Connect with us

Hi, what are you looking for?

သတင်း

SCEFနဲ့AAပထမဆုံးအကြိမ်တွေ့ဆုံဆွေးနွေး

ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ (SCEF) နဲ့ ရက္ခိုင်အမျိုးသားအဖွဲ့ချုပ်/အာရက္ခတပ်တော် (ULA/AA)တို့ တနာရီကျော်ကြာ တွေ့ဆုံဆွေးနွေးခဲ့ကြောင်း SCEF ကဒီက​နေ့သတင်းထုတ်ပြန်ပါတယ်။

ဇူလိုင်-၂၆၊ ၂၀၂၆။ထားမြတ်/People’s Spring

ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ (SCEF) နဲ့ ရက္ခိုင်အမျိုးသားအဖွဲ့ချုပ်/အာရက္ခတပ်တော် (ULA/AA)တို့ တနာရီကျော်ကြာ တွေ့ဆုံဆွေးနွေးခဲ့ကြောင်း SCEF ကဒီက​နေ့သတင်းထုတ်ပြန်ပါတယ်။

ဆွေးနွေးမှုကို ဇူလိုင် ၂၃ရက်က ပြုလုပ်ခဲ့တာ ဖြစ်ပြီး SCEF အလှည့်ကျ သဘာပတိ ခူဦးရယ်၊ SCEF မဟာဗျူဟာနဲ့ မူဝါဒရေးရာဦးဆောင်အဖွဲ့ဝင် ပြည်ထောင်စုဝန်ကြီးချုပ် မန်းဝင်းခိုင်သန်း၊ ULA/AA ဥက္ကဋ္ဌ ဗိုလ်ချုပ်ထွန်းမြတ်နိုင်နဲ့ တာဝန်ရှိသူတွေ တက်ရောက်ခဲ့တယ်လို့ အသိပေးပါတယ်။

တွေ့ဆုံစဉ် အာရက္ခပြည်မှာ ကြုံနေရတဲ့ ရေဘေးဖြစ်စဉ်အတွင်း ရေဘေးသင့်ပြည်သူများအား လူသားချင်းစာနာထောက်ထားမှုဆိုင်ရာ အကူအညီများပေးအပ်နိုင်ရေးနဲ့ ပြန်လည်ထူထောင်ရေးကိစ္စရပ်များ ၊ လက်ရှိနိုင်ငံရေးအခင်းအကျင်းနဲ့ ရှေ့နိုင်ငံရေးလုပ်ငန်းစဉ်လိုအပ်ချက်များများကိုတိုင်ပင်ဆွေးနွေးခဲ့​တယ်လို့ဖော်ပြပါတယ်။

Public Service Announcement

Public Service Announcement

ဒါအပြင် SCEF ခေါင်းဆောင်တွေက SCEF ဖွဲ့စည်းရခြင်းရည်ရွယ်ချက်၊မူဝါဒများ၊ လက်ရှိပြုလုပ်နေသော အကြောင်းအရာတွေနဲ့ ရှေ့ဆက်လုပ်ငန်းစဉ်များအကြောင်းအရာတို့ကိုအသိပေးခဲ့ကြောင်း သတင်းထုတ်ပြန်ပါတယ်။

စစ်ကိုင်းတိုင်းမှ တော်လှန်ရေးသတင်းရင်းမြစ်တဦးကလည်း ယခု​တွေ့ဆုံ​ဆွေး​နွေးမှုအ​ပေါ် “SCEF မှာAA ပါဝင်လာဖို့ ဆွေး‌နွေးနေတဲ့ သတင်းကြားရတာနဲ့တင် အားရှိတာပါ။ ကျွန်တော်တို့ သတင်းကြားတာ ရက်အနည်းငယ်ကြာပြီ။ အား ဖြစ်တယ်။ တော်လှန်ရေးအရရော နိုင်ငံရေးအရပါ အားသာချက်တွေ ရှိလာမယ်လို့ ယုံကြညတယ်”လို့​ပြောပါတယ်။

SCEFနဲ့ AA တို့ မတွေ့ဆုံမီက SCEF အဖွဲ့ဝင်ဖြစ်တဲ့ အမျိုးသားညီညွတ်ရေးအစိုးရ(NUG)က အာရက္ခပြည်မှာ ကြုံတွေ့နေရတဲ့ ရေဘေးဖြစ်စဉ်အတွင်း ရေဘေးသင့်ပြည်သူများ ရဲ့ အရေးပေါ်လိုအပ်ချက်များကို ကူညီဖြေရှင်းပေးနိုင်ဖို့ ULA/AAထံကို တရုတ်ယွမ်ငွေ ၁၅၀,၀၀၀ (တစ်သိန်းငါးသောင်း) ကနဦးအဖြစ် ကူညီပံ့ပိုးခဲ့ပါသေးတယ်။ NUG ရဲ့လူသားချင်းစာနာထောက်ထားမှုဆိုင်ရာ အကူအညီပေးအပ်မှုအပေါ် ရက္ခိုင်အမျိုးသားအဖွဲ့ချုပ်(ULA/AA)ကလည်း ကျေးဇူးတင်ကြောင်း ဂုဏ်ပြုမှတ်တမ်းလွှာပေးအပ်ခဲ့ပါတယ်။

NUG အနေနဲ့ အာရက္ခပြည်သူတစ်ရပ်လုံးနဲ့အတူဆက်လက်ရပ်တည်သွားမှာဖြစ်ပြီး လူသားချင်းစာနာထောက်ထားမှုဆိုင်ရာ အကူအညီများနဲ့ ပြန်လည်ထူထောင်ရေးလုပ်ငန်းများအတွက် ဆက်လက်ပံ့ပိုးပေးသွားမယ်လို့ အသိပေးထုတ်ပြန်ထားပါတယ်။

