Connect with us

Hi, what are you looking for?

နိုင်ငံတကာ

ရုရှားရဲ့ အမြဲတမ်း စစ်အင်အား ၁.၂ သန်းထိ ချဲ့ထွင်ဖွဲ့စည်းဖို့ ပူတင် အမိန့်ပေး

နိုင်ငံရဲ့ စစ်အင်အားကို တစ်သန်းခွဲထိ ချဲ့ထွင် တိုးမြှင့်သွားဖို့ ရုရှား သမ္မတ ဗလာဒီမာ ပူတင်က အမိန့်ပေး ညွှန်ကြားလိုက်ပါတယ်။

တစ်နည်းအားဖြင့် ရုရှားဟာ ရှိရင်းစွဲ စစ်အင်အားကို နောက်ထပ် တစ်သိန်း ရှစ်သောင်းလောက် ထပ်တိုးပြီး အမြဲတမ်း တပ်ဖွဲ့ဝင် အရေအတွက်ကို တစ်သန်းခွဲထိ အသင့်အနေအထား ရှိစေမယ့် သဘောပါပဲ။

အမြဲတမ်း တပ်ဖွဲ့ဝင် တစ်သန်းခွဲ ရှိနေတဲ့ စစ်တပ်ဟာ ကမ္ဘာပေါ်မှာ တရုတ်ပြီးရင် ဒုတိယ အင်အား အတောင့်တင်းဆုံး ဖြစ်လာမှာပါ။

ပူတင်ရဲ့ ညွှန်ကြားချက် အမိန့်ကို စက်တင်ဘာ ၁၆ ရက်နေ့တုန်းက ကရင်မလင် နန်းတော်ရဲ့ ဝက်ဘ်ဆိုက်မှာ ကြေညာထားပါတယ်။ ပူတင်ဟာ အရန်တပ်တွေ အပါအဝင် နိုင်ငံရဲ့ စုစုပေါင်း လက်နက်ကိုင် အင်အားကို ၂.၃၈ သန်းထိ မြှင့်တင်ဖို့ ရည်ရွယ်ထားတယ်လို့လည်း သိရပါတယ်။

Public Service Announcement

Public Service Announcement

နိုင်ငံတကာ မဟာဗျူဟာ လေ့လာရေး အင်စတီကျု (IISS)ရဲ့ အဆိုအရ ပူတင်ရဲ့ ရည်မှန်းချက် အင်အားအတိုင်း တပ်အင်အား ချဲ့ထွင်နိုင်မယ်ဆိုရင် ရုရှားဟာ အမေရိကန်နဲ့ အိန္ဒိယကို ကျော်တက်ပြီး ကမ္ဘာပေါ်မှာ ဒုတိယ စစ်သည်အင်အား အတောင့်ဆုံး နိုင်ငံ ဖြစ်လာမယ်လို့ ဆိုပါတယ်။ ထိပ်ဆုံးနေရာမှာတော့ အမြဲတမ်း တပ်အင်အား ၂ သန်း ကျော်ရှိတဲ့ တရုတ်ကပဲ ဦးဆောင်နေဆဲပါ။

အိမ်နီးချင်း ယူကရိန်း နိုင်ငံကို ကျူးကျော်စစ် ဆင်နွှဲခဲ့တဲ့နောက်ပိုင်း ဒါဟာ ရုရှားက တပ်အင်အားကို တတိယ အကြိမ်မြောက် တိုးချဲ့ဖို့ ခြေလှမ်းပြင်လာခြင်းလည်း ဖြစ်ပါတယ်။ စစ်ပွဲမှာ ရုရှားရော၊ ယူကရိန်းပါ အမြဲတမ်း တပ်အင်အား အတော်များများ ပြုန်းတီးခဲ့ပေမယ့် နှစ်ဖက်စလုံးကတော့ ထိခိုက်ကျဆုံးမှု အသေးစိတ် အချကအလက်တွေကို မထုတ်ပြန်ပါဘူး။

ပူတင်ဟာ ၂၀၂၂ နောက်ပိုင်းမှာ စစ်သည် အင်အားကို တစ်သိန်းလေးသောင်းနီးပါးတစ်ကြိမ်၊ တစ်သိန်း ခုနစ်သောင်း တစ်ကြိမ် ချဲ့ထွင် စုဆောင်းဖို့ အမိန့်ပေးခဲ့ဖူးပြီး အခု တတိယ အကြိမ်မြောက်အဖြစ် တစ်သိန်း ရှစ်သောင်း ထပ်မံစုစည်းဖို့ ညွှန်ကြားခဲ့တာ ဖြစ်ပါတယ်။

ကိုးကား: Reuters⁩

ဆက်စပ်သတင်းများ

နိုင်ငံတကာ

အစိုးရရဲ့ ဖိအားပေးမှုတွေ မြင့်တက်လာတဲ့နောက် ရုရှားရဲ့ နောက်ဆုံးလက်ကျန် လွတ်လပ်တဲ့ သတင်းစာတိုက်ကို ပိတ်သိမ်းလိုက်ရပြီ ဖြစ်ပါတယ်။

နိုင်ငံတကာ

ကမ္ဘာ့အချမ်းသာဆုံး ပုဂ္ဂိုလ် နည်းပညာ လုပ်ငန်းရှင် ဘီလီယံနာ သူဌေးကြီး အီလွန်မတ်စ်ခ်ကို ဉာဏ်ကြီးရှင် တစ်ယောက်လို့ ရုရှား သမ္မတ ဗလာဒီမာ ပူတင်က ချီးကျူးလိုက်ပါတယ်။

နိုင်ငံတကာ

ရှားပါး အခြေအနေ တစ်ခုအဖြစ် NATO အဖွဲ့ဝင် နိုင်ငံနှစ်ခုရဲ့ ခေါင်းဆောင်တွေဟာ ရုရှား သမ္မတ ဗလာဒီမာ ပူတင်နဲ့ ဖုန်းဆက် ဆွေးနွေးခဲ့ကြပါတယ်။

နိုင်ငံတကာ

ရုရှား သမ္မတ ဗလာဒီမာ ပူတင်ကို လူသားချင်းစာနာ​ထောက်ထားသူ (humanitarian) တစ်ဦးလို့ ချီးကျူး ပြောဆိုခဲ့တဲ့ အမေရိကန် အစိုးရ ကိုယ်စားလှယ်ဟာ ဝေဖန်မှုတွေနဲ့ ရင်ဆိုင်နေရပါတယ်။

Facebook