Connect with us

Hi, what are you looking for?

LuduNwayOo

ဗီဒီယို

နွေဦးရဲ့ ချည်လုံးလေးကနေ သိန်း ၁၅၀ ကျော်ရခဲ့တယ်

ဒီကံစမ်းမဲအစီအစဥ်ဖြစ်မြောက်ဖို့ ကူညီပေးသူတွေ လက်မှတ်ရောင်းချပေးသူတွေနဲ့ လက်မှတ်ဝယ်ယူအားပေးသူတွေအားလုံးကို ကျေးဇူးတင်ကြောင်းလည်း မဲဖောက်ပေးတဲ့ Live မှာပြောခဲ့ပါတယ်။

စစ်ဘေးရှောင်ပြည်သူတွေကို ကိုဗစ်ကာကွယ်ဆေးထိုးပေးဖို့ ရန်ပုံငွေရှာတဲ့ နွေဦးရဲ့ ချည်လုံးလေး အစီအစဥ်အတွက် လက်မှတ်စောင်ရေ သုံးထောင်ကျော် ရောင်းချခဲ့ရတယ်လို့ သရုပ်ဆောင်ပိုင်ဖြိုးသုကပြောပါတယ်။

” မှန်ရာဝန်ခံရရင် ဒီရန်ပုံငွေအတွက် ကံစမ်းမဲစရောင်းမယ်ဆိုတဲ့အချိန်မှာ သုသု နဂိုမှန်းထားတာက လက်မှတ်စောင်ရေ တစ်ထောင်​လောက်ရောင်းရရင်ကျေနပ်ပြီပေါ့။ အစည်းအဝေးမှာကျတော့ ကူပေးတဲ့ မောင်နှမတွေက သုံးထောင်မှန်းတယ်။ အဲဒီတော့ သုံးထောင်ရောင်းရပါ့မလားဆိုပြီး။ မရောင်းရရင် အားနာတာ။ ဒီ Campaign ဖြစ်ဖို့ သူတို့အားလုံး စိတ်ရောကိုယ်ရော နှစ်ပြီး ဝိုင်းကူပေးနေကြတာဆိုတော့။ Result ထွက်လာတဲ့အချိန်မှာ ၃၁၆၆ စောင်ဆိုတော့ Target တောင်ကျော်သွားတယ်” လို့ မဲနှုက်ပေးတဲ့ Live မှာ ပိုင်ဖြိုးသုကပြောပါတယ်။

ကံစမ်းမဲလက်မှတ်တစ်စောင်ကို မြန်မာငွေ ငါးထောင်ကျပ်နဲ့ ရောင်းချခဲ့တာကြောင့် အလှူငွေ သိန်း ၁၅၀ ကျော်ရှာနိုင်တယ်လို့ အကြမ်းဖျင်းတွက်ချက်လို့ရပါတယ်။

ဒီအစီအစဥ်မှာ ပိုင်ဖြိုးသု ကိုယ်တိုင် ထိုးထားတဲ့ ဈေးဝယ်အိတ်သုံးလုံးကို မဲဖောက်ပေးတာဖြစ်ပြီး
ကံထူးရှင်တွေကို ဇန်နဝါရီ ၂၉ ရက်ညက ပိုင်ဖြိုးသုကိုယ်တိုင်ရွေးချယ်ပေးခဲ့ပါတယ်။

ကံစမ်းမဲပေါက်သူတွေကို ထပ်တိုးလက်ဆောင် အနေနဲ့ မဲပေါက်တဲ့ အိတ်မှာ ချိတ်ဖို့ Key Chain ထိုးပေးမှာဖြစ်ပြီး မဲပေါက်သူတွေက ကိုယ်လိုချင်တဲ့ အင်္ဂလိပ်စာလုံးလေးကို လက်မှတ်ဝယ်ခဲ့တဲ့ ပေ့ချ်မှာ သွားပြောထားဖို့လည်း ပိုင်ဖြိုးသုကပြောပါတယ်။

ဒီအစီအစဥ်ကနေ ရတဲ့ အလှူငွေတွေကို စစ်ဘေးရှောင်ပြည်သူတွေ ကိုဗစ်ကာကွယ်ဆေးထိုးပေးဖို့အတွက် NUG ရဲ့ ကျန်းမာရေးဌာနကို အားလုံးလှူဒါန်းမယ်လို့ ပိုင်ဖြိုးသုက ပြောပါတယ်။

ဒီကံစမ်းမဲအစီအစဥ်ဖြစ်မြောက်ဖို့ ကူညီပေးသူတွေ လက်မှတ်ရောင်းချပေးသူတွေနဲ့ လက်မှတ်ဝယ်ယူအားပေးသူတွေအားလုံးကို ကျေးဇူးတင်ကြောင်းလည်း မဲဖောက်ပေးတဲ့ Live မှာပြောခဲ့ပါတယ်။

နွေဦးရဲ့ခြည်လုံးလေး အစီအစဥ်ကို ဆက်လက်လုပ်ဆောင်မှာဖြစ်ပြီး နောက်ထပ်လည်း ပါဝင်ကူညီပေးကြပါဦးလို့ ပိုင်ဖြိုးသုကပြောပါတယ်။

You May Also Like

နိုင်ငံတကာ

တရုတ်လက်အောက်ခံ မြို့ပြနိုင်ငံငယ်ရဲ့ အစိုးရ အဖွဲ့က လီရဲ့ ဆေးစစ်ရလဒ် အဖြေဟာ Positive ဖြစ်ခဲ့ကြောင်း နိုဝင်ဘာ ၂၁ ရက်မှာ အတည်ပြု ထုတ်ပြန်ပါတယ်။

သတင်း

ပိုင်ဖြိုးသုက အာဏာသိမ်းသည့် အချိန်ကတည်းက ပြည်သူလူထုနှင့်အတူ တစ်သားတည်းရပ်တည်ခဲ့ပြီး ၎င်းကိုယ်တိုင်ဖန်တီးထားသည့်ပစ္စည်းများဖြင့် လိုအပ်သည့်နေရာများကိုလှူဒါန်းနိုင်ရန် ရန်ပုံငွေရှာ‌ဖွေပေးခဲ့သည်။

သတင်း

ဝက်လက်နယ်တင်မကဘဲ စစ်ကိုင်းတိုင်း၊ ကန့်ဘလူမြို့နယ်တွင်လည်း ​စစ်ဘေးရှောင်များမကြာ ခဏ​မြွေကိုက်၍ လူသေဆုံးမှုများ ဖြစ်ပေါ်နေသည်။

သတင်း

လဲပင်ရွာအနီး စစ်ကြောင်းထိုးလာသည့် အင်အား ၆၀ခန့်ပါ စစ်ကောင်စီစစ်ကြောင်းကို ပြည်ခရိုင် PDFက အောက်တိုဘာ ၂၇ရက်တွင် တိုက်ခိုက်ခဲ့သည်။