိခဲ့ပြီး လက်နက်ပါလာသူတွေ ရှိသလိုလက်နက်မဲ့ အလင်းဝင်လာသူတွေလည်း ရှိပါတယ်။
ဇွန်လ ၉ရက်က ကော့သောင်းအခြေစိုက် စစ်ကောင်စီရဲ့ ခလရ(၅၉၅)တပ်ရင်းက တပ်သား ၅ဦး KNU တပ်ရင်း(၃)ထံ အလင်းဝင်ခဲ့သလို ဇွန်လ ၁၅ရက်မှာလည်း ပေါက်ခေါင်းမြို့ ခမရ (၅၃)တပ်ရင်းက တပ်သား၁၁ ဦးဟာလည်းKNDOတပ်ရင်း(၃)ထံ အလင်းဝင်ရောက်ခဲ့တာရှိပါတယ်။
