Connect with us

Hi, what are you looking for?

LuduNwayOo

နိုင်ငံတကာ

တိုက်လေယာဉ် ပစ်ခတ်ခံရမှုကြောင့် ကွန်ဂိုနဲ့ ရဝမ်ဒါတို့ကြား တင်းမာမှုတွေရှိနေ

ဒီဖြစ်စဉ်မှာ ကွန်ဂိုရဲ့ Su-25 အမျိုးအစား တိုက်လေယာဉ်ဟာ လေပိုင်နက် ကျူးကျော်လာတာကြောင့် နည်းမှန်လမ်းမှန် တုံ့ပြန်ခဲ့တာလို့ ရဝမ်ဒါ စစ်တပ်က ပြောပါတယ်။

တိုက်လေယာဉ် ပစ်ခတ်ခံရမှုကြောင့် ကွန်ဂိုနဲ့ ရဝမ်ဒါတို့ကြား တင်းမာမှုတွေရှိနေ
တိုက်လေယာဉ် ပစ်ခတ်ခံရမှုကြောင့် ကွန်ဂိုနဲ့ ရဝမ်ဒါတို့ကြား တင်းမာမှုတွေရှိနေ

တိုက်လေယာဉ်တစ်စီး ပစ်ခတ်ခံရတဲ့ ကိစ္စနဲ့ ပတ်သက်လို့ အာဖရိက နိုင်ငံတွေဖြစ်တဲ့ ကွန်ဂိုနဲ့ ရဝမ်ဒါတို့ကြား တင်းမာမှုတွေ ဖြစ်ပေါ်နေပါတယ်။

အခုသီတင်းပတ် အစောပိုင်းက နှစ်နိုင်ငံ နယ်စပ်နားမှာ ကွန်ဂို တိုက်လေယာဉ် တစ်စီးကို ရဝမ်ဒါ လေကြောင်း ကာကွယ်ရေး တပ်တွေက ပစ်ခတ်ခဲ့ကြောင်း သိရပါတယ်။ ဒီဖြစ်စဉ်မှာ ကွန်ဂိုရဲ့ Su-25 အမျိုးအစား တိုက်လေယာဉ်ဟာ လေပိုင်နက် ကျူးကျော်လာတာကြောင့် နည်းမှန်လမ်းမှန် တုံ့ပြန်ခဲ့တာလို့ ရဝမ်ဒါ စစ်တပ်က ပြောပါတယ်။

ဒါပေမဲ့ ကွန်ဂိုကတော့ ဒီလုပ်ရပ်ဟာ စစ်ကြေညာတယ်လို့ ယူဆဖို့ လုံလောက်နေပြီလို့ တင်းတင်းမာမာ သတိပေးခဲ့ပါတယ်။ ဒါ့အပြင် ရဝမ်ဒါ အစိုးရ ရုပ်မြင်သံကြား ဌာနဟာ တိုက်လေယာဉ် တစ်စီးကို တစ်စုံတရာနဲ့ လှမ်းပစ်လို့ လေယာဉ် ကိုယ်ထည်နားမှာ ပေါက်ကွဲမှု ဖြစ်သွားတဲ့ ဗီဒီယို တစ်ခုကိုလည်း အလွတ်သဘော ထုတ်ပြန် ပြသခဲ့ပါတယ်။

ရဝမ်ဒါ လေကြောင်း ကာကွယ်ရေး တပ်ဖွဲ့က ကွန်ဂို တိုက်လေယာဉ်တွေဟာ ရဝမ်ဒါ လေပိုင်နက်ကို ကျူးကျော်တာ ၃ လအတွင်း ၃ ကြိမ်ထိ ရှိလာတဲ့အတွက် အခုလို တုံ့ပြန်ခဲ့တာ ဖြစ်ကြောင်း ပြောပါတယ်။ နိုင်ငံရဲ့ အချုပ်အခြာ အာဏာကို ကာကွယ်ဖို့အတွက် သင့်တော်သလို စီမံ ဆောင်ရွက်ခဲ့ကြောင်း၊ ရဝမ်ဒါ အနေနဲ့ ကွန်ဂိုဖက်က ရန်လိုတဲ့ အပြုအမူတွေ အမြန်ဆုံး ရပ်တန့်ဖို့ တောင်းဆိုလိုကြောင်း ရဝမ်ဒါ အစိုးရ ပြောရေးဆိုခွင့်ရ အရာရှိ ယိုလန်ဒီ မာကိုလိုက ဆိုပါတယ်။

