Connect with us

Hi, what are you looking for?

LuduNwayOo

နိုင်ငံတကာ

ဆီးရီးယား သမ္မတ နန်းတော်တွေကို ဗုံးကြဲမယ်လို့ အစ္စရေး ခြိမ်းခြောက်ထားတယ်လို့ဆို

အီရန်နဲ့ စစ်ရေး ပူးပေါင်း ဆောင်ရွက်မှုတွေကို လျှော့မချရင် သမ္မတ နန်းတော်တွေကို ဗုံးကြဲမယ်လို့ အစ္စရေးက ဆီးရီးယား သမ္မတ ဘာရှာ အာဆတ်ဒ်ကို ခြိမ်းခြောက်ထားကြောင်း သတင်းတွေ ထွက်ပေါ်လာပါတယ်။

ဆီးရီးယား သမ္မတ နန်းတော်တွေကို ဗုံးကြဲမယ်လို့ အစ္စရေး ခြိမ်းခြောက်ထားတယ်လို့ဆို
ဆီးရီးယား သမ္မတ နန်းတော်တွေကို ဗုံးကြဲမယ်လို့ အစ္စရေး ခြိမ်းခြောက်ထားတယ်လို့ဆို

အာရပ် သတင်းဌာန တစ်ခုဖြစ်တဲ့ Elaphက အစ္စရေးစစ်တပ် IDFဟာ ဒီရာဇသံကို အာဆတ်ဆီ ရှင်းရှင်းလင်းလင်း တိတိကျကျ ပေးပို့ထားကြောင်း ဖော်ပြခဲ့ပါတယ်။ အစ္စရေးရဲ့ ရန်သူတော် အီရန်ဟာ ဆီးရီးယားမှာ အာဆတ်ရဲ့ သစ္စာတော်ခံ တပ်တွေနဲ့ ပူးပေါင်းပြီး စစ်ရေး လှုပ်ရှားမှုတွေ လုပ်ဆောင်နေပါတယ်။

IDFက အာဆတ် အနေနဲ့ အီရန်နဲ့ စစ်ရေး ပူးပေါင်း ဆောင်ရွက်မှုကို ရပ်တန့်တာ၊ ဒါမှမဟုတ် ထင်သာမြင်သာ လျှော့ချတာတွေ မရှိခဲ့ရင် သမ္မတ နေထိုင်ရာ အိမ်တော်တွေကို ဗုံးကြဲသွားမယ်လို့ သတိပေးထားတာဖြစ်ကြောင်း Elaphက ဆိုပါတယ်။ IDFကတော့ ဒီသတင်းအပေါ် ဘာမှတ်ချက်မှ မပေးသေးပါဘူး။

အစ္စရေး သတင်းဌာန Jerusalem Postကလည်း အာရပ် မီဒီယာရဲ့ ဖော်ပြချက်ကို သီးခြား အတည်ပြုနိုင်ဖို့ ကြိုးစားနေဆဲလို့ ဆိုပါတယ်။ အစ္စရေးဟာ နယ်နိမိတ်ချင်း နီးကပ်တဲ့ ဆီးရီးယား ပိုင်နက်ထဲမှာ အီရန်တပ်တွေ လာရောက် ဖြန့်ကျက်ထားတဲ့အပေါ် ခြိမ်းခြောက်မှု တစ်ခုအနေနဲ့ ရှုမြင်ထားပါတယ်။ အရင်ကလည်း ဆီးရီးယား ပိုင်နက်ထဲက စစ်ရေး ပစ်မှတ်တွေကို အစ္စရေးက လေကြောင်းကနေ တိုက်ခိုက်တာတွေ ရှိခဲ့ကြောင်း ဆီးရီးယားက စွပ်စွဲပေမယ့် အစ္စရေးကတော့ ဘာမှ မဖြေရှင်းပါဘူး။

