စက်တင်ဘာ ၁၁၊၂၀၂၆။သုည/People’s Spring
မကွေးတိုင်း၊ ပခုက္ကူခရိုင်အတွင်းမှာ စစ်တပ်ရဲ့ စစ်ကြောင်းထိုးမီးရှို့မှု့ကြောင့် ပျက်စီးခဲ့တဲ့ ပြည်သူတွေရဲ့ နေအိမ်တွေ ပြည်လည်တည်ဆောက်ဖို့အတွက် ကူညီထောက်ပံ့ပေးခဲ့တယ်လို့ ပြည်သူ့ ကာကွယ်ရေးတပ်မတော် ပခုက္ကူခရိုင် အမှတ် (၆) တပ်ရင်းက ဒီကနေ့ (စက်တင်ဘာ ၁၁) ထုတ်ပြန်ပါတယ်။
မီးဘေးသင့်ကျေးရွာ ပြန်လည်ပြုပြင်ရေး စီမံချက်အဖြစ် ပြည်သူမှ ပြည်သူသို့ ထည့်ဝင်လှူဒါန်းငွေ ၈၄ သိန်းရခဲ့ပြီး၊ သစ်မာအများအပြားထွက်တဲ့ ကျေးရွာတစ်ရွာမှလည်း ပျဉ်း၊ ပျဉ်းကတိုး၊ သန်း၊ တည် စတဲ့ သစ်လုံးတိုင်တွေကို ကားနှစ်စီးအပြည့် အပြီးအစီး ကူညီလှူဒါန်းပေးခဲ့တယ်လို့ အသိပေးခဲ့ပါတယ်။
စစ်တပ်ရဲ့ စစ်ကြောင်းထိုးမီးရှို့မှုအတွင်း တော်လှန်ရေး ရဲဘော်တွေရဲ့နေအိမ်နဲ့ ၎င်းတို့ရဲ့ မိဘနေအိမ်တွေ ပါဝင်ခဲ့ကာ ပြန်လည်ပြုပြင်ရေး စီမံချက်ကို အကောင်အထည်ဖော်ပေးခဲ့တယ်လို့ ဆိုပါတယ်။
Public Service Announcement
စစ်အုပ်စုက အရပ်သားပြည်သူတွေ နေထိုင်ရာ နေရာကို ရည်ရွယ်ချက်ရှိရှိနဲ့ လေကြောင်းတိုက်ခိုက်မှုပြုလုပ်တာ ၊ ပြည်သူတွေကို သတ်ဖြတ်တာ ၊ မြေပြင်ကနေ စစ်ကြောင်း ထိုးပြီး နေအိမ်တွေကို မီးရှို့ဖျက်ဆီးတာတွေကို နေ့စဉ်လုပ်ဆောင်နေပါတယ်။
