Connect with us

Hi, what are you looking for?

LuduNwayOo

ဗီဒီယို

ရွေးကောက်ပွဲနိုင်ပြီး အစ္စရေးဝန်ကြီးချုပ် ပြန်ဖြစ်လာမယ့် နေတန်ညာဟု

ရွေးကောက်ပွဲ ကော်မရှင်က မဲရေတွက်မှုတွေ ပြီးဆုံးကြောင်း တရားဝင် ကြေညာပြီးတဲ့အခါ အစ္စရေး ဝန်ကြီးချုပ် အိုင်ဆက် ဟာဇော့က နေတန်ညာဟုကို ဖိတ်ခေါ်ပြီး ၄၂ ရက်အတွင်း အစိုးရသစ် ဖွဲ့စည်းဖို့ တာဝန်ပေးအပ်သွားမှာ ဖြစ်ပါတယ်။

အစ္စရေး ဝန်ကြီးချုပ်ဟောင်း ဘင်ဂျမင် နေတန်ညာဟုဟာ ပြီးခဲ့တဲ့ ရွေးကောက်ပွဲမှာ အနိုင်ရခဲ့တာကြောင့် နိုင်ငံခေါင်းဆောင်အဖြစ် တတိယအကြိမ် တာဝန်ယူခွင့် ရတော့မှာ ဖြစ်ပါတယ်။

နိုင်ငံရေးအရ ပြိုင်ဆိုင်မှုတွေ ပြင်းထန်ခဲ့တဲ့ လွန်ခဲ့တဲ့ ၄ နှစ်အတွင်း ၅ ကြိမ်မြောက် ပြုလုပ်ခဲ့တဲ့ ရွေးကောက်ပွဲမှာ နေတန်ညာနဲ့ မဟာမိတ် လက်ယာယိမ်း ပါတီတွေက သိသိသာသာ ရလဒ်ကောင်းခဲ့ကြပါတယ်။ သူ့ရဲ့ လူကစ်ပါတီက လွှတ်တော်အမတ်နေရာ ၃၂ ခုအတွက် အနိုင်ရခဲ့ပြီး မဟာမိတ် အာလ်ထရာ အော်သိုဒေါ့စ် ပါတီတွေက ၁၈ နေရာ၊ လက်ယာစွန်း ပါတီတွေက ၁၄ နေရာ အသီးသီး အနိုင်ရခဲ့တာကြောင့် နေတန်ညာဟု ဦးဆောင်တဲ့ အစိုးရသစ် ဖွဲ့စည်းဖို့ ကောင်းကောင်းကြီး ဖူလုံတဲ့ လွှတ်တော်အမတ်နေရာ စုစုပေါင်း ၆၄ ခုထိ ရရှိသွားခဲ့ပါတယ်။

အရင်က အစ္စရေး ဝန်ကြီးချုပ်အဖြစ် စုစုပေါင်း ၁၅ နှစ်ကြာအောင် တာဝန်ယူခဲ့ဖူးတဲ့ နေတန်ညာဟုဟာ အစ္စရေး နိုင်ငံရဲ့ ၇၄ နှစ်တာ သမိုင်းကြောင်းမှာ သက်တမ်း အရှည်ဆုံး နိုင်ငံခေါင်းဆောင် အနေနဲ့လည်း မှတ်တမ်းဝင်ထားပါတယ်။

လက်ရှိ ယာယီဝန်ကြီးချုပ် ယဲလာပိဒ်က ရွေးကောက်ပွဲမှာ အနိုင်ရခဲ့တဲ့ နေတန်ညာဟုဆီ ဖုန်းဆက်၊ ဂုဏ်ပြုစကား ပြောခဲ့ပြီး အာဏာလွှဲပြောင်းရေး လုပ်ငန်းစဉ်တွေ အစပြုနေပြီလို့လည်း ကြေညာခဲ့ပါတယ်။

