ဇူလိုင်-၂၇၊၂၀၂၆။ကဖေး/People’s Spring
ပြည်သူ့ကာကွယ်ရေးတပ်ဖွဲ့တွေထိန်းချုပ်ထားတဲ့မြို့သစ်မြို့နယ်ထဲမှာ စစ်တပ်လက်အောက်ခံရှမ်းနီတပ်(SNA) တပ်ဖွဲ့ဝင်တဦးက လက်နက်ခဲယမ်း တွေယူဆောင်လာပြီးတမူးခရိုင်၊အမှတ်(၂)တပ်ရင်းထံအလင်းဝင်လာပါတယ်။
SNA တပ်မဟာ(၈၉၁)၊ တပ်ရင်း(၃)က တပ်သားတစ်ဦးဟာ ဇူလိုင်လ ၁၇ရက်မှာအလင်းဝင်လာတာလို့ တမူးခရိုင်၊အမှတ်(၂)တပ်ရင်းကဇူလိုင်က၂၇ရက်နေ့မှာ သတင်းထုတ်ပြန်ပါတယ်။
အလင်းဝင်လာသူက AK-47 (၁)လက် ၊ကျည်ဘောက်(၄)ခု၊ 62ကျည်(၂၀၁)တောင့် ၊G-3ကျည် (၁၂)တောင့် ၊ဖုန်း (၁)လုံး ၊၁၄မိုင်း (၁) လုံး၊ လက်ပစ်ဗုံး (၁)လုံးယူဆောင်လာတာကြောင့် ဆုကြေးငွေချီးမြှင့်ပြီး ၎င်းရဲ့ဆန္ဒအတိုင်းဆက်လက်ဆောင်ရွက်ပေးမယ်လို့ ထုတ်ပြန်ထားပါတယ်။
Public Service Announcement
တမူးခရိုင်အတွင်းမှာ မြို့သစ်မြို့၊ ခါမ်းပါတ်မြို့နဲ့ တမူးမြို့တို့ ပါဝင်ပါတယ်။ မြို့သစ်မြို့ကို ပြည်သူ့ကာကွယ်ရေးတပ်ဖွဲ့တွေက ၂၀၂၄ ခုနှစ်မေလမှာသိမ်းယူခဲ့ပြီး ထိန်းချုပ်ထားပါတယ်။ လက်ရှိမှာ ခမ်းပါတ်မြို့နယ်အတွင်း တိုက်ပွဲတွေဆက်လက်ဖြစ်ပွားနေပါတယ်။
ကလေး- ခမ်းပါတ် – တမူးလမ်းပိုင်းဟာ အိန္ဒိယ–မြန်မာ–ထိုင်း သုံးနိုင်ငံချိတ်ဆက်မယ့် အဝေးပြေးလမ်းမကြီးမှာပါဝင်ပါတယ်။ အဲ့ဒီလမ်းကြောင်းကို မိုးမကျမီ ထိန်းချုပ်ပြီဖွင့်လှစ်ဖို့ ကြိုးစားမယ်လို့ ပြီးခဲ့တဲ့ ဇွန်လဆန်းကအိန္ဒိယခရီးစဥ်မှာအာဏာသိမ်းခေါင်းဆောင်မင်းအောင်လှိုင်က အိန္ဒိယအစိုးရကို ပြောခဲ့ပါတယ်။
အဲ့ဒီနောက်ပိုင်း ကလေး၊တမူး၊ ခမ်းပါတ်မြိုနယ်တွေထဲကို လေကြောင်းကနေဗုံးကြဲပြီး စစ်ကြောင်းတွေထိုးပြီးထိန်းချုပ်ဖို့ကြိုးစားနေတာကြောင့် တော်လှန်ရေးတပ်တွေနဲ့တိုက်ပွဲတွေဆက်တိုက်ဖြစ်ပွားနေတာပါ။စစ်တပ်စစ်ကြောင်းတွေမှာ စစ်မှုထမ်းသင်တန်းဆင်း အများအပြားပါဝင်ပြီး ရှမ်းနီတပ်(SNA)နဲ့ အိန္ဒိယအစိုးရကိုတော်လှန်နေတယ်ဆိုတဲ့ ကသည်းတပ်နဲ့ နာဂလက်နက်ကိုင်တပ်တွေလည်းပါဝင်တယ်လို့ တော်လှန်ရေးတပ်တွေကပြောပါတယ်။
