စစ်ကိုင်းတိုင်း၊အရာတော်မြို့နယ်၊ အောင်သာကုန်းကျေးရွာအနီးရှိ Mytel တာဝါတိုင်တစ်ခုကိုဖောက်ခွဲဖျက်ဆီးခဲ့ကြောင်းအရာတော်မြို့နယ် တော်လှန်ရေးအင်အားစု ARA က ဗီဒီယိုဖိုင်ဖြင့် သတင်းထုတ်ပြန်သည်။
ယနေ့ (အောက်တိုဘာ ၂၁ ရက်) မွန်းလွှဲ ၃ နာရီကျော်တွင် ARA မှ ဗိုလ်ဘုန်းနိုင် အဖွဲ့နှင့် သပြေညို ပြောက်ကျားတပ်ဖွဲ့ တို့က ပူးပေါင်းဖောက်ခွဲဖျက်ဆီးခဲ့ခြင်းဖြစ်သည်ဟုဖော်ပြထားသည်။
အကြမ်းဖက်စစ်ကောင်စီကို တော်လှန်မှုတွင် စစ်ကောင်စီ၏ ဒေါက်တိုင်ဖြစ်သော Mytel တာဝါတိုင် ကို ပြည်သူ့ကာကွယ်ရေးတပ်ဖွဲ့များက ဖြိုလှဲနေသည်မှာ ရာနှင့်ချီရှိပြီဖြစ်သည်။
စက်တင်ဘာလ တစ်လတည်း၌ ပင် စစ်ကိုင်းတိုင်းရှိ စစ်ကောင်စီပိုင် Mytel တာဝါတိုင် ၄၀ ကျော်ကို ပြည်သူ့တပ်ဖွဲ့များက ဖောက်ခွဲခဲ့သည်။အောက်တိုဘာ ၂၀ ရက်ကလည်း ရေစကြိုမြို့နယ် မအူတောင်ရွာရှိ Mytelတာဝါတိုင်နှင့် ရွာသစ်ရွာ ရှိ မိုင်တဲတိုင်နှစ်ခုကို ဖျက်ဆီးခဲ့သည်။
Public Service Announcement
