Connect with us

Hi, what are you looking for?

LuduNwayOo

နိုင်ငံတကာ

⁨ဟာ့ဂျ်ဝတ်ပြု ခရီးစဉ်မှာ အပူလျှပ် သေဆုံးသူ ၅၇၇ ဦးရှိခဲ့

အခုနှစ် ဟာ့ဂျ်ကာလ ဝတ်ပြုအခမ်းအနားဆီ စုစုပေါင်း လူ ၁.၈ သန်းလောက် တက်ရောက်ခဲ့ပြီး ၁.၆ သန်းလောက်ဟာ နိုင်ငံခြားသားတွေ ဖြစ်ပါတယ်။

⁨ဟာ့ဂျ်ဝတ်ပြု ခရီးစဉ်မှာ အပူလျှပ် သေဆုံးသူ ၅၇၇ ဦးရှိခဲ့
⁨ဟာ့ဂျ်ဝတ်ပြု ခရီးစဉ်မှာ အပူလျှပ် သေဆုံးသူ ၅၇၇ ဦးရှိခဲ့

အခုနှစ် ဟာ့ဂျ်ကာလမှာ မွတ်ဆလင် ဝတ်ပြု ခရီးသည်တွေထဲက စုစုပေါင်း ၅၇၇ ဦးထိ အပူဒဏ်ကြောင့် သေဆုံးခဲ့ကြောင်း ဆော်ဒီအာရေးဘီးယား အာဏာပိုင်တွေက ကြေညာခဲ့ပါတယ်။

အစောပိုင်းတုန်းက ဂျော်ဒန် နိုင်ငံခြားရေး ဝန်ကြီးဌာနဟာ ဆော်ဒီမှာ ၅ ရက်ကြာ ဝတ်ပြုခရီးစဉ် သွားရောက်ခဲ့တဲ့ နိုင်ငံသားတွေထဲက ဒါဇင်နဲ့ချီ အပူလျှပ် သေဆုံးမှုတွေ ရှိခဲ့ကြောင်း ထုတ်ပြန်ခဲ့ပါတယ်။ ဇွန်လ ၁၈ ရက်နေ့ ထုတ်ပြန်ချက်မှာတော့ ဆော်ဒီမှာ ဘာသာရေး ခရီးစဉ်အတွက် သွားရောက်ရင်း အပူကြောင့် သေဆုံးသူ အရေအတွက်ဟာ မူလ ခန့်မှန်းချက်ထက် အများကြီး ပိုမြင့်တက်လာတာကို တွေ့ရပါတယ်။

ဟာ့ဂျ်ဝတ်ပြုမှု အစီအစဉ်အတွက် လူအများဆုံး စုဝေးရာ မက္ကာ တမြို့တည်းက ရင်ခွဲရုံတွေဆီ အပူလျှပ် သေဆုံးသူ စုစုပေါင်း ၅၅၀ လောက် ရောက်ရှိခဲ့တယ်လို့ ဆိုပါတယ်။

အခုနှစ် ဟာ့ဂျ်ကာလ ဝတ်ပြုအခမ်းအနားဆီ စုစုပေါင်း လူ ၁.၈ သန်းလောက် တက်ရောက်ခဲ့ပြီး ၁.၆ သန်းလောက်ဟာ နိုင်ငံခြားသားတွေ ဖြစ်ပါတယ်။

Public Service Announcement

Public Service Announcement

သေဆုံးသူတွေထဲမှာ အများဆုံးက အီဂျစ်နိုင်ငံသားတွေ ဖြစ်ကြပြီး အနည်းဆုံး ၃၂၃ ဦးထိ အတည်ပြုထားပြီး ဖြစ်ပါတယ်။ ဒါ့အပြင် ဂျော်ဒန်၊ အင်ဒိုနီးရှား၊ အီရန်နဲ့ ဆီနီဂေါ နိုင်ငံသားတွေလည်း ဝတ်ပြုခရီးစဉ်အတွင်း အပူဒဏ်ကြောင့် သေဆုံးတာတွေ ရှိခဲ့ပါတယ်။

ဆော်ဒီ အာဏာပိုင်တွေဟာ ဟာ့ဂျ်ကာလအတွင်း အပူဒဏ် ခံစားရမှုကို လျှော့ချနိုင်အောင် အစွမ်းကုန် ပြင်ဆင်ထားပေမယ့်လည်း ရာနှုန်းပြည့် အောင်မြင်မှုတော့ မရခဲ့ပါဘူး။ ဆော်ဒီမှာ အာရာဖတ် တောင်နားက ယာယီ နားခိုရာ ရွက်ဖျင်တဲတွေကို အပူလျော့စေမယ့် အဖြူရောင်တွေ အသုံးပြုထားသလို ဟာ့ဂျ်ဝတ်ပြုပွဲတော် နေရာတွေဆီ သွားရောက်မယ့် လမ်းတွေကိုပါ ဆေးအဖြူတွေ သုတ်လိမ်းထားပေးခဲ့ပါတယ်။

