Connect with us

Hi, what are you looking for?

LuduNwayOo

ဗီဒီယို

ခရိုင်းမီးယားကို ယူကရိန်း ပြန်မရနိုင်ဘူးဆိုတဲ့ ခရိုအေးရှား သမ္မတ မှတ်ချက်ကို ယူကရိန်း အစိုးရ ကန့်ကွက်

ယူကရိန်း နိုင်ငံခြားရေး ဝန်ကြီးဌာနက မီလန်နိုဗစ်ရဲ့ စကားဟာ တာဝန်မဲ့ပြီး လက်မခံနိုင်စရာ ဖြစ်နေတယ်လို့ သဘောထား ထုတ်ပြန်ပါတယ်။ ပင်လယ်နက်နဲ့ ထိစပ်နေရာ ခရိုင်းမီးယား ဒေသကို ၂၀၁၄ မှာ ထိန်းချုပ်ပြီးကတည်းက လုံးဝ လက်လွှတ်ခံတော့မှာ မဟုတ်ဘူးလို့ ရုရှားကလည်း ပြောဆိုဖူးပါတယ်။

ရုရှား ထိန်းချုပ်ထားရာ ခရိုင်းမီးယား ကျွန်းဆွယ်နဲ့ ပတ်သက်လို့ အငြင်းပွားစရာ မှတ်ချက် စကားတစ်ခွန်း ပြောဆိုခဲ့တဲ့ ခရိုအေးရှား သမ္မတကို ယူကရိန်း အစိုးရက တုံ့ပြန် ကန့်ကွက်သွားခဲ့ပါတယ်။

ခရိုအေးရှား သမ္မတ ဇိုရန် မီလန်နိုဗစ်က ယူကရိန်း အနေနဲ့ ခရိုင်းမီးယားကို ဘယ်တော့မှ ပြန်မရနိုင်လောက်တော့ဘူးလို့ ပြောဆိုခဲ့တာ ဖြစ်ပါတယ်။ ယူကရိန်းပိုင် ခရိုင်းမီးယား ကျွန်းဆွယ်ကို လက်ရှိ စစ်ပွဲ မတိုင်ခင် ၂၀၁၄ ခုနှစ်မှာ ကတည်းက ရုရှားတပ်တွေက အင်အားသုံး ကျူးကျော် သိမ်းပိုက်ခဲ့တာ ဖြစ်ပါတယ်။

ယူကရိန်း နိုင်ငံခြားရေး ဝန်ကြီးဌာနက မီလန်နိုဗစ်ရဲ့ စကားဟာ တာဝန်မဲ့ပြီး လက်မခံနိုင်စရာ ဖြစ်နေတယ်လို့ သဘောထား ထုတ်ပြန်ပါတယ်။ ပင်လယ်နက်နဲ့ ထိစပ်နေရာ ခရိုင်းမီးယား ဒေသကို ၂၀၁၄ မှာ ထိန်းချုပ်ပြီးကတည်းက လုံးဝ လက်လွှတ်ခံတော့မှာ မဟုတ်ဘူးလို့ ရုရှားကလည်း ပြောဆိုဖူးပါတယ်။

အခုသီတင်းပတ် အစောပိုင်းမှာတော့ ခရိုအေးရှား သမ္မတက ယူကရိန်းဆီ စစ်ရေး အထောက်အပံ့တွေ ပေးပို့ဖို့ သူ့ရဲ့ ဆုံးဖြတ်ချက်နဲ့ မူဝါဒတွေအကြောင်း ရှင်းလင်း ပြောဆိုရာမှာ ခရိုင်းမီးယားကတော့ ယူကရိန်းရဲ့ အစိတ်အပိုင်း ဘယ်တော့မှ ပြန်ဖြစ်မလာတော့မှာ အရမ်းသိသာနေတယ်လို့ မှတ်ချက် ပေးမိခဲ့တာပါ။

Public Service Announcement

Public Service Announcement

ဒီစကားဟာ လက်မခံနိုင်စရာ ဖြစ်နေကြောင်း၊ ခရိုအေးရှား သမ္မတရဲ့ မှတ်ချက်က ယူကရိန်းရဲ့ အချုပ်အခြာအာဏာ စစ်မှန်မှုအပေါ် သံသယနဲ့ မေးခွန်းထုတ်တဲ့ သဘော ဆောင်နေကြောင်း ယူကရိန်းဖက်က တုံ့ပြန်ထားပါတယ်။ တစ်ချိန်တည်းမှာပဲ ရုရှားရဲ့ ကျူးကျော်စစ် စတင်ချိန် ကတည်းက ယူကရိန်းနဲ့အတူ ရပ်တည်ပေးခဲ့တဲ့ အတွက်တော့ ခရိုအေးရှား သမ္မတကိုရော၊ ပြည်သူတွေကိုပါ ကျေးဇူးတင်တယ်လို့ ယူကရိန်း နိုင်ငံခြားရေး ဝန်ကြီးဌာန ပြောရေးဆိုခွင့်ရ အရာရှိက ပြောကြားသွားပါတယ်။

ဆက်စပ်သတင်းများ

နိုင်ငံတကာ

ရုရှား အစိုးရ ပြောရေးဆိုခွင့်ရ အရာရှိ ဒစ်မစ်ထရီ ပက်စ်ကော့ဗ်ကတော့ အခုဆုံးဖြတ်ချက်ဟာ အမေရိကန်ကို ကြွယ်ဝသထက် ကြွယ်ဝစေပြီး ယူကရိန်း အတွက်တော့ နောက်ထပ် အသက်တွေ စတေးရင်း တွင်းဆုံးကျစေမယ့် ကိစ္စမျိုးလို့ တုံ့ပြန်သွားပါတယ်။

နိုင်ငံတကာ

BBCရဲ့ အဆိုအရ စစ်ပွဲမှာ ရုရှား စစ်သည် ၅၀၀၀၀ ကျော် သေဆုံးခဲ့ပြီးဖြစ်ကြောင်း၊ ဒါဟာ ၂၀၂၂ ခုနှစ်၊ စက်တင်ဘာလတုန်းက နောက်ဆုံးအကြိမ်အဖြစ် တရားဝင် ထုတ်ပြန်ခဲ့တဲ့ အသေအပျောက် စာရင်းထက် ၈ ဆ ပိုများနေတာဖြစ်ကြောင်း သိရပါတယ်။

နိုင်ငံတကာ

အစ္စ္စရေးနဲ့ အီရန်တို့ဟာ ခါးသီးရန်ဘက်တွေအဖြစ် ကာလရှည်ကြာ ရပ်တည်ခဲ့ပေမယ့် နှစ်နိုင်ငံကြား အတိအလင်း ကိုယ်ထိလက်ရောက် စစ်ပြုတိုက်ခိုက်တာမျိုးကတော့ ဧပြီ ၁၃ ရက်ဖြစ်စဉ်ဟာ ပထမဆုံးလို့ သိရပါတယ်။

နိုင်ငံတကာ

IAEAဟာ အရင်ကတည်းက ဇာပေါ့ရစ်ဇီရာ ဓာတ်အားပေးစက်ရုံ တိုက်ခိုက်ခံရနိုင်တဲ့ အခြေအနေနဲ့ ပတ်သက်ပြီး နှစ်ဖက်စလုံးကို အကြိမ်ကြိမ် သတိပေးခဲ့ဖူးပါတယ်။