Connect with us

Hi, what are you looking for?

LuduNwayOo

ဗီဒီယို

ထိုင်ဝမ် အရှေ့တောင်ပိုင်းမှာ အင်အားပြင်း ငလျင်လှုပ်၊ ဆူနာမီ သတိပေးချက် ထုတ်ပြန်

ကျေးလက်ဒေသဆန်တဲ့ ချီရှန်မြို့နယ်ကို ဗဟိုပြုခဲ့တဲ့ ငလျင်ဟာ မြေမျက်နှာပြင်အောက် ၁၀ ကီလိုမီတာ အနက်လောက်ဆီ ဦးတည်ခဲ့ပါတယ်။ မြေတိမ်ငလျင် အမျိုးအစား ဖြစ်တာကြောင့် မြေပေါ်မှာ သက်ရောက်မှုက ပိုပြင်းထန်ပါတယ်။

ထိုင်ဝမ်နိုင်ငံ အရှေ့တောင်ပိုင်းမှာ ရစ်ချ်တာစကေး ၆.၉ အဆင့် ငလျင်တစ်ခု လှုပ်ခတ်ခဲ့တဲ့နောက် ထိခိုက်ပျက်စီးမှုတချို့ ဖြစ်ပေါ်ခဲ့သလို ကနဦး အနေနဲ့ ဆူနာမီ ရေလှိုင်းအန္တရာယ် သတိပေးချက်တွေ ထုတ်ပြန်ထားလိုက်ပါတယ်။

ကျေးလက်ဒေသဆန်တဲ့ ချီရှန်မြို့နယ်ကို ဗဟိုပြုခဲ့တဲ့ ငလျင်ဟာ မြေမျက်နှာပြင်အောက် ၁၀ ကီလိုမီတာ အနက်လောက်ဆီ ဦးတည်ခဲ့ပါတယ်။ မြေတိမ်ငလျင် အမျိုးအစား ဖြစ်တာကြောင့် မြေပေါ်မှာ သက်ရောက်မှုက ပိုပြင်းထန်ပါတယ်။

ငလျင်ရဲ့ ဗဟိုချက်နဲ့ မိုင် ၂၀၀ လောက် အတွင်းမှာ ရှိနေတဲ့ ကမ်းခြေတွေဆီ ဆူနာမီ ရေလှိုင်းတွေ ရိုက်ခတ်လာနိုင်တာကြောင့် ကြိုတင် ရှောင်ရှားဖို့ အာဏာပိုင်တွေက ဆော်ဩထားပါတယ်။ ဂျပန် မိုးလေဝသ အေဂျင်စီကလည်း အရှေ့ တရုတ် ပင်လယ်ထဲက မီယာကိုကျွန်းမှာ ဆူနာမီ အန္တရာယ် သတိထားဖို့ ကြေညာခဲ့ပြီး နောက်ပိုင်းမှာ ပြန်ရုပ်သိမ်းခဲ့ပါတယ်။

စက်တင်ဘာ ၁၈ ရက်က လှုပ်ခတ်ခဲ့တဲ့ ငလျင်ကြောင့် ထိုင်ဝမ်တောင်ပိုင်းမှာ အဆောက်အအုံတချို့ ပြိုကျနေတဲ့ ဓာတ်ပုံတွေလည်း လူမှုကွန်ရက်တွေပေါ် ရောက်လာပါတယ်။ အမေရိကန် ငလျင်တိုင်းတာရေး အေဂျင်စီက ငလျင်ရဲ့ ပြင်းအားကို ရစ်ချ်တာစကေး ၇.၂ လို့ ဖော်ပြခဲ့ပြီးမှ ၆.၉ လို့ ပြန်ပြင်ဆင်သွားခဲ့ပါတယ်။

