Connect with us

Hi, what are you looking for?

LuduNwayOo

ဗီဒီယို

Pfizer ကို အသက် ၅ နှစ်အထက် ကလေးတွေမှာ ထိုးပေးဖို့ အမေရိကန် CDC ခွင့်ပြု

အသက် ၅ နှစ်နဲ့ ၁၁ နှစ်ကြားအရွယ် ကလေးတွေကို Pfizer ကုမ္ပဏီရဲ့ ကိုဗစ် ကာကွယ်ဆေး ထိုးခွင့်ပေးဖို့ အမေရိကန် ရောဂါ တားဆီး ထိန်းချုပ်ရေးဌာန (CDC)က ခွင့်ပြုလိုက်ပြီ ဖြစ်ပါတယ်။

CDCရဲ့ ဒါရိုက်တာ ရော့ချဲလ် ဝယ်လန်စကီးက သိပ္ပံ ပညာရဲ့ တန်ဖိုးကြီးမားတဲ့ ဆန်းစစ် အတည်ပြုချက်တွေနဲ့အတူ ကပ်ရောဂါဆိုးကို တိုက်ဖျက်ဖို့ နောက်ထပ် အရေးပါတဲ့ ခြေလှမ်းသစ်တစ်ခု စတင်နိုင်တော့မယ်လို့ ပြောကြားခဲ့ပါတယ်။ Pfizerနဲ့ ဂျာမန် ဇီဝနည်းပညာ လုပ်ငန်းစုကြီး BioNTechတို့ ပူးပေါင်း ထုတ်လုပ်ထားတဲ့ ကာကွယ်ဆေးကို အရင်ကတည်းက အသက် ၁၂ နှစ်အထက် ကလေးတွေမှာ ထိုးနှံခွင့် ပြုထားပြီးသားပါ။

ကလေးတွေမှာ ကာကွယ်ဆေး ထိုးခွင့် ရလာခြင်းက ကပ်ရောဂါ ကူးစက်မှု ကွင်းဆက်တွေကို ဖြတ်တောက်ရာမှာ အရေးအကြီးဆုံး လုပ်ငန်းစဉ်တစ်ခု ဖြစ်လာနိုင်ပါတယ်။ အမေရိကန်မှာ ကျောင်းနေအရွယ် ကလေး ၂၈ သန်းလောက်ရဲ့ မိဘတွေက သူတို့ရဲ့ ရင်သွေးတွေကို ကာကွယ်ဆေး ထိုးပေးဖို့ လိုလိုလားလား တောင်းဆိုနေကြတာကို CDCက နားလည်ထားပြီး ဖြစ်ကြောင်း ဝယ်လန်စကီးက ဆိုပါတယ်။

ကလေးတွေမှာ ထိုးပေးမယ့် ကာကွယ်ဆေး ပမာဏက အရွယ်ရောက်ပြီး လူကြီးတွေထက်တော့ လျော့နည်းမှာပါ။ အမေရိကန်မှာ အသုံးပြုနေတဲ့ ကာကွယ်ဆေး ၃ မျိုးထဲမှာ Pfizerရဲ့ ထုတ်ကုန် တစ်ခုတည်းကသာ အသက် ၅ နှစ်အထက် အရွယ်တွေမှာ သုံးစွဲဖို့ CDC ခွင့်ပြုချက် ရရှိလာတာ ဖြစ်ပါတယ်။ Moderna၊ Johnson & Johnsonတို့က ထုတ်လုပ်တဲ့ ဆေးတွေကတော့ ကျောင်းနေအရွယ် ကလေးတွေအတွက် သင့်တော်မတော် ဆက်လက် စမ်းသပ်နေဆဲပါ။

