Connect with us

Hi, what are you looking for?

LuduNwayOo

နိုင်ငံတကာ

ပျံအတက်မှာ မီးအချက်ပြ ဓာတ်တိုင်နဲ့ တိုက်မိပြီး ကိုယ်ထည်ပေါက်ပြဲသွားတဲ့ လေယာဉ် အရေးပေါ် ပြန်ဆင်းခဲ့ရ

ခရီးစဉ်အမှတ် JU324 အဖြစ် ပျံသန်းတဲ့ လေယာဉ်ဟာ လေယာဉ်ကွင်းကနေ ပျံတက်သွားပြီးတဲ့နောက် လေထဲမှာ အတော်ကြာကြာ လှည့်ပတ် ပျံဝဲပြီးမှ ဘဲလ်ဂရိတ်မြို့မှာရှိတဲ့ Tesla လေဆိပ်ကို ချောချောမောမော ပြန်လည် ဆင်းသက်နိုင်ခဲ့ပါတယ်။

ပျံအတက်မှာ မီးအချက်ပြ ဓာတ်တိုင်နဲ့ တိုက်မိပြီး ကိုယ်ထည်ပေါက်ပြဲသွားတဲ့ လေယာဉ် အရေးပေါ် ပြန်ဆင်းခဲ့ရ
ပျံအတက်မှာ မီးအချက်ပြ ဓာတ်တိုင်နဲ့ တိုက်မိပြီး ကိုယ်ထည်ပေါက်ပြဲသွားတဲ့ လေယာဉ် အရေးပေါ် ပြန်ဆင်းခဲ့ရ

ဆာဘီးယားနိုင်ငံမှာ ခရီးသည်တင် လေယာဉ်တစ်စီး ပျံတက်တဲ့အချိန် လေယာဉ်ပြေးလမ်း အဆုံးက မီးအချက်ပြ ဓာတ်တိုင်နဲ့ တိုက်မိပြီး ကိုယ်ထည် ပေါက်ပြဲသွားတဲ့အတွက် အရေးပေါ် ပြန်လည် ဆင်းသက်ခဲ့ရပါတယ်။

ဂရိရဲ့ Marathon လေကြောင်းလိုင်းပိုင် Embraer E195LR အမျိုးအစား လေယာဉ်ဟာ ဖေဖော်ဝါရီ ၁၈ ရက်နေ့ ညပိုင်းက ဂျာမနီနိုင်ငံ၊ ဒူဆယ်လ်ဒေါ့ဖ်မြို့ကို ဦးတည် ပျံသန်းဖို့ ရည်ရွယ်ထားခဲ့ပါတယ်။ ဒါပေမဲ့ လေယာဉ် ပျံတက်ချိန်မှာ အမှားအယွင်းကြုံပြီး ပြေးလမ်းကို အလင်းရောင်ပေးတဲ့ ဓာတ်တိုင်နဲ့ ငြိမိပြီး ကိုယ်ထည်မှာ ပေါက်ပြဲမှုတွေ ဖြစ်ခဲ့တာပါ။

ခရီးစဉ်အမှတ် JU324 အဖြစ် ပျံသန်းတဲ့ လေယာဉ်ဟာ လေယာဉ်ကွင်းကနေ ပျံတက်သွားပြီးတဲ့နောက် လေထဲမှာ အတော်ကြာကြာ လှည့်ပတ် ပျံဝဲပြီးမှ ဘဲလ်ဂရိတ်မြို့မှာရှိတဲ့ Tesla လေဆိပ်ကို ချောချောမောမော ပြန်လည် ဆင်းသက်နိုင်ခဲ့ပါတယ်။

ခရီးသည် ၁၃၂ ဦး လိုက်ပါနိုင်တဲ့ လေယာဉ်ရဲ့ ဘေးဖက်မှာ အပေါက်ကြီး တစ်ခု ဖြစ်သွားသလို တခြားပွန်းပဲ့ထားတဲ့ အစင်းကြောင်းတွေကိုပါ တွေ့ရပါတယ်။ ကံအားလျော်စွာနဲ့ပဲ လေယာဉ်ပေါ် လိုက်ပါသွားသူတွေ ထိခိုက်ဒဏ်ရာရမှုတော့ မရှိခဲ့ပါဘူး။ လေယာဉ်ပေါ် လူဘယ်နှယောက် ပါသွားတယ် ဆိုတာကိုတော့ လေကြောင်းလိုင်းက မထုတ်ပြန်သေးပါဘူး။

