စဉ့်ကူးမှာ ရစ်ခ်တာစကေး ၄ ဒဿမ ၄ အဆင့် ငလျင်လှုပ်

ဇူလိုင်-၁၂၊၂၀၂၆။ဇော်ရမ်း/People’s Spring

စစ်ကိုင်းတိုင်းနဲ့ မန္တလေးတိုင်း မြို့နယ်အချို့မှာ ယခုရက်ပိုင်းအတွင်း ငလျင်မကြာခဏလှုပ်နေပြီး ဒီနေ့ ဇူလိုင် ၁၂ရက် မနက်ပိုင်းမှာ စဉ့်ကူးမြို့အနီး ရစ်ခ်တာစကေး ၄ ဒဿမ ၄ အဆင့်ငလျင် လှုပ်သွားပါတယ်။

ဒီနေ့ မနက် ၅နာရီ ၉မိနစ်ခန့်မှာ လှုပ်သွားတာဖြစ်ပြီး မြေအနက် ၁၀ ကီလိုမီတာ(၆မိုင်ခန့်)ကို ဗဟိုပြုတာလို့ ထိုင်းမိုးဇလဌာန(TMD)က ထုတ်ပြန်ထားပါတယ်။

စဉ့်ကူးမြို့ဟာ ၂၀၂၅ မတ်လ ၂၈ရက်က မန္တလေးနဲ့ စစ်ကိုင်းမြို့ကိုဗဟိုပြုပြီး လှုပ်ခဲ့တဲ့ ရစ်ခ်တာစကေး ၇ဒဿမ၇ အဆင့် ငလျင်ကြောင့် ထိခိုက်ပျက်စီးမှုမှုများပြားခဲ့တဲ့မြို့ဖြစ်ပါတယ်။ စဉ့်ကူးမြို့မှာ ရစ်ခ်တာစကေး ၄နဲ့၅ကြား ငလျင်မကြာခဏလှုပ်ရှားနေပါတယ်။

Public Service Announcement

ဇူလိုင် ၁၁ရက်ကလည်း စစ်ကိုင်းတိုင်း၊ ပုလဲမြို့အနီးမှာ ရစ်ခ်စကေး ၃ ဒဿမ ၆ အဆင့်ငလျင်

အဆင့် ငလျင်လှုပ်ရှားခဲ့ပါတယ်။ ဇူလိုင် ၁၀ရက်မှာတော့ စစ်ကိုင်းတိုင်း၊ မော်လိုက်မြို့အနီးမှာ ရစ်ခ်တာစကေး ၄ ဒဿမ၃ အဆင့်ငလျင်လှုပ်ရှားခဲ့တယ်လို့ အမျိုးသားညီညွတ်ရေးအစိုးရ၊လူမှုရေးရာ၊ အလုပ်သမားနဲ့လူသားချင်းစာနာထောက်ထားရေးဝန်ကြီးဌာန(MoSLHA)က သတင်းထုတ်ပြန်ထားပါတယ်။

ဇွန်လနဲ့ ဇူလိုင်အတွင်းမှာ စစ်ကိုင်းတိုင်း၊ မန္တလေးတိုင်း၊ ပဲခူးတိုင်း၊ ဧရာဝတီတိုင်း၊ ရန်ကုန်တိုင်းနဲ့ နေပြည်တော်၊ ကရက်နီပြည်နယ်၊ ရှမ်းပြည်နယ်တွေမှာ ရစ်ခ်တာစကေး ၄နဲ့၅ကြား ငလျင်တွေ လှုပ်ရှားခဲ့ပါတယ်။