'/%3E%3C/svg%3E){kind=small}
ဥကရစ်ထစခန်းတိုက်ပွဲမှာ ပူးပေါင်းတပ်တွေက သေဆုံးဒဏ်ရာရသူများနေကြောင်း စစ်ကောင်စီသတင်းထုတ်ပြန်ရေးခေါင်းဆောင်ဗိုလ်ချုပ်ဇော်မင်းထွန်းက ပြောကြားပြီး နာရီပိုင်းအကြာတွင် VENOM ကွန်မန်ဒိုစစ်ကြောင်းက ရုပ်သံဖိုင်တစ်ဖိုင်ကို ထုတ်ပြန်လိုက်သည်။
၄မိနစ် ၁၈ စက္ကန့်ရှိသော ရုပ်သံဖိုင်တွင် ဥကရစ်ထ စခန်းတိုက်ပွဲတွင်စစ်ကောင်စီတပ်သားအလောင်းအချို့၏ရုပ်အလောင်းများကိုတွေ့ရပြီး စစ်သားအလောင်းအချို့ကြားမှ ပူးပေါင်းတပ်ဖွဲ့ဝင်များက စစ်ကောင်စီကို အပြင်းအထန်ပစ်ခတ်တိုက်ခိုက်နေသည်ကို တွေ့ရသည်။
“ဥကရစ်ထတိုက်ပွဲဖြစ်စဉ်အတွင်း စခတို့၏အသက်ပေါင်းများစွာပေးဆပ်လိုက်ရသည်။ဒလန်သည်အလွန်ကြောက်ဖို့ကောင်းသည်။စစ်တပ်၏လေယာဉ်မှကျဲချသော ဗုံးများသည် ၎င်းတို့၏တပ်သားများကိုသေစေခဲ့သည်” ဟုလည်း ဖော်ပြထားသည်။
ထိုအပြင် ‘မှတ်ချက်။ “ရှိုးလိုက်အုန်း ရှိုးလိုက်အုန်း ခွေးသေတွေတဲ့” ပြောမှားဆိုမှားရှိရင် ဗွေမယူပါနဲ့ခင်ဗျာ (ခွေးဆိုသည်မှာတစ်နိုင်ငံလုံးမှ ခေါ်သော ၎င်းတို့၏Nickname ဖြစ်ပါသည်။)’ ဟုရေးသားထားသည်။
Public Service Announcement
စစ်ကောင်စီ၏ဥကရစ်ထစခန်းကို ဗိုလ်စလုံးဦးဆောင်သော KNDO၊ VENOM ကွန်မန်ဒိုတပ်တို့ကတိုက်ခိုက်လျှက်ရှိပြီး ကော်ဘရာစစ်ကြောင်းကလည်း ထပ်မံပူးပေါင်းတိုက်ခိုက်နေသည်။ ဇွန်လ ၂၆ မှစ၍ ပူးပေါင်းတပ်ဖွဲ့များက တိုက်ခိုက်ခဲ့ရာ ၆ ရက်မြောက်အထိ့တိုက်ပွဲများပြင်းထန်စွာဖြစ်ပွားနေသည်။
စစ်ကောင်စီတပ်က သေဆုံးဒဏ်ရာရရှိမှုများပြားသဖြင့် တိုက်လေယာဥ်များ၊ လက်နက်ကြီးများ အများအပြားအသုံးပြု၍ စခန်းမကျစေရန် ခုခံကာကွယ်နေပြီး ပူးပေါင်းတပ်များက စခန်းပတ်ပတ်လည်ကို ပိတ်ဆို့ကာအပြီးသတ် စခန်းသိမ်းနိုင်ရန် ကြိုးစားနေခြင်းဖြစ်သည်။ ထိုကြောင့်စစ်ကောင်စီက စခန်းနှင့်မြေပြင်အဆက်အသွယ်ပြန်ရရန်စစ်ကူလွှတ်ရာ စစ်ကူစစ်ကြောင်းမှာ အားလုံးနီးပါးသေသွားသည်အထိ့ပူးပေါင်းတပ်၏ကြားဖြတ်တိုက်ခိုက်ခံရ၍ ယနေ့(ဇူလိုင် ၁)တွင် စစ်ကူများကို လေယာဥ်ပေါ်မှ လေထီးဖြင့် ချသောနည်းလမ်းအသုံးပြုလာပြီး တိုက်ပွဲများအပြင်းအထန်ဆက်လက်ဖြစ်ပွားနေသည်။
စစ်ကောင်စီက ဥကရစ်ထတိုက်ပွဲတွင် ၎င်းတို့ကသေဆုံးထိခိုက်မှုများစွာဖြင့်အထိနာနေသော်လည်း သတင်းကို လိမ်လည်ဖြန်ချီနေခြင်းဖြစ်သည်။