SCEFဟာ ULA/AAနဲ့ မတွေ့ဆုံမီ ရက်ပိုင်းတွေကလည်း ပအိုဝ်းတော်လှန်ရေးအင်အားစုတွေ မွန်တော်လှန်ရေးအင်အားစုတွေ၊နွေဦးတော်လှန်ရေးက ပေါက်ဖွားလာတဲ့ လက်နက်ကိုင်တပ်တွေနဲ့ စုဖွဲ့ထားတဲ့ နွေဦးတော်လှန်ရေးမဟာမိတ်တပ်ပေါင်းစု(SRA)၊ စစ်ကိုင်း၊ မကွေး၊ မန္တလေး ဖက်ဒရယ်ယူနစ်လွှတ်တော် ၊ အစိုးရတွေနဲ့ သီးခြားစီတွေ့ဆုံဆွေးနွေးခဲ့ပါသေးတယ်။

SCEF ကို အမျိုးသားညီညွတ်ရေးအစိုးရ(NUG)၊ ပြည်ထောင်စုလွှတ်တော်ကိုယ်စားပြုကော်မတီ(CRPH) ၊ ကချင်လွတ်လပ်ရေးအဖွဲ့(KIO)၊ ကရင်အမျိုးသားအစည်းအရုံး(KNU)၊ ကရင်နီအမျိုးသားတိုးတက်ရေးပါတီ(KNPP)နဲ့ ချင်းအမျိုးသားတပ်ဦး(CNF) စတဲ့ တော်လှန်ရေးအဖွဲတွေနဲ့ အခုနှစ်မတ်လမှာ စတင်စုဖွဲခဲ့တာဖြစ်ပါတယ်။ SCEF ကို ပြည်နယ်/ ဖက်ဒရယ်ယူနစ်/ ERO ကိုယ်စားပြုမဏ္ဍိုင်၊ ပြည်သူ့ကိုယ်စားပြုမဏ္ဍိုင်နဲ့ အမျိုးသမီးကိုယ်စားပြု မဏ္ဍိုင် စတဲ့ မဏ္ဍိုင်သုံးရပ်ပါဝင်ဖွဲ့စည်းထားပြီးစုဖွဲ့မှုပိုအားကောင်းအောင် လုပ်ဆောင်မယ်လို အသိပေးထားပါတယ်။

ဆက်စပ်သတင်းများ

သတင်း

ရိုဟင်ဂျာ အကျပ်အတည်းကို ဖြေရှင်းနိုင်ဖို့အတွက် ဘင်္ဂလားဒေ့ရှ် အစိုးရဟာ အာဏာသိမ်း မြန်မာစစ်တပ်ရော၊ အာရက္ခတပ်တော် (AA)နဲ့ပါ ဆွေးနွေး ညှိနှိုင်းမှုတွေ လုပ်နေကြောင်း ​ပြောပါတယ်။

သတင်း

အဖွဲ့ဝင်တွေရဲ့ထည့်ဝင်မှု၊ ပြည်ပရောက်နိုင်ငံသားတွေထည့်ဝင်မှုနဲ့ ခရိုနီလုပ်ငန်းရှင်တွေကို ထည့်ဝင်စေတာ၊လူထုရဲ့ထည့်ဝင်မှုစတဲ့နည်းလမ်းတွေပါဝင်

သတင်း

ဖက်ဒရယ်ဒီမိုကရေစီ‌ ပြည်ထောင်စုပေါ်ထွန်းရေး ဦးဆောင်ကောင်စီ (SCEF) ကိုယ်စားလှယ်အဖွဲ့က ကိုရီးယားနိုင်ငံ မှာ လူထုတွေ့ဆုံပွဲ ကျင်းပခဲ့ရာ ဦးဆောင်မှုလည်း မှန်ကန်ပြီး ပြည်သူလူထုကလည်း စုစည်းညီညွတ်စွာ ပါဝင်ကြိုးစားကြမည်ဆိုပါက နွေဦးတော်လှန်ရေး ၂နှစ်အတွင်း မအောင်မြင်နိုင်စရာ မရှိကြောင်း SCEF ကိုယ်စားလှယ်အဖွဲ့က ရှင်းလင်းဖြေကြားခဲ့တယ်လို့ ကိုရီးယားနိုင်ငံ အမျိုးသားညီညွတ်ရေးအစိုးရ(NUG) ကိုယ်စားလှယ်ရုံးက...

သတင်း

စစ်အာဏာရှင်စနစ် အဆုံးသတ်ရေး၊ ငြိမ်းချမ်းရေးနဲ့ တည်ငြိမ်ရေး ပြန်လည်တည်ဆောက်ရေး၊ ဒီမိုကရေစီစနစ် ပြန်လည်ရရှိရေး၊ ဖက်ဒရယ်ဒီမိုကရေစီပြည်ထောင်စု တည်ဆောက်ရေးတို့အတွက် ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေးဦးဆောင်ကောင်စီ(SCEF)မှာ အဓိက ဦးဆောင်အဖွဲ့အစည်းတစ်ရပ်အဖြစ် လက်တွဲကြိုးပမ်းလျက်ရှိကြောင်း ပြည်ထောင်စုလွှတ်တော်ကိုယ်စားပြုကော်မတီ(CRPH)က ထုတ်ပြန်ပါတယ်။