Elaph သတင်းဌာနဟာ ဗြိတိန်နိုင်ငံ၊ လန်ဒန်မြို့မှာ အခြေစိုက်ပြီး ဆော်ဒီအာရေးဘီးယား နိုင်ငံသားတချို့ ပိုင်ဆိုင်ထားတာ ဖြစ်ပါတယ်။ အရင်ကတော့ အာရပ် ကမ္ဘာနဲ့ရော၊ အစ္စရေး အစိုးရ အရာရှိတွေကိုပါ လက်တံရှည်ရှည် ချိတ်ဆက်နိုင်တာမျိုးတွေ ရှိခဲ့ပါတယ်။ ၂၀၁၇ တုန်းက IDF အကြီးအကဲ ဂါဒီ အီဆန်ကော့နဲ့ ပထမဆုံး အင်တာဗျူးခွင့်ရတဲ့ ဆော်ဒီ မီဒီယာအဖြစ် Elaphက နာမည် ကျော်ခဲ့ဖူးပါတယ်။

အရင်က ပြည်တွင်းစစ်အပြီး ဆီးရီးယားမှာ အာဆတ်ရဲ့ မဟာမိတ်တွေဖြစ်တဲ့ အီရန်နဲ့ ရုရှားတို့က အပြိုင်အဆိုင် စွက်ဖက်ခဲ့ပေမယ့် အခုအခါမှာတော့ ရုရှားက ယူကရိန်း စစ်ပွဲအတွက် အာရုံများနေပြီး ဆီးရီးယား အစိုးရအပေါ် အီရန်ရဲ့ လွှမ်းမိုးမှုက ပိုမို ကြီးထွားလာကြောင်း Elaphက ဖော်ပြသွားပါတယ်။

You May Also Like

နိုင်ငံတကာ

တရုတ် အစိုးရက ထိုင်ဝမ်ဟာ ခွဲထွက်ရေး လှုပ်ရှား တောင်းဆိုနေတဲ့ နယ်မြေတစ်ခုလို့ သတ်မှတ်ပြီး နိုင်ငံပိုင်နက်ထဲမှာ အကျုံးဝင်ကြောင်း ရှုမြင်နေပါတယ်။ ဒါပေမဲ့ ထိုင်ဝမ်ပြည်သူ အများစုကတော့ တရုတ်နဲ့ ခွဲခြားပြီး ကိုယ်ပိုင် ရပ်တည်မှု၊ ကိုယ်ပိုင် ဒီမိုကရေစီနဲ့ ရှေ့ဆက်ဖို့သာ လိုလားနေကြပါတယ်။

သတင်း

ဖမ်းဆီးစစ်ဆေးရန်ရည်ရွယ်ခဲ့သော်လည်း ငွေကြေးတောင်းခံသူများက အလျင်အမြန်လှည့်ပြေးသွားခဲ့ပြီး ထိုသူတို့မှာ မည်သူမည်ဝါ ဖြစ် ကြောင်း အမည်နှင့်တကွ မည်သည့်အဖွဲ့မှဖြစ် ကြောင်း မျက်မြင် သက်သေရရှိခဲ့သည်ဟု KNDF က ပြောသည်။

နိုင်ငံတကာ

အမေရိကန် အမျိုးသား လုံခြုံရေး အကြံပေး အရာရှိ ဂျိတ်ခ် ဆူလီဗန်ကတော့ စစ်ပွဲရဲ့ အနာဂတ်က ဘယ်လိုဖြစ်လာပါစေ၊ အမေရိကန်ဟာ ယူကရိန်းကို မယိမ်းမယိုင် ဆက်လက် ထောက်ခံ အားပေးနေမယ်လို့ ကြေညာထားပါတယ်။

ဗီဒီယို

ရွေးကောက်ပွဲ ကော်မရှင်က မဲရေတွက်မှုတွေ ပြီးဆုံးကြောင်း တရားဝင် ကြေညာပြီးတဲ့အခါ အစ္စရေး ဝန်ကြီးချုပ် အိုင်ဆက် ဟာဇော့က နေတန်ညာဟုကို ဖိတ်ခေါ်ပြီး ၄၂ ရက်အတွင်း အစိုးရသစ် ဖွဲ့စည်းဖို့ တာဝန်ပေးအပ်သွားမှာ ဖြစ်ပါတယ်။