Public Service Announcement

Public Service Announcement

လေယာဉ်ဟာ ကိုယ်ထည် ဆိုးဆိုးရွားရွား ထိခိုက်ထားတဲ့တိုင် လေယာဉ်ဆီ လျှော့ချဖို့အတွက် လေထဲမှာ အမြင့်ပေ ၄၀၀၀ နဲ့ ၆၀၀၀ ကြား ပြောင်းလဲပြီး တစ်နာရီနီးပါး လှည့်ပတ် ပျံသန်းနေခဲ့သေးတယ်လို့ ဆိုပါတယ်။

လေယာဉ်ဟာ ဘာကြောင့် ဓာတ်တိုင်နဲ့ တိုက်ခဲ့သလဲ ဆိုတာကို ရှင်းရှင်းလင်းလင်း မသိရသေးပါဘူး။ နောက်ပြီး E195LRလို အရွယ်အစားနဲ့ လေယာဉ်မျိုးဟာ ပေ ၄၂၆၀ သာရှည်တဲ့ ပြေးလမ်းကနေ ပျံတက်ခဲ့တယ် ဆိုတာကိုလည်း လေကြောင်းသိပ္ပံ ပညာရှင်တွေက မေးခွန်းထုတ်နေပါတယ်။ အဲဒီလေယာဉ်တွေဟာ လုံလောက်တဲ့ ပင့်အားကို ရရှိဖို့ ပုံမှန်အားဖြင့် ပေ ၇၀၀၀ လောက်ရှည်တဲ့ ပြေးလမ်းမျိုး လိုအပ်တယ်လို့ သိရပါတယ်။

ကိုးကား: Daily Mail

ဆက်စပ်သတင်းများ

သတင်း

TNLA တပ်မဟာ(၆)စစ်ဒေသ လားရှိုးမြို့နယ် မိုင်းကျက်စခန်းကို အောက်တိုဘာ ၂၇ရက်တွင် စတင်တိုက်ခိုက်ခဲ့ရာ တစ်လနီးပါးအကြာ နိုဝင်ဘာ၂၃ရက် ညသန်းခေါင်တွင် ဝင်ရောက်ရှင်းလင်းသိမ်းပိုက်နိုင်ခဲ့သည်ဟု TNLA သတင်းပြန်ကြားရေးဌာနက အတည်ပြုသည်။

မေးမြန်းခန်း

ကရင်နီ လူ့အခွင့်အရေးအဖွဲ့ ဒါရိုက်တာလည်းဖြစ် ၊ကရင်နီကြားကာလအတိုင်ပင်ခံ​ကောင်စီ (IEC)အတွင်း​ရေးမှူးလည်းဖြစ်တဲ့ ဦးဗညားခွန်း​အောင်ကို လူထုနွေဦး (People's Spring )က ဆက်သွယ်မေးမြန်းထားပါတယ်။

သတင်း

ရဲမှူးလှိုင်မြင့်သိန်းဆိုသူက မင်းရွာရဲစခန်းတိုက်ခိုက်ခံရမှု အခြေအနေကို ဗိုလ်အေးမင်းစိုးဆိုသူထံ မေးမြန်းရာ စခန်းရှိ ရဲတပ်ဖွဲ့ဝင်က အစပိုင်း၌ ထိခိုက်မှုမရှိကြောင်း ပြန်လည်ဖြေကြားသည်။

သတင်း

စစ်ကောင်စီစစ်‌ကြောင်းသည် ချောင်းဝရွာအနီးရှိ မင်းကျောင်းကုန်းကျေးရွာ ဘုန်းကြီးကျောင်းတွင် တပ်စွဲနေသဖြင့် ပြင်ဆင်မှုမလုပ်နိုင်သေးပေ။