“သင့်မှာ စူပါပါဝါရှိရင် ဘာလုပ်မလုပ် ၊ဘာကြောင့်လဲ ” ဆိုတဲ့ မေးခွန်းကိုကူညီ ဘာသာပြန်ပေးသူက “သင့်မှာကားအကောင်းစားရှိရင် “လို့မှားယွင်းဘာသာပြန်ခဲ့ပေမယ့် မြန်မာကိုယ်စားပြုအလှမယ်က အဖြေကို အကောင်ဆုံးဖြေဆိုသွားပါတယ် ။
“ညီမဆီမှာ စူပါပါဝါရှိခဲ့မယ်ဆိုရင်တော့ အခုညီမတို့နိုင်ငံမှာဖြစ်နေတဲ့ Coup (စစ်အာဏာသိမ်းမှု)ကိုအမြန်ဆုံး အဆုံးသတ်နိုင်အောင်လို့ လုပ်နိုင်တဲ့သူတစ်ယောက်၊ ပြီးရင်လူသားမဆန်တဲ့ ကမ္ဘာပေါ်မှာဖြစ်ပျက်နေတဲ့အရာတွေ၊ နိုင်ငံတိုင်းမှာဖြစ်ပျက်နေတဲ့ အရာတွေ ကို အမြန်ဆုံးအဆုံးသတ်အောင်လုပ်ပေးနိုင်တဲ့သူတစ်ယောက်ဖြစ်ချင်ပါတယ် ” လို့ သူဇာဝင့်လွင်ကဖြေသွားပါတယ်။ သူမအဖြေကို အခြားနိုင်ငံကအလှမယ်တချို့ကပါလက်ခုပ်တီး ဂုဏ်ပြုပေးခဲ့တယ် ။
သူဇာဝင့်လွင်ဟာ မယ်စကြာဝဠာ ၂၀၂၀ ပြိုင်ပွဲဝင်နေစဥ်မှာ မြန်မာနိုင်ငံမှာစစ်တပ်က မတရားသဖြင့်အာဏာသိမ်းထားတာ၊ပြည်သူတွေအပေါ်ရက်ရက်စက်စက်ဖိနှိပ်နေတာတွေကို ကမ္ဘာက ပိုမိုသိ့ရှိအောင် ကြိုးစားပေးခဲ့ပါတယ်။
