Connect with us

Hi, what are you looking for?

LuduNwayOo

နိုင်ငံတကာ

အမေရိကန် စူပါမားကက် တစ်ခုမှာ ပစ်ခတ်မှုကြောင့် လူ ၁၀ ဦးဝန်းကျင် သေဆုံး

လူမှုကွန်ရက်ပေါ် ရောက်ရှိလာတဲ့ ဓာတ်ပုံတွေ၊ ဗီဒီယိုတွေထဲမှာတော့ အခင်းဖြစ်ရာ နေရာတဝိုက်မှာ ရဲအင်အား အမြောက်အမြား ဖြန့်ကျက်ထားတာ တွေ့ရပါတယ်။

အမေရိကန် စူပါမားကက် တစ်ခုမှာ ပစ်ခတ်မှုကြောင့် လူ ၁၀ ဦးဝန်းကျင် သေဆုံး
အမေရိကန် စူပါမားကက် တစ်ခုမှာ ပစ်ခတ်မှုကြောင့် လူ ၁၀ ဦးဝန်းကျင် သေဆုံး

အမေရိကန်က စူပါမားကက် တစ်ခုမှာ ပစ်ခတ်မှု ဖြစ်ပွားပြီး လူ ၁၀ ဦးလောက် သေဆုံးသွားကြောင်း သိရပါတယ်။

ဗာဂျီးနီးယား ပြည်နယ်က ချက်ဆာပီရက်ကီမြို့မှာရှိတဲ့ Walmart စူပါမားကက်မှာ နိုဝင်ဘာ ၂၂ ရက်က ပစ်ခတ်မှု ဖြစ်ခဲ့တာပါ။ သေနတ်သမားဟာ စူပါမားကက်ရဲ့ စတိုခန်း မန်နေဂျာလို့ ယူဆရပြီး လူတွေကို ပစ်ခတ်ခဲ့တဲ့နောက် ကိုယ့်ကိုယ်ကိုယ်ပါ အဆုံးစီရင်သွားတယ်လို့ ရဲတွေက ပြောပါတယ်။

ချက်ဆာပီရက်ကီ မြို့တော်ဝန်ရုံးက ရဲတပ်ဖွဲ့ဟာ ပစ်ခတ်မှု သတင်းကြောင့် စူပါမားကက်ဆီ ချက်ချင်း သွားရောက်ခဲ့ကြောင်း ကြေညာထားပါတယ်။ အသေအပျောက် ဦးရေကို အတိအကျ မသိရသေးပေမယ့် ၁၀ ယောက်ထက် မပိုဘူးလို့ ရဲတွေက ပြောပါတယ်။

ပစ်ခတ်မှု ဖြစ်ပွားရတဲ့ အကြောင်းရင်းကိုတော့ မသိရသေးပါဘူး။ ရဲတပ်ဖွဲ့ရဲ့ အဆိုအရ ပစ်ခတ်မှုဟာ စူပါမားကက် အဆောက်အအုံထဲမှာ ပေါ်ပေါက်ခဲ့ပြီး သေနတ်သမား တစ်ယောက်တည်းက ကျူးလွန်တာလို့ သိရပါတယ်။

လူမှုကွန်ရက်ပေါ် ရောက်ရှိလာတဲ့ ဓာတ်ပုံတွေ၊ ဗီဒီယိုတွေထဲမှာတော့ အခင်းဖြစ်ရာ နေရာတဝိုက်မှာ ရဲအင်အား အမြောက်အမြား ဖြန့်ကျက်ထားတာ တွေ့ရပါတယ်။

အမေရိကန်က ကော်လိုရာဒို ပြည်နယ်မှာရှိတဲ့ LGBT ဘားတစ်ခုမှာ ပစ်ခတ်မှုဖြစ်ပြီး ၅ ဦးသေ၊ ၁၇ ဦး ဒဏ်ရာရခဲ့တဲ့ ဖြစ်ရပ်အပြီး ရက်ပိုင်း အကြာမှာ အခုလို သတင်းမျိုး ထပ်ကြားခဲ့ရတာပါ။ ၂၀၁၉ ခုနှစ်ကလည်း တက္ကဆက်စ်ပြည်နယ်၊ အယ်လ်ပါဆိုမြို့က Walmart စူပါမားကက်မှာ ပစ်ခတ်မှု ဖြစ်ပွားရာက လူ ၂၃ ဦး သေဆုံးခဲ့ဖူးပါတယ်။

You May Also Like

သတင်း

ရေမိန်တောင်ရွာမှ အိမ်ခြေ(၅၀)နှင့် ရေမိန်မြောက်ရွာမှ နှစ်အိမ်ကို မီးရှို့ဖျက်ဆီးခဲ့ပြီး ညနေပိုင်းတွင် တရားကျေးရွာကိုမီးရှို့ခဲ့ကြောင်း ဒေသခံများက ပြောသည်။

သတင်း

တာချီလိတ်မူးယစ်တပ်ဖွဲ့မှ တပ်ကြပ်သီဟမောင်မောင်သည် သေနတ်ဖြင့် ပစ်ခတ်ခံရပြီး သေဆုံးသွားခြင်းဟု ရှမ်းပြည််နယ်ရဲတပ်ဖွဲ့မှ အရာရှိတစ်ဦးက ပြောသည်။

သတင်း

လတ်တလောတွင် ကောလင်းနှင့်ကန့်ဘလူဒေသ၌ စစ်ကောင်စီစစ်ကြောင်းအချို့ရှိနေပြီး ကိုးထောင်ဘို့၊ ​ဇော်ချောင်း၊ကိုင်းမနှင့် ပန်းဆက်ရွာတို့တွင် ရောက်ရှိနေသည်ဟု ပြည်သူ့ကာကွယ်ရေးရဲဘော်များက သတိပေးထားသည်။

နိုင်ငံတကာ

အမေရိကန် လေတပ်ဟာ စစ်အေးခေတ်မှာ စတင် အသုံးပြုခဲ့တဲ့ B-2နဲ့ B-1 Lancer မဟာဗျူဟာ ဗုံးကြဲလေယာဉ်တွေ နေရာမှာ B-21 အသစ်တွေကို တဖြည်းဖြည်းချင်း အစားထိုးသွားမှာ ဖြစ်ပါတယ်။