Connect with us

Hi, what are you looking for?

LuduNwayOo

နိုင်ငံတကာ

ဗြိတိန်နဲ့ အမေရိကန် စစ်တပ်က ရန်စနေတယ်လို့ ပူတင်စွပ်စွဲ

ဗြိတိန် ရေတပ် သင်္ဘောဟာ ရုရှား ထိန်းချုပ်ထားတဲ့ ခရိုင်းမီးယား ကျွန်းဆွယ်နားက ဖြတ်သန်း ခုတ်မောင်းခဲ့တာကြောင့် ခြောက်လှန့် ပစ်ခတ်ခဲ့ကြောင်း ရုရှား ရေတပ်က ထုတ်ပြန်ပါတယ်။

ဗြိတိန်နဲ့ အမေရိကန် စစ်တပ်တွေဟာ အခြေအနေတွေ ရှုပ်ထွေးအောင် ရည်ရွယ်ချက်ရှိရှိ ရန်စနေတယ်လို့ ရုရှား သမ္မတ ဗလာဒီမာ ပူတင်က စွပ်စွဲ ပြောကြားလိုက်ပါတယ်။

ဗြိတိန် ရေတပ်ရဲ့ ဖျက်သင်္ဘော HMS Defenderနဲ့ ရုရှား ရေတပ်တို့ ငြိခဲ့တဲ့ ပြဿနာ အပြီးမှာ ပူတင်က အခုလို ဝေဖန် ပြစ်တင်လာခဲ့တာ ဖြစ်ပါတယ်။ ဗြိတိန် ရေတပ် သင်္ဘောဟာ ရုရှား ထိန်းချုပ်ထားတဲ့ ခရိုင်းမီးယား ကျွန်းဆွယ်နားက ဖြတ်သန်း ခုတ်မောင်းခဲ့တာကြောင့် ခြောက်လှန့် ပစ်ခတ်ခဲ့ကြောင်း ရုရှား ရေတပ်က ထုတ်ပြန်ပါတယ်။

ဒီကိစ္စဟာ တတိယ ကမ္ဘာစစ်ကြီး ဖြစ်သွားလောက်အောင် ကြီးကျယ်မှု မရှိပေမယ့် အမေရိကန်နဲ့ ဗြိတိန်တို့ရဲ့ မရိုးမသား အကြံအစည် တစ်ခုလို့တော့ သတ်မှတ်နိုင်တယ်လို့ ပူတင်က ဆိုပါတယ်။ အမေရိကန်ဟာ ယူကရိန်းနိုင်ငံမှာ စစ်စခန်း တည်ဆောက်ဖို့ အကြောင်းရင်း ရှာနေတာလို့လည်း ပူတင်က ပြောပါတယ်။ ရုရှားဟာ ယူကရိန်းပိုင် ခရိုင်းမီးယား ဒေသကို ၂၀၁၄ မှာ စစ်အင်အား အသုံးပြုပြီး ထိန်းချုပ် သိမ်းယူထားလိုက်တာ ဖြစ်ပါတယ်။

ဗြိတိန် ရေတပ်ကတော့ ခရိုင်းမီးယား ကျွန်းဆွယ်နားက စစ်သင်္ဘော ဖြတ်သန်း မောင်းနှင်တာဟာ နိုင်ငံတကာ ရေကြောင်း ဥပဒေတွေကို ချိုးဖောက်မှု လုံးဝ မရှိဘူးလို့ တုံ့ပြန်ထားပါတယ်။ အခုပြဿနာ နောက်ပိုင်း ရုရှားရေတပ်ကလည်း နောက်တစ်ကြိမ် ရေပိုင်နက် ခြိမ်းခြောက်မှု အန္တရာယ် ကြုံလာရင် ပစ်မှတ် သင်္ဘောကို အမှန်တကယ် ချိန်ရွယ် ပစ်ခတ်ဖို့ စဉ်းစားနေကြောင်း လေသံ ဟလာပါတယ်။

ဒီဖြစ်ရပ်အပြီး မကြာခင်မှာပဲ သူတို့ရဲ့ စစ်သင်္ဘော HNMLS Evertsenကို ပင်လယ်နက်ထဲမှာ ရုရှား တိုက်လေယာဉ်တွေက နှောင့်ယှက်ခဲ့တယ်လို့ နယ်သာလန် ရေတပ်က ထုတ်ဖော် စွပ်စွဲခဲ့ပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

အဆိုပါစစ်ဆင်ရေးကို မုံရွာခရိုင်ပြည်သူကာကွယ်ရေးတပ်မတော် (Chindwin Attack Force) တပ်ရင်း (၂) တပ်ခွဲ (၄) Fight For People နှင့် မုံရွာမြို့ ပြောက်ကျားတပ်ဖွဲ့များဖြစ်သော ဗိုလ်ပေါက်ကြား၊ ဗိုလ်ဗျတ်ဝိ၊ Black Rose တို့ပူးပေါင်းဆောင်ရွက်ခဲ့သည်ဟု ဆိုသည်။

နိုင်ငံတကာ

လောလောဆယ် စွဲချက်တင်ခံထားရတဲ့ ဆရာဝန် လင်မယားရဲ့ ရှေ့နေကတော့ အမှုနဲ့ ပတ်သက်ပြီး မှတ်ချက် မပေးလိုကြောင်း ပြောပါတယ်။ ရုရှားဖက်ကလည်း ဒီကိစ္စနဲ့ ပတ်သက်ပြီး နှုတ်ဆိတ်နေပါတယ်။

သတင်း

နံနက်(၈)နာရီခွဲမှ (၉)နာရီခွဲအထိ (၁)နာရီခန့်ကြာမြင့်သည့်တိုက်ပွဲတွင် စစ်ကောင်စီဘက်မှ သုံးဦးသေဆုံးနှင့် တစ်ဦးထိခိုက်(စိုးရိမ်ရ)ဒဏ်ရာရရှိခဲ့ကာ ပူးပေါင်းတပ်ဖွဲ့များဘက်မှာတော့ ထိခိုက်မှု တစ်စုံတစ်ရာမရှိပဲ ပြန်လည်ဆုတ်ခွာနိုင်ခဲ့သည်ဟု ထုတ်ပြန်ချန်တွင် ဖော်ပြထားသည်။

သတင်း

မန္တလေးတိုင်းရှိ ဝမ်းတွင်းမြို့နယ်တွင် စစ်ကောင်စီတပ်အား မကြာခဏ ခုခံတိုက်ခိုက်မှုများဖြစ်ပွားနေသည်။