ဩဂုတ်-၁၃၊၂၀၂၆။ရောင်နီ/People’s Spring
ရန်ကုန်မြို့မှာ ဖြစ်ပွားနေတဲ့ ပြင်းထန်ဝမ်းပျက်ဝမ်းလျှော ရောဂါကြောင့် ၁၉ လမ်း ညဈေးတန်းက ဆိုင်တွေအကုန်ပိတ်ထားရပါတယ်။
“ယာယီပိတ်ဖို့ပြောတယ်။ ဘယ်လောက်ကြာမလဲတော့ မသိဘူး” လို့ ၁၉လမ်းမှာ နေထိုင်သူတစ်ဦးကပြောပါတယ်။
ဆိုင်တွေအကုန်ပိတ်ထားရတာကြောင့် အမြဲတမ်းစည်ကားနေတဲ့ ၁၉ လမ်းဟာ ဒီကနေ့ ညပိုင်းမှာတော့ တိတ်ဆိတ်နေပါတယ်။
Public Service Announcement
လမ်းထဲမှာ ရှင်းလင်းနေတာကြောင့် နေထိုင်သူတချို့က လမ်းမပေါ်မှာထွက်ပြီး ဆော့ကစားနေကြတာတွေ့ရပါတယ်။
လမ်းသွားလမ်းလာအချို့ကလည်း ရှင်းလင်းနေတဲ့ ၁၉ လမ်းနဲ့ ဓာတ်ပုံရိုက်နေကြတာကို တွေ့ရပါတယ်။
ရန်ကုန်မြို့ရဲ့ မြို့နယ်အများစုမှာ ဝမ်းပျက်ဝမ်းလျောရောဂါ ဖြစ်ပွားမှု မြင့်မားနေတာကြောင့် လမ်းဘေးဆိုင်တွေကို တစ်ပတ်လောက်ပိတ်ထားဖို့ ညွှန်ကြားထားတယ်လို့ သိရပါတယ်။
လူစည်ကားရာနေရာတစ်ခုဖြစ်တဲ့ ကမာရွတ်မြို့နယ် လှည်းတန်းတဝိုက်မှာတော့ လမ်းဘေးဈေးဆိုင်တွေ ပုံမှန်ဖွင့်ထားတာကို တွေရပါတယ်။
ရန်ကုန်မြို့ဆေးရုံကြီးမှာ ဩဂုတ် ၉ ကနေ ၁၂ ရက်အတွင်း ဝမ်းပျက်ဝမ်းလျှောလူနာ ၁၈၀ ကျော်တက်ရောက်ကုသနေပြီး အသက်၉၂ နှစ်အရွယ်အမျိုးသားတစ်ဦးသေဆုံးခဲ့ကာ ပြင်းထန် ဝမ်းပျက်ဝမ်းလျှောရောဂါခံစားရသူ ငါးဆယ်ကျော်ရှိ တယ်လို့ စစ်တပ်က သတင်းထုတ်ပြန်ထားပါတယ်။
