“ရဲတွေက ကျွန်တော်တို့လက်ထဲကို ဆင့်စာတစ်ခုလာထည့်တယ် ဒေါ်အောင်ဆန်းစုကြည်ကို ပေးပေးပါဆိုပြီး”

– တရားလွှတ်တော် ရှေ့နေ ဦးခင်မောင်ဇော်​ဖြေကြားချက်အပြည့်အစုံ

နှစ်ရှည်ထောင်ဒဏ် ချနိုင်တဲ့အမှုပေါင်း ၁၁ မှုနဲ့ စွပ်စွဲခံထားရတဲ့ နိုင်ငံတော်ရဲ့အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို စစ်ကောင်စီက ပုဒ်မ ထပ်တိုးဖို့စီစဉ်နေပါတယ်။

ဒီနေ့ နေပြည်တော်မှာ အစိုးရ လျှို့ဝှက်ချက် အက်ဥပဒေနဲ့ အဂတိဥပဒေတွေနဲ့ စွဲထားတဲ့ အမှု ရုံးချိန်းအပြီးမှာ ရဲတပ်ဖွဲ့က ဒေါ်အောင်ဆန်းစုကြည်ရဲ့ ရှေ့နေဆီကို ဆင့်ခေါ်စာ လာပေးခဲ့တယ်လို့ တရားလွှတ်တော် ရှေ့နေ ဦးခင်မောင်ဇော်ကပြောပါတယ်။

အဲဒီဆင့်ခေါ်စာမှာ လေယာဉ်အသုံးပြုတဲ့ကိစ္စနဲ့ပတ်သက်ပြီး ဒေါ်အောင်ဆန်းစုကြည်ကို အမှုတွဲထားတယ်လို့ တရားလွှတ်တော်ရှေ့နေ ဦးခင်မောင်ဇော်ဆီကသိရပါတယ်။

Public Service Announcement

“ရုံးချိန်းဆင်းတဲ့အခါ ဒေါ်အောင်ဆန်းစုကြည်လည်း ပြန်ခါနီးမှာ ရဲတွေက ကျွန်တော်တို့လက်ထဲကို ဆင့်စာတစ်ခုလာထည့်တယ် ဒေါ်အောင်ဆန်းစုကြည်ကို ပေးပေးပါဆိုပြီး ၊အဲတော့ဒေါ်အောင်ဆန်းစုကြည်ကို ကျွန်တော်ပေးလိုက်ပါတယ် ၊ဆင့်စာကို ကျွန်တော်အကြမ်းဖျင်းကြည့်လိုက်တော့ လေယာဉ်အသုံးပြုတဲ့ကိစ္စဗျ အတိအကျတော့ကျွန်တော်မသိသေးဘူး၊ အမှုတွဲထားတယ် ” လို့ တရားလွှတ်တော်ရှေ့နေဦးခင်မောင်ဇော်က ပြောတယ်။

ဒီအမှုတွဲထားတာဟာ အဂတိပုဒ်မ နဲ့ စွဲဆိုတာမျိုးဖြစ်နိုင်တယ်လို့ တရားလွှတ်တော်ရှေ့နေ ဦးခင်မောင်ဇော်က ခန့်မှန်းထားပါတယ်။

ပြီးခဲ့တဲ့ သြဂုတ်လအတွင်းက NLD အစိုးရ ရဲ့ လူကယ်ပြန်ဝန်ကြီး ဒေါက်တာဝင်းမြတ်အေးကို ရဟတ်ယာဉ် ဌားရမ်းရာမှာ ဌားထားတဲ့အချိန်ပြည့်မီအောင် မစီးတဲ့အတွက် ဌားရမ်းခ နစ်နာတာ ၊ ရဟတ်ယာဉ် ဝယ်ယူရာမှာ နစ်နာတာတွေရှိတယ်ဆိုကာ အဂတိပုဒ်မ နဲ့စွပ်စွဲပြီး စစ်ကောင်စီက တရားစွဲဆိုထားတာတွေရှိပါတယ်။