လုံခြုံရေးအစောင့်အရှောက်တွေနဲ့ ပြန်ဖွင့်နေတဲ့ ရုပ်ရှင်ရုံတွေ

နှစ်နှစ်ကျော်ကြာပိတ်ထားခဲ့တဲ့ ရုပ်ရှင်ရုံတွေကို ဒီပြန်ဖွင့်ရာမှာ ကြည်ရှုသူ မရှိသလောက် နည်းပါးခဲ့ပြီး ရုံတွေမှာ ရဲတွေ လုံခြုံရေးယူပေးနေတာ တွေ့ရပါတယ်။

ရုပ်ရှင်ရုံတင်တဲ့ ပထမဆုံးရက် ညနေ ခြောက်နာရီပွဲစဉ်က ပရိသတ်ကြည့်ရှုနှုန်းများတဲ့ပွဲဖြစ်ပေမယ့် ဒီကနေ့ ညနေ မြို့လယ်ရုပ်ရှင်ရုံတွေကို နာရီဝက်ခန့်စောင့်ကြည့်ပေမယ့် ပရိသတ်ဝင်ထွက်တာမတွေ့ရပေ။

ပထမဆုံးရုံတင်ကားအနေနဲ့ လူမင်း၊ နေမင်း၊ ရွှေမှုံရတီတို့ သရုပ်ဆောင်ထားတဲ့ ဝေးမနေချင်ဘူးဇာတ်ကားကို ရုံတင်ပြသနေတာပါ။

စစ်အာဏာသိမ်းမှုကို ဆန့်ကျင်လို့ မတရားပုဒ်မတပ်ထောင်ချခဲ့တဲ့ အနုပညာရှင်တွေရဲ့ ဇာတ်ကားတွေဆက်တိုက်ပြဖို့ စစ်ကောင်စီက စီစဉ်နေတာဖြစ်ပါတယ်။

Public Service Announcement

ဒီညနေမှာတော့ သွင်နဲ့ ရှေ့ဆောင်ရုပ်ရှင်ရုံတွေမှာ ရဲလုံခြုံရေးယူနေတာကိုတွေ့ခဲ့ရပါတယ်။

ဧပြီ ၁၇ ရက်မှာ ရုပ်ရှင်ရုံတော်တော်များများပြန်လည်ဖွင့်ခဲ့ပြီး နယ်မြို့တွေမှာလည်း ကြည့်ရှုသူမရှိဘူးလို့ ဒေသခံတွေကပြောပါတယ်။