ဒါပေမဲ့လည်း ငွေကြေး မတတ်နိုင်လို့ အာဏာပိုင်တွေဆီက ပေးအပ်မယ့် ဝန်ဆောင်မှုတွေအတွက် စာရင်းမသွင်းထားနိုင်တဲ့ တခြား ဟာ့ဂျ်ခရီးသည်တွေလည်း အများအပြား ရှိခဲ့ပါတယ်။ မက္ကာမြို့ရဲ့ အပြင်ဖက်က မီနာမှာ တချို့ ဟာ့ဂျ်ဝတ်ပြု ခရီးသည်တွေဟာ ပူလွန်းတာကြောင့် ခေါင်းပေါ်ကနေ ရေအေးတွေ လောင်းချနေတာ၊ နေပူပူကြီးထဲမှာ ရေခဲမုန့်တွေ စားနေတာတွေ တွေ့ခဲ့တယ်လို့ သတင်းထောက် တချို့က ပြောပါတယ်။

ဆော်ဒီ အာဏာပိုင်တွေက ဝတ်ပြု ခရီးသည်တွေ အနေနဲ့ ထီးတွေဆောင်းကြဖို့၊ ရေများများသောက်ဖို့၊ တစ်နေ့တာရဲ့ အပူဆုံး အချိန်တွေမှာ နေရောင်ခြည်နဲ့ တိုက်ရိုက် ထိတွေ့မှုကို ရှောင်ကြဖို့ တိုက်တွန်း နှိုးဆော်ခဲ့ပါတယ်။

နှစ်စဉ် ကျင်းပပြီး ကမ္ဘာပေါ်မှာ လူဦးရေ အထူထပ်ဆုံး စုဝေးရာ ဘာသာရေး ပွဲတော်ဖြစ်တဲ့ ဟာ့ဂျ်မှာ အရင်တုန်းက လူတွေ တိုးဝှေ့ပြီး ပိမိတာ၊ ရွက်ဖျင်တဲတွေ ပြိုကျတာနဲ့ တခြား မတော်တဆ ဖြစ်ရပ်တွေကြောင့် အသက်ဆုံးရှုံးမှုတွေ ရှိခဲ့ပါတယ်။ ဒါပေမဲ့ နောက်ပိုင်းနှစ်တွေမှာတော့ အပူချိန် မြင့်တက်မှုဟာ ဟာ့ဂျ်ကို ကြီးမှူး ပြင်ဆင်ရတဲ့ ဆော်ဒီ အာဏာပိုင်တွေအတွက် ခေါင်းအခဲရဆုံး စိန်ခေါ်မှု ဖြစ်လာပါတယ်။ မနှစ်တုန်းကဆိုရင် အင်ဒိုနီးရှား နိုင်ငံသား အများစု အပါအဝင် ဟာ့ဂျ်ခရီးသည် ၂၄၀ ကျော်လောက် အပူလျှပ် သေဆုံးခဲ့ပါတယ်။ ပျမ်းမျှအားဖြင့် ဟာ့ဂျ်ကာလ ပျမ်းမျှ အပူချိန်ဟာ ဆယ်စုနှစ် တစ်ခုပြီးတစ်ခု ၀.၄ ဒီဂရီ ဆဲလ်ဆီးရပ်စ်လောက် တိုးလာနေတယ်လို့လည်း သိရပါတယ်။

ကိုးကား: AP⁩

ဆက်စပ်သတင်းများ

သတင်း

ရမခ အခြေစိုက်ရာ လားရှိုးတွင် တိုက်ပွဲများ ပြင်းထန်နေပြီး ယမန်နေ့ ဇူလိုင် ၇ရက်ညပိုင်းက စစ်ကောင်စီ၏ ခမရ(၅၀၇) တပ်ရင်းကို ကိုးကန့်တပ်ဖွဲ့က သိမ်းပိုက်ရရှိခဲ့သည်။

သတင်း

အရပ်သားသေဆုံးထိခိုက်မှုမှာ TNLAက ထုတ်ပြန်ထားသည့် အရေအတွက်ထက် ပိုများနိုင်သည်ကို ဒေသခံ သတင်းရင်းမြစ်၏ အသိပေးချက်အရ သိရသည်။

သတင်း

စခန်းအများအပြား လက်လွှတ်လိုက်ရသည့် စစ်ကောင်စီက လေကြောင်းမှ အချိန်မရွေးတိုက်ခိုက်လာနိုင်ကြောင်း ဒေသခံများအား ကာကွယ်ရေးရဲဘော်များက သတိပေးသည်။

သတင်း

ဇွန်လ ၂၈ ရက်နေ့တုန်းက အသက် ၁၃ နှစ်အရွယ် ကရင်လူငယ်လေး ညာမွေဟာ ရဲတပ်ဖွဲ့ရဲ့ ပစ်ခတ်မှုကြောင့် ကွယ်လွန်ခဲ့ရပါတယ်။ အဲဒီမတိုင်ခင် နှစ်ရက်ကမှ သူဟာယူတီကာမှာ အလယ်တန်း ပညာသင်ယူမှု အောင်မြင် ပြီးမြောက်ထားခဲ့ပါတယ်။