ဇူလိုင် ၂၀၊ ၂၀၂၆။ ထားမြတ်/People’s Spring
ချင်းပြည်နယ်တောင်ပိုင်း မင်းတပ်နဲ့ ကန်ပက်လက်မြို့ကို ထိုးစစ်ဆင်နေတဲ့ စစ်တပ်ကို ကာလရှည်ခုခံတိုက်ခိုက်နေတဲ့ ချင်းတော်လှန်ရေး မဟာ မိတ်ပူးပေါင်းတပ်က ရဲဘော်တွေအတွက် ရိက္ခာပံ့ပိုးနိုင်ရေး ပါဝင်ပေးကြဖို့ ချင်းပြည်သူ့အစည်းအရုံး(CPU/CPA) ထောက်ပို့ဌာနက နှိုးဆော်ပါတယ်။
ချင်းတောင်ပိုင်းရှေ့တန်းမှာတိုက်ပွဲဝင်လျက်ရှိတဲ့ ရဲဘော်တွေအတါက် “ရိက္ခာ” Fundraising campaign ကို CPU/ CPA ထောက်ပို့ဌာနက ဦးဆောင်ပြီး ပြုလုပ်လျက်ရှိရာ ကမ်ပိန်း တလအတွင်း ဆန်အိတ်ရေ ၂၀၀၀ ရရှိရေး သတ်မှတ်ထားတာပါ။ ဆန်အိတ်တစ်အိတ် ကျပ်တစ်သိန်းခွဲ( ၁၅၀၀၀၀ကျပ်) ဖြစ်တယ်လို့ အသိပေးထားပါတယ်။
“ခုထိတော့ ရည်မှန်းထားတဲ့ Target-ဆန်အိတ် ၂,၀၀၀ ရဖို့ အများကြီး လိုအပ်နေပါသေးတယ်။ ဒါကြောင့် တစ်ယောက်ချင်းစီရဲ့ ပါဝင်မှုက အရမ်းတန်ဖိုးရှိပါတယ်။ ပါဝင်ကူညီသူတစ်ဦးတစ်ယောက်ချင်းစီကို ကျေးဇူးတင်ပါတယ်။မပါဝင်ရသေးတဲ့သူတွေကို လည်း ပါဝင်ကူညီပေးဖို့တောင်းဆိုပါတယ်” လို့ CPU/CPA ထောက်ပို့ဌာနက ဒီကနေ့မှာ ထုတ်ပြန်ပါတယ်။
Public Service Announcement
ရှေ့တန်းစစ်မြေပြင်မှရဲဘော်များအတွက် လိုအပ်သောရိက္ခာပစ္စည်းများထောက်ပံ့ပေးနိုင်ဖို့ တက်နိုင်သမျှ ပါဝင်အားဖြည့်ပေးကြဖို့ ထပ်လောင်း နှိုးဆော်ထားပါတယ်။
လက်ရှိမှာ အာဏာသိမ်းစစ်တပ်ဟာ ချင်းတောင်ပိုင်းကို စစ်ကူအင်အားတွေ ထပ်ဖြည့်နေသလို လေကြောင်းတိုက်ခိုက်မှုတွေလည်း ဆက်တိုက်ပြုလုပ်လျက်ရှိပါတယ်။ဒီကနေ့ ဇူလိုင် ၂၀ရက် မနက်ပိုင်းမှာလည်း စစ်တပ်က မင်းတပ်မြို့အနီးနေရာတွေကို လေယာဉ်နဲ့၉ကြိမ် ဗုံးအလုံး ၃၀ ကျော် ကြဲချတိုက်ခိုက်ခဲ့တယ်လို့ဒေသခံက အသိပေးထားပါတယ်။