အစ္စရေး နိုင်ငံရေးမှာ ဩဇာအကြီးမားဆုံး ပုဂ္ဂိုလ်တစ်ဦး အနေနဲ့ ရပ်တည်နေဆဲဖြစ်တဲ့ နေတန်ညာဟု တကျော့ပြန် အာဏာရလာခြင်းက အနိမ့်အမြင့် အတက်အကျတွေ ကြမ်းတမ်းခဲ့တဲ့ အစ္စရေးနိုင်ငံရေး ကဏ္ဍအတွက် တည်ငြိမ်မှု ပြန်လည် ယူဆောင်လာစေနိုင်မယ်လို့ ယုံကြည်ရပါတယ်။ တစ်ဖက်မှာလည်း အသက် ၇၃ နှစ်အရွယ် နေတန်ညာဟုဟာ အဂတိ လိုက်စားမှု စွပ်စွဲချက်တွေနဲ့ တရားရင်ဆိုင်နေရဆဲပါ။

ရွေးကောက်ပွဲ ကော်မရှင်က မဲရေတွက်မှုတွေ ပြီးဆုံးကြောင်း တရားဝင် ကြေညာပြီးတဲ့အခါ အစ္စရေး ဝန်ကြီးချုပ် အိုင်ဆက် ဟာဇော့က နေတန်ညာဟုကို ဖိတ်ခေါ်ပြီး ၄၂ ရက်အတွင်း အစိုးရသစ် ဖွဲ့စည်းဖို့ တာဝန်ပေးအပ်သွားမှာ ဖြစ်ပါတယ်။

You May Also Like

နိုင်ငံတကာ

တရုတ် အစိုးရက ထိုင်ဝမ်ဟာ ခွဲထွက်ရေး လှုပ်ရှား တောင်းဆိုနေတဲ့ နယ်မြေတစ်ခုလို့ သတ်မှတ်ပြီး နိုင်ငံပိုင်နက်ထဲမှာ အကျုံးဝင်ကြောင်း ရှုမြင်နေပါတယ်။ ဒါပေမဲ့ ထိုင်ဝမ်ပြည်သူ အများစုကတော့ တရုတ်နဲ့ ခွဲခြားပြီး ကိုယ်ပိုင် ရပ်တည်မှု၊ ကိုယ်ပိုင် ဒီမိုကရေစီနဲ့ ရှေ့ဆက်ဖို့သာ လိုလားနေကြပါတယ်။

နိုင်ငံတကာ

အန်ဝါဟာ အရင် ဝန်ကြီးချုပ်ဟောင်း နာဂျစ်ဘ်ရာဇက် လက်ထက်တုန်းက လိင်ပိုင်းဆိုင်ရာ ဖောက်ပြန်တဲ့ အပြုအမူအတွက် စွပ်စွဲခံရပြီး ထောင်ဒဏ် ကျခံခဲ့ရဖူးပါတယ်။ အန်ဝါကတော့ အဲဒီကိစ္စဟာ နာဂျစ်ဘ်ရဲ့ နိုင်ငံရေး ထိုးနှက်မှုသာ ဖြစ်တယ်လို့ ပြောပါတယ်။

နိုင်ငံတကာ

အခုအခါမှာ ဟန်ဂေရီ အနွယ်ဝင် ၂ သန်းလောက်ဟာ အိမ်နီးချင်း နိုင်ငံသားတွေ ဖြစ်နေကြပြီး ရိုမေးနီးယားမှာ ၁.၂ သန်းနဲ့ ယူကရိန်းမှာ ၁ သိန်းခွဲလောက် ရှိနေတယ်လို့လည်း သိရပါတယ်။

သတင်း

ကေအဲန်ယူအနေဖြင့် ဒီမိုကရေစီကျင့်စဉ်နည်းလမ်းကို လက်ခံသော်လည်း အာဏာရှင်ကို တရားဝင်မှုဖြစ်စေမည့် ဆောင်ရွက်မှုတို့ကို အားမပေးကြောင်း ကေအဲန်ယူမှ ရှင်းလင်းပြောကြားခဲ့သည်။