အောက်တိုဘာ လတုန်းက အမေရိကန် အစားအသောက်နဲ့ ဆေးဝါး ကွပ်ကဲမှု ဌာန (FDA)က Pfizerရဲ့ဆေးကို ကလေးတွေမှာ နှစ်ကြိမ် ထိုးပေးထားရင် ကိုဗစ်ရောဂါ မကူးစက်ဖို့၊ ဒါမှမဟုတ် ကူးစက်ခဲ့ရင်တောင် ရောဂါလက္ခဏာတွေ လုံးဝ ပြမလာဖို့ အလားအလာ ၉၁ ရာခိုင်နှုန်းလောက်ထိ များပြားကြောင်း အသိအမှတ်ပြုခဲ့ဖူးပါတယ်။

ဝယ်လန်စကီးရဲ့ အဆိုအရ Pfizerရဲ့ ဆေးဟာ ကလေးတွေမှာ ထိထိရောက်ရောက် အာနိသင် ပြသတဲ့အပြင် ဘေးထွက်ဆိုးကျိုးလည်း ထင်ထင်ရှားရှား ဘာမှ သိပ်မတွေ့ရကြောင်း သိရပါတယ်။ ကိုဗစ်ရောဂါဟာ ကလေးတွေကို ကူးစက်နိုင်ပေမယ့် လူကြီးတွေနဲ့ ယှဉ်ရင် အသေအပျောက် အချိုးအစား အရမ်းနည်းပါးပါတယ်။

You May Also Like

သတင်း

ထိုသို့ မြန်မာနိုင်ငံ၏ ပုံမှန်မဟုတ်သည့်၊ သာမာန်ထက်လွန်ကဲသော ခြိမ်းခြောက်မှုများကြောင့် အမေရိကန်သမ္မတ လက်မှတ်ရေးထိုးထုတ်ပြန်သော အမျိုးသားဆိုင်ရာအရေးပေါ်ကြေညာချက်ကို ဂျိုးဘိုင်ဒန်က ဒုတိယအကြိမ်ဆက်လက်သက်တမ်းတိုးခဲ့ခြင်းဖြစ်သည်။

နိုင်ငံတကာ

အမေရိကန်ရဲ့ ပင်တဂွန် စစ်ဌာနချုပ်က လက်တင် အမေရိက ဒေသမှာ ပျံဝဲနေတဲ့ နောက်ထပ် တရုတ် မိုးပျံပူဖောင်း တစ်လုံးရဲ့ လားရာကိုလည်း စောင့်ကြည့်နေတယ်လို့ ပြောပါတယ်။ ဒါပေမဲ့ ဘယ်နေရာမှာ၊ ဘယ်နိုင်ငံမှာ ရှိနေတာလဲ ဆိုတာကိုတော့ တိတိကျကျ မထုတ်ပြန်ပါဘူး။

နိုင်ငံတကာ

အဲဒီနောက် ရုရှားပိုင် ယူရယ်လ် ဒေသမှာ အခြေစိုက်တဲ့ ရုရှား စီးပွားရေး ကုမ္ပဏီ တစ်ခုက ရုရှား စစ်သားတွေသာ စစ်မြေပြင်ရောက် Abramsနဲ့ Leopard 2 တင့်ကားတွေကို ဖျက်ဆီးနိုင်ရင်၊ ဒါမှမဟုတ် သိမ်းပိုက်နိုင်ရင် ရက်ရက်ရောရော ဆုကြေးငွေ ပေးအပ်သွားမယ်လို့ ကတိပြုခဲ့ပါတယ်။

နိုင်ငံတကာ

နာမည် ဖော်ပြမထားတဲ့ အမေရိကန် ထိပ်တန်း စစ်ဗိုလ်ချုပ်ကြီး တစ်ဦးက ဗြိတိန် ကာကွယ်ရေးဝန်ကြီး ဘန်ဝေါလေ့စ်နဲ့ တွေ့ဆုံချိန်မှာ မဟာမိတ် နိုင်ငံရဲ့ တိုက်ခိုက်ရေးစွမ်းရည် ကျဆင်းလာမှုကို ပွင့်ပွင့်လင်းလင်း သတိပေးခဲ့တာလို့ Sky Newsက ဖော်ပြခဲ့ပါတယ်။