ကယ်ဆယ်ရေးတွေက ပြိုကျသွားတဲ့ အဆောက်အအုံ တစ်ခုအောက်မှာ ပိတ်မိနေသူ ၃ ယောက်ကို ကယ်ထုတ်ဖို့ ကြိုးစားနေပြီး ထိခိုက်သေဆုံးမှု ဘယ်လောက် ရှိသလဲ ဆိုတာကိုတော့ အတိအကျ မသိရသေးပါဘူး။ တစ်နေရာမှာတော့ ရထားတစ်စီး လမ်းချော် တိမ်းမှောက်သွားလို့ လူ ၂၀ လောက်ကို ကယ်ထုတ်ခဲ့ရပေမယ့် အသေအပျောက် မရှိခဲ့ဘူးလို့ ဆိုပါတယ်။

ငလျင်အပြီး မကြာခင်မှာပဲ ထိုင်ဝမ် သမ္မတ ဆိုင်အင်ဝမ်က ကျွန်းနိုင်ငံလေးရဲ့ ဗဟို အရေးပေါ် တုံ့ပြန်ဆောင်ရွက်မှု စင်တာကို အသက်သွင်းစေခဲ့ပြီး လိုအပ်တဲ့ ကယ်ဆယ်ရေး လုပ်ငန်းတွေကို ဆောင်ရွက်နေစေပါတယ်။ အာဏာပိုင်တွေက နောက်ဆက်တွဲ ငလျင်ငယ်တွေ လှုပ်ခတ်နိုင်ခြေတွေအတွက် သတိထား ပြင်ဆင်ထားဖို့ ဒေသခံတွေကို နှိုးဆော်ထားပါတယ်။

ထိုင်ဝမ် ကာကွယ်ရေး ဝန်ကြီးဌာနကလည်း နိုင်ငံရဲ့ အရှေ့ဖက် ကမ်းရိုးတန်းတလျှောက် ကယ်ဆယ်ရေး လုပ်ငန်းတွေမှာ ပူးပေါင်း ပါဝင်ဖို့အတွက် စစ်သည် ၁၁၀ လောက်ကို စေလွှတ်ပေးထားကြောင်း ထုတ်ပြန်သွားပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

ဒေါ်နွယ်နီလှိုင်နှင့် အတူပါလာသော ထွေအုပ်ရုံးဝန်ထမ်း အကြိုအပို့ လုပ်သူတစ်ဦးမှာ မိမိတို့ တပ်ဖွဲ့ဝင်များကို တုံပြန်ရန်ရှာရန်ပြုမူသဖြင့် သေနတ်ဖြင့် ၄ ချက်ခန့် ပစ်ခတ်သတိပေးခဲ့ကြောင်းလည်း SDGF အဖွဲ့က ဆိုသည်။

သတင်း

တောင်သာနယ်သည် စစ်တပ်၏ ဝန်ကြီးဟောင်း ဦးအောင်သောင်းဇာတိဖြစ်ပြီး ယခင်က ပြည်ခိုင် ဖြိုးထောက်ခံသူများပြားခဲ့သည့် နယ်တစ်ခုဖြစ်ခဲ့သည်။

သတင်း

စစ်ကိုင်းနှင့်မကွေးတိုင်းတွင် အထိနာပြီး ဖရိုဖရဲဖြစ်နေသည့် စစ်ကောင်စီတပ်သည် အရပ်သားနေအိမ်များ၊ ကျေးရွာများကို ယခင်ကထက် အကြမ်းဖက်ဖျက်ဆီးမှုများ ပြုလုပ်နေသည်။

သတင်း

စစ်ကောင်စီအလိုကျ ဆောင်ရွက်ပေးလေ့ရှိသည့် ကမ္ဘောဇဘဏ်သည် ယခင်ကလည်းမန္တလေး၊ မုံရွာ၊ မြင်းခြံနှင့် ဒေသအချိူ့ရှိ ဘဏ်ခွဲများတွင် မကြာခဏဖောက်ခွဲသတိပေးခြင်းများ ခံခဲ့ရဖူးသည်။