Public Service Announcement

Public Service Announcement

ကွန်ဂိုဖက်ကတော့ ရဝမ်ဒါရဲ့ ပစ်ခတ်မှုကြောင့် တိုက်လေယာဉ်မှာ အနည်းငယ် မီးစွဲလောင်ခဲ့ပြီး ဂိုမာမြို့က နိုင်ငံတကာ လေဆိပ်မှာ အရေးပေါ် ဆင်းသက်ခဲ့ရကြောင်းနဲ့ ကွန်ဂို လေပိုင်နက်ထဲမှာ အဲဒီလေယာဉ် ရှိနေချိန် ပစ်ခတ်ခံရတာဖြစ်ကြောင်း ကြေညာပါတယ်။ လေယာဉ်ဟာ အကြီးစား ထိခိုက်ပျက်စီးမှုမျိုး မရှိဘဲနဲ့ ဆင်းသက်နိုင်ခဲ့ကြောင်း၊ အခုလို တိုက်ခိုက်မှုကို စစ်ကြေညာတဲ့ လုပ်ရပ်လို့ ယူဆနိုင်ကြောင်း ကွန်ဂို အစိုးရက ထုတ်ပြန်ပါတယ်။

ရဝမ်ဒါနဲ့ ကွန်ဂိုတို့ဟာ အိမ်နီးချင်းတွေ ဖြစ်ပေမယ့် ဆက်ဆံရေး အေးခဲတဲ့ နောက်ခံ အခြေအနေတွေ ရှိနေပါတယ်။ ကွန်ဂို အစိုးရက သူတို့ရဲ့ အရှေ့ပိုင်းမှာရှိတဲ့ အိမ်နီးချင်း နိုင်ငံဟာ M23 စစ်သွေးကြွတွေကို ထောက်ခံ အားပေးနေကြောင်း စွပ်စွဲပြောကြားထားပါတယ်။

ဆက်စပ်သတင်းများ

နိုင်ငံတကာ

တရားခံဟာ အသက် ၇၁ နှစ်အရွယ် စာရေးဆရာ၊ နိုင်ငံရေး တက်ကြွ လှုပ်ရှားသူ တစ်ဦးလို့ သတင်းတွေ ပျံ့နှံ့နေပေမယ့် သီးခြား အတည်မပြုနိုင်သေးပါဘူး။

ဆောင်းပါး

မြဝတီမြို့ပြင်တိုက်ပွဲများကြောင့် မြို့ခံအချို့မှာ လုံခြုံရေးအခြေအနေစိုးရိမ်၍ ယခုရက်ပိုင်းအတွင်း ထိုင်းနိုင်ငံ၊​ မဲဆောက်မြို့သို့ ပြောင်းရွှေ့နေထိုင်မှုများလည်း ရှိနေသည်။

နိုင်ငံတကာ

အမေရိကန် လေတပ်ဟာ CCAလို့ နာမည်ပေးထားတဲ့ ပရောဂျက်ကို အကောင်အထည်ဖော် စမ်းသပ်နေတာ နှစ်နဲ့ချီ ကြာမြင့်ခဲ့ပြီ ဖြစ်ပြီး ရှိရင်းစွဲ တိုက်လေယာဉ်တွေကို လေယာဉ်မှူးတွေအစား AIက ဆုံးဖြတ် ပျံသန်းတာမျိုး ခိုင်းစေနေတာ ဖြစ်ပါတယ်။

နိုင်ငံတကာ

ရုရှားဖက်ကတော့ လေတပ်စခန်း တိုက်ခိုက်ခံရတယ် ဆိုတာကို ငြင်းဆိုပြီး ရော့စတော့ဗ်အပြင် အနီးတဝိုက် ဒေသတွေကို ကျူးကျော်လာတဲ့ ရန်သူဒရုန်း ၄၀ ကျော်ကို အကုန်အစင် ကြားဖြတ် ပစ်ချနိုင်ခဲ့တယ်လို့ ထုတ်ပြန်ထားပါတယ်။